Numbers 34 Cross References - HOT

¹ וידבר יהוה אל משׁה לאמר׃² צו את בני ישׂראל ואמרת אלהם כי אתם באים אל הארץ כנען זאת הארץ אשׁר תפל לכם בנחלה ארץ כנען לגבלתיה׃³ והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃⁴ ונסב לכם הגבול מנגב למעלה עקרבים ועבר צנה והיה תוצאתיו מנגב לקדשׁ ברנע ויצא חצר אדר ועבר עצמנה׃⁵ ונסב הגבול מעצמון נחלה מצרים והיו תוצאתיו הימה׃⁶ וגבול ים והיה לכם הים הגדול וגבול זה יהיה לכם גבול ים׃⁷ וזה יהיה לכם גבול צפון מן הים הגדל תתאו לכם הר ההר׃⁸ מהר ההר תתאו לבא חמת והיו תוצאת הגבל צדדה׃⁹ ויצא הגבל זפרנה והיו תוצאתיו חצר עינן זה יהיה לכם גבול צפון׃¹⁰ והתאויתם לכם לגבול קדמה מחצר עינן שׁפמה׃¹¹ וירד הגבל משׁפם הרבלה מקדם לעין וירד הגבל ומחה על כתף ים כנרת קדמה׃¹² וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃¹³ ויצו משׁה את בני ישׂראל לאמר זאת הארץ אשׁר תתנחלו אתה בגורל אשׁר צוה יהוה לתת לתשׁעת המטות וחצי המטה׃¹⁴ כי לקחו מטה בני הראובני לבית אבתם ומטה בני הגדי לבית אבתם וחצי מטה מנשׁה לקחו נחלתם׃¹⁵ שׁני המטות וחצי המטה לקחו נחלתם מעבר לירדן ירחו קדמה מזרחה׃¹⁶ וידבר יהוה אל משׁה לאמר׃¹⁷ אלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון׃¹⁸ ונשׂיא אחד נשׂיא אחד ממטה תקחו לנחל את הארץ׃¹⁹ ואלה שׁמות האנשׁים למטה יהודה כלב בן יפנה׃²⁰ ולמטה בני שׁמעון שׁמואל בן עמיהוד׃²¹ למטה בנימן אלידד בן כסלון׃²² ולמטה בני דן נשׂיא בקי בן יגלי׃²³ לבני יוסף למטה בני מנשׁה נשׂיא חניאל בן אפד׃²⁴ ולמטה בני אפרים נשׂיא קמואל בן שׁפטן׃²⁵ ולמטה בני זבולן נשׂיא אליצפן בן פרנך׃²⁶ ולמטה בני ישׂשכר נשׂיא פלטיאל בן עזן׃²⁷ ולמטה בני אשׁר נשׂיא אחיהוד בן שׁלמי׃²⁸ ולמטה בני נפתלי נשׂיא פדהאל בן עמיהוד׃²⁹ אלה אשׁר צוה יהוה לנחל את בני ישׂראל בארץ כנען׃

Genesis 12:6-7

⁶ ויעבר אברם בארץ עד מקום שׁכם עד אלון מורה והכנעני אז בארץ׃⁷ וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃

Genesis 13:15-17

¹⁵ כי את כל הארץ אשׁר אתה ראה לך אתננה ולזרעך עד עולם׃¹⁶ ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃¹⁷ קום התהלך בארץ לארכה ולרחבה כי לך אתננה׃

Genesis 15:16-21

¹⁶ ודור רביעי ישׁובו הנה כי לא שׁלם עון האמרי עד הנה׃¹⁷ ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃¹⁸ ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃¹⁹ את הקיני ואת הקנזי ואת הקדמני׃²⁰ ואת החתי ואת הפרזי ואת הרפאים׃²¹ ואת האמרי ואת הכנעני ואת הגרגשׁי ואת היבוסי׃

Genesis 17:8

⁸ ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

Numbers 33:51-53

⁵¹ דבר אל בני ישׂראל ואמרת אלהם כי אתם עברים את הירדן אל ארץ כנען׃⁵² והורשׁתם את כל ישׁבי הארץ מפניכם ואבדתם את כל משׂכיתם ואת כל צלמי מסכתם תאבדו ואת כל במותם תשׁמידו׃⁵³ והורשׁתם את הארץ וישׁבתם בה כי לכם נתתי את הארץ לרשׁת אתה׃

