4 (22:5) בך בטחו אבתינו בטחו ותפלטמו׃
Psalms 22:4 Cross References - HOT
Genesis 15:6
6 והאמן ביהוה ויחשׁבה לו צדקה׃
Genesis 32:9-12
9 (32:10) ויאמר יעקב אלהי אבי אברהם ואלהי אבי יצחק יהוה האמר אלי שׁוב לארצך ולמולדתך ואיטיבה עמך׃10 (32:11) קטנתי מכל החסדים ומכל האמת אשׁר עשׂית את עבדך כי במקלי עברתי את הירדן הזה ועתה הייתי לשׁני מחנות׃11 (32:12) הצילני נא מיד אחי מיד עשׂו כי ירא אנכי אתו פן יבוא והכני אם על בנים׃12 (32:13) ואתה אמרת היטב איטיב עמך ושׂמתי את זרעך כחול הים אשׁר לא יספר מרב׃
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
Exodus 14:13-14
Exodus 14:31
31 וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃
1 Samuel 7:9-12
9 ויקח שׁמואל טלה חלב אחד ויעלה עולה כליל ליהוה ויזעק שׁמואל אל יהוה בעד ישׂראל ויענהו יהוה׃10 ויהי שׁמואל מעלה העולה ופלשׁתים נגשׁו למלחמה בישׂראל וירעם יהוה בקול גדול ביום ההוא על פלשׁתים ויהמם וינגפו לפני ישׂראל׃11 ויצאו אנשׁי ישׂראל מן המצפה וירדפו את פלשׁתים ויכום עד מתחת לבית כר׃12 ויקח שׁמואל אבן אחת וישׂם בין המצפה ובין השׁן ויקרא את שׁמה אבן העזר ויאמר עד הנה עזרנו יהוה׃
Psalms 44:1-7
1 למנצח לבני קרח משׂכיל׃ (44:2) אלהים באזנינו שׁמענו אבותינו ספרו לנו פעל פעלת בימיהם בימי קדם׃2 (44:3) אתה ידך גוים הורשׁת ותטעם תרע לאמים ותשׁלחם׃3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃4 (44:5) אתה הוא מלכי אלהים צוה ישׁועות יעקב׃5 (44:6) בך צרינו ננגח בשׁמך נבוס קמינו׃6 (44:7) כי לא בקשׁתי אבטח וחרבי לא תושׁיעני׃7 (44:8) כי הושׁעתנו מצרינו ומשׂנאינו הבישׁות׃