Proverbs 16:29 Cross References - HOT

29 אישׁ חמס יפתה רעהו והוליכו בדרך לא טוב׃

1 Samuel 19:11

11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃

1 Samuel 19:17

17 ויאמר שׁאול אל מיכל למה ככה רמיתני ותשׁלחי את איבי וימלט ותאמר מיכל אל שׁאול הוא אמר אלי שׁלחני למה אמיתך׃

1 Samuel 22:7-9

7 ויאמר שׁאול לעבדיו הנצבים עליו שׁמעו נא בני ימיני גם לכלכם יתן בן ישׁי שׂדות וכרמים לכלכם ישׂים שׂרי אלפים ושׂרי מאות׃8 כי קשׁרתם כלכם עלי ואין גלה את אזני בכרת בני עם בן ישׁי ואין חלה מכם עלי וגלה את אזני כי הקים בני את עבדי עלי לארב כיום הזה׃9 ויען דאג האדמי והוא נצב על עבדי שׁאול ויאמר ראיתי את בן ישׁי בא נבה אל אחימלך בן אחטוב׃

1 Samuel 23:19-21

19 ויעלו זפים אל שׁאול הגבעתה לאמר הלוא דוד מסתתר עמנו במצדות בחרשׁה בגבעת החכילה אשׁר מימין הישׁימון׃20 ועתה לכל אות נפשׁך המלך לרדת רד ולנו הסגירו ביד המלך׃21 ויאמר שׁאול ברוכים אתם ליהוה כי חמלתם עלי׃

Nehemiah 6:13

13 למען שׂכור הוא למען אירא ואעשׂה כן וחטאתי והיה להם לשׁם רע למען יחרפוני׃

Proverbs 1:10-14

10 בני אם יפתוך חטאים אל תבא׃11 אם יאמרו לכה אתנו נארבה לדם נצפנה לנקי חנם׃12 נבלעם כשׁאול חיים ותמימים כיורדי בור׃13 כל הון יקר נמצא נמלא בתינו שׁלל׃14 גורלך תפיל בתוכנו כיס אחד יהיה לכלנו׃

Proverbs 2:12-15

12 להצילך מדרך רע מאישׁ מדבר תהפכות׃13 העזבים ארחות ישׁר ללכת בדרכי חשׁך׃14 השׂמחים לעשׂות רע יגילו בתהפכות רע׃15 אשׁר ארחתיהם עקשׁים ונלוזים במעגלותם׃

Proverbs 3:31

31 אל תקנא באישׁ חמס ואל תבחר בכל דרכיו׃

Proverbs 12:26

26 יתר מרעהו צדיק ודרך רשׁעים תתעם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.