Psalms 124:6 Cross References - HOT

6 ברוך יהוה שׁלא נתננו טרף לשׁניהם׃

Exodus 15:9-10

9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃10 נשׁפת ברוחך כסמו ים צללו כעופרת במים אדירים׃

Judges 5:30-31

30 הלא ימצאו יחלקו שׁלל רחם רחמתים לראשׁ גבר שׁלל צבעים לסיסרא שׁלל צבעים רקמה צבע רקמתים לצוארי שׁלל׃31 כן יאבדו כל אויביך יהוה ואהביו כצאת השׁמשׁ בגברתו ותשׁקט הארץ ארבעים שׁנה׃

1 Samuel 26:20

20 ועתה אל יפל דמי ארצה מנגד פני יהוה כי יצא מלך ישׂראל לבקשׁ את פרעשׁ אחד כאשׁר ירדף הקרא בהרים׃

Psalms 17:9

9 מפני רשׁעים זו שׁדוני איבי בנפשׁ יקיפו עלי׃

Psalms 118:13

13 דחה דחיתני לנפל ויהוה עזרני׃

Psalms 145:5-6

5 הדר כבוד הודך ודברי נפלאותיך אשׂיחה׃6 ועזוז נוראתיך יאמרו וגדולתיך אספרנה׃

Isaiah 10:14-19

14 ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃15 היתפאר הגרזן על החצב בו אם יתגדל המשׂור על מניפו כהניף שׁבט ואת מרימיו כהרים מטה לא עץ׃16 לכן ישׁלח האדון יהוה צבאות במשׁמניו רזון ותחת כבדו יקד יקד כיקוד אשׁ׃17 והיה אור ישׂראל לאשׁ וקדושׁו ללהבה ובערה ואכלה שׁיתו ושׁמירו ביום אחד׃18 וכבוד יערו וכרמלו מנפשׁ ועד בשׂר יכלה והיה כמסס נסס׃19 ושׁאר עץ יערו מספר יהיו ונער יכתבם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.