Proverbs 23:29 Cross References - HOT

29 למי אוי למי אבוי למי מדונים למי שׂיח למי פצעים חנם למי חכללות עינים׃

Genesis 49:12

12 חכלילי עינים מיין ולבן שׁנים מחלב׃

1 Samuel 25:36-37

36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃

2 Samuel 13:28

28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

1 Kings 20:16-22

16 ויצאו בצהרים ובן הדד שׁתה שׁכור בסכות הוא והמלכים שׁלשׁים ושׁנים מלך עזר אתו׃17 ויצאו נערי שׂרי המדינות בראשׁנה וישׁלח בן הדד ויגידו לו לאמר אנשׁים יצאו משׁמרון׃18 ויאמר אם לשׁלום יצאו תפשׂום חיים ואם למלחמה יצאו חיים תפשׂום׃19 ואלה יצאו מן העיר נערי שׂרי המדינות והחיל אשׁר אחריהם׃20 ויכו אישׁ אישׁו וינסו ארם וירדפם ישׂראל וימלט בן הדד מלך ארם על סוס ופרשׁים׃21 ויצא מלך ישׂראל ויך את הסוס ואת הרכב והכה בארם מכה גדולה׃22 ויגשׁ הנביא אל מלך ישׂראל ויאמר לו לך התחזק ודע וראה את אשׁר תעשׂה כי לתשׁובת השׁנה מלך ארם עלה עליך׃

Proverbs 20:1

1 לץ היין המה שׁכר וכל שׁגה בו לא יחכם׃

Proverbs 23:21

21 כי סבא וזולל יורשׁ וקרעים תלבישׁ נומה׃

Isaiah 5:11

11 הוי משׁכימי בבקר שׁכר ירדפו מאחרי בנשׁף יין ידליקם׃

Isaiah 5:22

22 הוי גבורים לשׁתות יין ואנשׁי חיל למסך שׁכר׃

Isaiah 28:7-8

7 וגם אלה ביין שׁגו ובשׁכר תעו כהן ונביא שׁגו בשׁכר נבלעו מן היין תעו מן השׁכר שׁגו בראה פקו פליליה׃8 כי כל שׁלחנות מלאו קיא צאה בלי מקום׃

Nahum 1:10

10 כי עד סירים סבכים וכסבאם סבואים אכלו כקשׁ יבשׁ מלא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.