Deuteronomy 1:7-8

⁷ פנו וסעו לכם ובאו הר האמרי ואל כל שׁכניו בערבה בהר ובשׁפלה ובנגב ובחוף הים ארץ הכנעני והלבנון עד הנהר הגדל נהר פרת׃⁸ ראה נתתי לפניכם את הארץ באו ורשׁו את הארץ אשׁר נשׁבע יהוה לאבתיכם לאברהם ליצחק וליעקב לתת להם ולזרעם אחריהם׃

Psalms 16:5-6

⁵ יהוה מנת חלקי וכוסי אתה תומיך גורלי׃⁶ חבלים נפלו לי בנעמים אף נחלת שׁפרה עלי׃

Psalms 78:54-55

⁵⁴ ויביאם אל גבול קדשׁו הר זה קנתה ימינו׃⁵⁵ ויגרשׁ מפניהם גוים ויפילם בחבל נחלה וישׁכן באהליהם שׁבטי ישׂראל׃

Psalms 105:11

¹¹ לאמר לך אתן את ארץ כנען חבל נחלתכם׃

Jeremiah 3:19

¹⁹ ואנכי אמרתי איך אשׁיתך בבנים ואתן לך ארץ חמדה נחלת צבי צבאות גוים ואמר אבי תקראו לי ומאחרי לא תשׁובו׃

Ezekiel 47:14

¹⁴ ונחלתם אותה אישׁ כאחיו אשׁר נשׂאתי את ידי לתתה לאבתיכם ונפלה הארץ הזאת לכם בנחלה׃

Genesis 14:3

³ כל אלה חברו אל עמק השׂדים הוא ים המלח׃

Exodus 23:31

³¹ ושׁתי את גבלך מים סוף ועד ים פלשׁתים וממדבר עד הנהר כי אתן בידכם את ישׁבי הארץ וגרשׁתמו מפניך׃

Joshua 3:16

¹⁶ ויעמדו המים הירדים מלמעלה קמו נד אחד הרחק מאד באדם העיר אשׁר מצד צרתן והירדים על ים הערבה ים המלח תמו נכרתו והעם עברו נגד יריחו׃

Joshua 15:1-12

¹ ויהי הגורל למטה בני יהודה למשׁפחתם אל גבול אדום מדבר צן נגבה מקצה תימן׃² ויהי להם גבול נגב מקצה ים המלח מן הלשׁן הפנה נגבה׃³ ויצא אל מנגב למעלה עקרבים ועבר צנה ועלה מנגב לקדשׁ ברנע ועבר חצרון ועלה אדרה ונסב הקרקעה׃⁴ ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃⁵ וגבול קדמה ים המלח עד קצה הירדן וגבול לפאת צפונה מלשׁון הים מקצה הירדן׃⁶ ועלה הגבול בית חגלה ועבר מצפון לבית הערבה ועלה הגבול אבן בהן בן ראובן׃⁷ ועלה הגבול דברה מעמק עכור וצפונה פנה אל הגלגל אשׁר נכח למעלה אדמים אשׁר מנגב לנחל ועבר הגבול אל מי עין שׁמשׁ והיו תצאתיו אל עין רגל׃⁸ ועלה הגבול גי בן הנם אל כתף היבוסי מנגב היא ירושׁלם ועלה הגבול אל ראשׁ ההר אשׁר על פני גי הנם ימה אשׁר בקצה עמק רפאים צפנה׃⁹ ותאר הגבול מראשׁ ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים׃¹⁰ ונסב הגבול מבעלה ימה אל הר שׂעיר ועבר אל כתף הר יערים מצפונה היא כסלון וירד בית שׁמשׁ ועבר תמנה׃¹¹ ויצא הגבול אל כתף עקרון צפונה ותאר הגבול שׁכרונה ועבר הר הבעלה ויצא יבנאל והיו תצאות הגבול ימה׃¹² וגבול ים הימה הגדול וגבול זה גבול בני יהודה סביב למשׁפחתם׃

Ezekiel 47:8

⁸ ויאמר אלי המים האלה יוצאים אל הגלילה הקדמונה וירדו על הערבה ובאו הימה אל הימה המוצאים ונרפאו המים׃

Ezekiel 47:13

¹³ כה אמר אדני יהוה גה גבול אשׁר תתנחלו את הארץ לשׁני עשׂר שׁבטי ישׂראל יוסף חבלים׃

