16 (49:17) אל תירא כי יעשׁר אישׁ כי ירבה כבוד ביתו׃
Psalms 49:16 Cross References - HOT
Genesis 31:1
1 וישׁמע את דברי בני לבן לאמר לקח יעקב את כל אשׁר לאבינו ומאשׁר לאבינו עשׂה את כל הכבד הזה׃
Esther 3:1-6
1 אחר הדברים האלה גדל המלך אחשׁורושׁ את המן בן המדתא האגגי וינשׂאהו וישׂם את כסאו מעל כל השׂרים אשׁר אתו׃2 וכל עבדי המלך אשׁר בשׁער המלך כרעים ומשׁתחוים להמן כי כן צוה לו המלך ומרדכי לא יכרע ולא ישׁתחוה׃3 ויאמרו עבדי המלך אשׁר בשׁער המלך למרדכי מדוע אתה עובר את מצות המלך׃4 ויהי באמרם אליו יום ויום ולא שׁמע אליהם ויגידו להמן לראות היעמדו דברי מרדכי כי הגיד להם אשׁר הוא יהודי׃5 וירא המן כי אין מרדכי כרע ומשׁתחוה לו וימלא המן חמה׃6 ויבז בעיניו לשׁלח יד במרדכי לבדו כי הגידו לו את עם מרדכי ויבקשׁ המן להשׁמיד את כל היהודים אשׁר בכל מלכות אחשׁורושׁ עם מרדכי׃
Esther 5:11
11 ויספר להם המן את כבוד עשׁרו ורב בניו ואת כל אשׁר גדלו המלך ואת אשׁר נשׂאו על השׂרים ועבדי המלך׃
Psalms 37:1
1 לדוד אל תתחר במרעים אל תקנא בעשׂי עולה׃
Psalms 37:7
7 דום ליהוה והתחולל לו אל תתחר במצליח דרכו באישׁ עשׂה מזמות׃
Psalms 49:5
5 (49:6) למה אירא בימי רע עון עקבי יסובני׃
Proverbs 28:12
12 בעלץ צדיקים רבה תפארת ובקום רשׁעים יחפשׂ אדם׃