Psalms 115:4 Cross References - HOT

4 עצביהם כסף וזהב מעשׂה ידי אדם׃

Deuteronomy 4:28

28 ועבדתם שׁם אלהים מעשׂה ידי אדם עץ ואבן אשׁר לא יראון ולא ישׁמעון ולא יאכלון ולא יריחן׃

2 Kings 19:18

18 ונתנו את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃

Psalms 97:7

7 יבשׁו כל עבדי פסל המתהללים באלילים השׁתחוו לו כל אלהים׃

Psalms 135:15-18

15 עצבי הגוים כסף וזהב מעשׂה ידי אדם׃16 פה להם ולא ידברו עינים להם ולא יראו׃17 אזנים להם ולא יאזינו אף אין ישׁ רוח בפיהם׃18 כמוהם יהיו עשׂיהם כל אשׁר בטח׃

Isaiah 37:19

19 ונתן את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃

Isaiah 40:19-20

19 הפסל נסך חרשׁ וצרף בזהב ירקענו ורתקות כסף צורף׃20 המסכן תרומה עץ לא ירקב יבחר חרשׁ חכם יבקשׁ לו להכין פסל לא ימוט׃

Isaiah 42:17

17 נסגו אחור יבשׁו בשׁת הבטחים בפסל האמרים למסכה אתם אלהינו׃

Isaiah 44:10

10 מי יצר אל ופסל נסך לבלתי הועיל׃

Isaiah 44:20

20 רעה אפר לב הותל הטהו ולא יציל את נפשׁו ולא יאמר הלוא שׁקר בימיני׃

Isaiah 46:1-2

1 כרע בל קרס נבו היו עצביהם לחיה ולבהמה נשׂאתיכם עמוסות משׂא לעיפה׃2 קרסו כרעו יחדו לא יכלו מלט משׂא ונפשׁם בשׁבי הלכה׃

Isaiah 46:6-7

6 הזלים זהב מכיס וכסף בקנה ישׁקלו ישׂכרו צורף ויעשׂהו אל יסגדו אף ישׁתחוו׃7 ישׂאהו על כתף יסבלהו ויניחהו תחתיו ויעמד ממקומו לא ימישׁ אף יצעק אליו ולא יענה מצרתו לא יושׁיענו׃

Jeremiah 10:3-5

3 כי חקות העמים הבל הוא כי עץ מיער כרתו מעשׂה ידי חרשׁ במעצד׃4 בכסף ובזהב ייפהו במסמרות ובמקבות יחזקום ולוא יפיק׃5 כתמר מקשׁה המה ולא ידברו נשׂוא ינשׂוא כי לא יצעדו אל תיראו מהם כי לא ירעו וגם היטיב אין אותם׃

Hosea 8:6

6 כי מישׂראל והוא חרשׁ עשׂהו ולא אלהים הוא כי שׁבבים יהיה עגל שׁמרון׃

Habakkuk 2:18-20

18 מה הועיל פסל כי פסלו יצרו מסכה ומורה שׁקר כי בטח יצר יצרו עליו לעשׂות אלילים אלמים׃19 הוי אמר לעץ הקיצה עורי לאבן דומם הוא יורה הנה הוא תפושׂ זהב וכסף וכל רוח אין בקרבו׃20 ויהוה בהיכל קדשׁו הס מפניו כל הארץ׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.