Ezekiel 47:18-23

¹⁸ ופאת קדים מבין חורן ומבין דמשׂק ומבין הגלעד ומבין ארץ ישׂראל הירדן מגבול על הים הקדמוני תמדו ואת פאת קדימה׃¹⁹ ופאת נגב תימנה מתמר עד מי מריבות קדשׁ נחלה אל הים הגדול ואת פאת תימנה נגבה׃²⁰ ופאת ים הים הגדול מגבול עד נכח לבוא חמת זאת פאת ים׃²¹ וחלקתם את הארץ הזאת לכם לשׁבטי ישׂראל׃²² והיה תפלו אותה בנחלה לכם ולהגרים הגרים בתוככם אשׁר הולדו בנים בתוככם והיו לכם כאזרח בבני ישׂראל אתכם יפלו בנחלה בתוך שׁבטי ישׂראל׃²³ והיה בשׁבט אשׁר גר הגר אתו שׁם תתנו נחלתו נאם אדני יהוה׃

Numbers 13:21

²¹ ויעלו ויתרו את הארץ ממדבר צן עד רחב לבא חמת׃

Numbers 13:26

²⁶ וילכו ויבאו אל משׁה ואל אהרן ואל כל עדת בני ישׂראל אל מדבר פארן קדשׁה וישׁיבו אתם דבר ואת כל העדה ויראום את פרי הארץ׃

Numbers 20:1

¹ ויבאו בני ישׂראל כל העדה מדבר צן בחדשׁ הראשׁון וישׁב העם בקדשׁ ותמת שׁם מרים ותקבר שׁם׃

Numbers 32:8

⁸ כה עשׂו אבתיכם בשׁלחי אתם מקדשׁ ברנע לראות את הארץ׃

Numbers 33:36-37

³⁶ ויסעו מעצין גבר ויחנו במדבר צן הוא קדשׁ׃³⁷ ויסעו מקדשׁ ויחנו בהר ההר בקצה ארץ אדום׃

Numbers 34:3

³ והיה לכם פאת נגב ממדבר צן על ידי אדום והיה לכם גבול נגב מקצה ים המלח קדמה׃

Joshua 15:3-4

³ ויצא אל מנגב למעלה עקרבים ועבר צנה ועלה מנגב לקדשׁ ברנע ועבר חצרון ועלה אדרה ונסב הקרקעה׃⁴ ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃

Judges 1:36

³⁶ וגבול האמרי ממעלה עקרבים מהסלע ומעלה׃

Genesis 15:18

¹⁸ ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃

Numbers 34:6-7

⁶ וגבול ים והיה לכם הים הגדול וגבול זה יהיה לכם גבול ים׃⁷ וזה יהיה לכם גבול צפון מן הים הגדל תתאו לכם הר ההר׃

Joshua 15:4

⁴ ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃

Joshua 15:47

⁴⁷ אשׁדוד בנותיה וחצריה עזה בנותיה וחצריה עד נחל מצרים והים הגבול וגבול׃

1 Kings 8:65

⁶⁵ ויעשׂ שׁלמה בעת ההיא את החג וכל ישׂראל עמו קהל גדול מלבוא חמת עד נחל מצרים לפני יהוה אלהינו שׁבעת ימים ושׁבעת ימים ארבעה עשׂר יום׃

Isaiah 27:12

¹² והיה ביום ההוא יחבט יהוה משׁבלת הנהר עד נחל מצרים ואתם תלקטו לאחד אחד בני ישׂראל׃

Joshua 1:4

⁴ מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השׁמשׁ יהיה גבולכם׃

Joshua 9:1

¹ ויהי כשׁמע כל המלכים אשׁר בעבר הירדן בהר ובשׁפלה ובכל חוף הים הגדול אל מול הלבנון החתי והאמרי הכנעני הפרזי החוי והיבוסי׃

Joshua 15:12

¹² וגבול ים הימה הגדול וגבול זה גבול בני יהודה סביב למשׁפחתם׃

Joshua 23:4

⁴ ראו הפלתי לכם את הגוים הנשׁארים האלה בנחלה לשׁבטיכם מן הירדן וכל הגוים אשׁר הכרתי והים הגדול מבוא השׁמשׁ׃

Ezekiel 47:10

¹⁰ והיה יעמדו עליו דוגים מעין גדי ועד עין עגלים משׁטוח לחרמים יהיו למינה תהיה דגתם כדגת הים הגדול רבה מאד׃

