Psalms 135:1 Cross References - HOT

1 הללו יה הללו את שׁם יהוה הללו עבדי יהוה׃

Exodus 34:5-7

5 וירד יהוה בענן ויתיצב עמו שׁם ויקרא בשׁם יהוה׃6 ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃7 נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

Nehemiah 9:5

5 ויאמרו הלוים ישׁוע וקדמיאל בני חשׁבניה שׁרביה הודיה שׁבניה פתחיה קומו ברכו את יהוה אלהיכם מן העולם עד העולם ויברכו שׁם כבודך ומרומם על כל ברכה ותהלה׃

Psalms 7:17

17 (7:18) אודה יהוה כצדקו ואזמרה שׁם יהוה עליון׃

Psalms 33:1-2

1 רננו צדיקים ביהוה לישׁרים נאוה תהלה׃2 הודו ליהוה בכנור בנבל עשׂור זמרו׃

Psalms 96:1-4

1 שׁירו ליהוה שׁיר חדשׁ שׁירו ליהוה כל הארץ׃2 שׁירו ליהוה ברכו שׁמו בשׂרו מיום ליום ישׁועתו׃3 ספרו בגוים כבודו בכל העמים נפלאותיו׃4 כי גדול יהוה ומהלל מאד נורא הוא על כל אלהים׃

Psalms 102:21

21 (102:22) לספר בציון שׁם יהוה ותהלתו בירושׁלם׃

Psalms 106:1

1 הללויה הודו ליהוה כי טוב כי לעולם חסדו׃

Psalms 107:8

8 יודו ליהוה חסדו ונפלאותיו לבני אדם׃

Psalms 107:15

15 יודו ליהוה חסדו ונפלאותיו לבני אדם׃

Psalms 111:1

1 הללו יה אודה יהוה בכל לבב בסוד ישׁרים ועדה׃

Psalms 112:1

1 הללו יה אשׁרי אישׁ ירא את יהוה במצותיו חפץ מאד׃

Psalms 113:1-3

1 הללו יה הללו עבדי יהוה הללו את שׁם יהוה׃2 יהי שׁם יהוה מברך מעתה ועד עולם׃3 ממזרח שׁמשׁ עד מבואו מהלל שׁם יהוה׃

Psalms 117:1-2

1 הללו את יהוה כל גוים שׁבחוהו כל האמים׃2 כי גבר עלינו חסדו ואמת יהוה לעולם הללו יה׃

Psalms 134:1

1 שׁיר המעלות הנה ברכו את יהוה כל עבדי יהוה העמדים בבית יהוה בלילות׃

Psalms 148:13

13 יהללו את שׁם יהוה כי נשׂגב שׁמו לבדו הודו על ארץ ושׁמים׃

Psalms 149:1-3

1 הללו יה שׁירו ליהוה שׁיר חדשׁ תהלתו בקהל חסידים׃2 ישׂמח ישׂראל בעשׂיו בני ציון יגילו במלכם׃3 יהללו שׁמו במחול בתף וכנור יזמרו׃

Psalms 150:6

6 כל הנשׁמה תהלל יה הללו יה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.