Ezekiel 47:15

¹⁵ וזה גבול הארץ לפאת צפונה מן הים הגדול הדרך חתלן לבוא צדדה׃

Ezekiel 47:20

²⁰ ופאת ים הים הגדול מגבול עד נכח לבוא חמת זאת פאת ים׃

Numbers 33:37

³⁷ ויסעו מקדשׁ ויחנו בהר ההר בקצה ארץ אדום׃

Numbers 34:6

⁶ וגבול ים והיה לכם הים הגדול וגבול זה יהיה לכם גבול ים׃

Numbers 34:9-10

⁹ ויצא הגבל זפרנה והיו תוצאתיו חצר עינן זה יהיה לכם גבול צפון׃¹⁰ והתאויתם לכם לגבול קדמה מחצר עינן שׁפמה׃

Ezekiel 47:15-17

Joshua 13:5-6

⁵ והארץ הגבלי וכל הלבנון מזרח השׁמשׁ מבעל גד תחת הר חרמון עד לבוא חמת׃⁶ כל ישׁבי ההר מן הלבנון עד משׂרפת מים כל צידנים אנכי אורישׁם מפני בני ישׂראל רק הפלה לישׂראל בנחלה כאשׁר צויתיך׃

2 Samuel 8:9

⁹ וישׁמע תעי מלך חמת כי הכה דוד את כל חיל הדדעזר׃

2 Kings 14:25

²⁵ הוא השׁיב את גבול ישׂראל מלבוא חמת עד ים הערבה כדבר יהוה אלהי ישׂראל אשׁר דבר ביד עבדו יונה בן אמתי הנביא אשׁר מגת החפר׃

Jeremiah 39:5

⁵ וירדפו חיל כשׂדים אחריהם וישׂגו את צדקיהו בערבות ירחו ויקחו אתו ויעלהו אל נבוכדראצר מלך בבל רבלתה בארץ חמת וידבר אתו משׁפטים׃

Ezekiel 47:15-20

¹⁵ וזה גבול הארץ לפאת צפונה מן הים הגדול הדרך חתלן לבוא צדדה׃¹⁶ חמת ברותה סברים אשׁר בין גבול דמשׂק ובין גבול חמת חצר התיכון אשׁר אל גבול חורן׃¹⁷ והיה גבול מן הים חצר עינון גבול דמשׂק וצפון צפונה וגבול חמת ואת פאת צפון׃¹⁸ ופאת קדים מבין חורן ומבין דמשׂק ומבין הגלעד ומבין ארץ ישׂראל הירדן מגבול על הים הקדמוני תמדו ואת פאת קדימה׃¹⁹ ופאת נגב תימנה מתמר עד מי מריבות קדשׁ נחלה אל הים הגדול ואת פאת תימנה נגבה׃²⁰ ופאת ים הים הגדול מגבול עד נכח לבוא חמת זאת פאת ים׃

Ezekiel 47:17

¹⁷ והיה גבול מן הים חצר עינון גבול דמשׂק וצפון צפונה וגבול חמת ואת פאת צפון׃

Deuteronomy 3:17

¹⁷ והערבה והירדן וגבל מכנרת ועד ים הערבה ים המלח תחת אשׁדת הפסגה מזרחה׃

Joshua 11:2

² ואל המלכים אשׁר מצפון בהר ובערבה נגב כנרות ובשׁפלה ובנפות דור מים׃

Joshua 13:27

²⁷ ובעמק בית הרם ובית נמרה וסכות וצפון יתר ממלכות סיחון מלך חשׁבון הירדן וגבל עד קצה ים כנרת עבר הירדן מזרחה׃

Joshua 19:35

³⁵ וערי מבצר הצדים צר וחמת רקת וכנרת׃

2 Kings 23:33

³³ ויאסרהו פרעה נכה ברבלה בארץ חמת במלך בירושׁלם ויתן ענשׁ על הארץ מאה ככר כסף וככר זהב׃

2 Kings 25:6

⁶ ויתפשׂו את המלך ויעלו אתו אל מלך בבל רבלתה וידברו אתו משׁפט׃

Jeremiah 39:5-6

⁵ וירדפו חיל כשׂדים אחריהם וישׂגו את צדקיהו בערבות ירחו ויקחו אתו ויעלהו אל נבוכדראצר מלך בבל רבלתה בארץ חמת וידבר אתו משׁפטים׃⁶ וישׁחט מלך בבל את בני צדקיהו ברבלה לעיניו ואת כל חרי יהודה שׁחט מלך בבל׃

Jeremiah 52:10

¹⁰ וישׁחט מלך בבל את בני צדקיהו לעיניו וגם את כל שׂרי יהודה שׁחט ברבלתה׃

Jeremiah 52:26-27

²⁶ ויקח אותם נבוזראדן רב טבחים וילך אותם אל מלך בבל רבלתה׃²⁷ ויכה אותם מלך בבל וימתם ברבלה בארץ חמת ויגל יהודה מעל אדמתו׃

Genesis 13:10

¹⁰ וישׂא לוט את עיניו וירא את כל ככר הירדן כי כלה משׁקה לפני שׁחת יהוה את סדם ואת עמרה כגן יהוה כארץ מצרים באכה צער׃

Genesis 19:24-26

²⁴ ויהוה המטיר על סדם ועל עמרה גפרית ואשׁ מאת יהוה מן השׁמים׃²⁵ ויהפך את הערים האל ואת כל הככר ואת כל ישׁבי הערים וצמח האדמה׃²⁶ ותבט אשׁתו מאחריו ותהי נציב מלח׃

Numbers 34:1

¹ וידבר יהוה אל משׁה לאמר׃

Joshua 14:1-5

¹ ואלה אשׁר נחלו בני ישׂראל בארץ כנען אשׁר נחלו אותם אלעזר הכהן ויהושׁע בן נון וראשׁי אבות המטות לבני ישׂראל׃² בגורל נחלתם כאשׁר צוה יהוה ביד משׁה לתשׁעת המטות וחצי המטה׃³ כי נתן משׁה נחלת שׁני המטות וחצי המטה מעבר לירדן וללוים לא נתן נחלה בתוכם׃⁴ כי היו בני יוסף שׁני מטות מנשׁה ואפרים ולא נתנו חלק ללוים בארץ כי אם ערים לשׁבת ומגרשׁיהם למקניהם ולקנינם׃⁵ כאשׁר צוה יהוה את משׁה כן עשׂו בני ישׂראל ויחלקו את הארץ׃

Numbers 32:23

²³ ואם לא תעשׂון כן הנה חטאתם ליהוה ודעו חטאתכם אשׁר תמצא אתכם׃

Numbers 32:33

³³ ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃

Deuteronomy 3:12-17

¹² ואת הארץ הזאת ירשׁנו בעת ההוא מערער אשׁר על נחל ארנן וחצי הר הגלעד ועריו נתתי לראובני ולגדי׃¹³ ויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים׃¹⁴ יאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה׃¹⁵ ולמכיר נתתי את הגלעד׃¹⁶ ולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון׃¹⁷ והערבה והירדן וגבל מכנרת ועד ים הערבה ים המלח תחת אשׁדת הפסגה מזרחה׃

Joshua 13:8-12

⁸ עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃⁹ מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃¹⁰ וכל ערי סיחון מלך האמרי אשׁר מלך בחשׁבון עד גבול בני עמון׃¹¹ והגלעד וגבול הגשׁורי והמעכתי וכל הר חרמון וכל הבשׁן עד סלכה׃¹² כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃

Joshua 14:2-3

² בגורל נחלתם כאשׁר צוה יהוה ביד משׁה לתשׁעת המטות וחצי המטה׃³ כי נתן משׁה נחלת שׁני המטות וחצי המטה מעבר לירדן וללוים לא נתן נחלה בתוכם׃

Numbers 32:32

³² נחנו נעבר חלוצים לפני יהוה ארץ כנען ואתנו אחזת נחלתנו מעבר לירדן׃

Numbers 13:8

⁸ למטה אפרים הושׁע בן נון׃

Numbers 13:16

¹⁶ אלה שׁמות האנשׁים אשׁר שׁלח משׁה לתור את הארץ ויקרא משׁה להושׁע בן נון יהושׁע׃

Joshua 14:1

¹ ואלה אשׁר נחלו בני ישׂראל בארץ כנען אשׁר נחלו אותם אלעזר הכהן ויהושׁע בן נון וראשׁי אבות המטות לבני ישׂראל׃

Joshua 19:51

⁵¹ אלה הנחלת אשׁר נחלו אלעזר הכהן ויהושׁע בן נון וראשׁי האבות למטות בני ישׂראל בגורל בשׁלה לפני יהוה פתח אהל מועד ויכלו מחלק את הארץ׃

Numbers 1:4-16

⁴ ואתכם יהיו אישׁ אישׁ למטה אישׁ ראשׁ לבית אבתיו הוא׃⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃¹⁶ אלה קריאי העדה נשׂיאי מטות אבותם ראשׁי אלפי ישׂראל הם׃