1 ואלה תולדת אהרן ומשׁה ביום דבר יהוה את משׁה בהר סיני׃2 ואלה שׁמות בני אהרן הבכר נדב ואביהוא אלעזר ואיתמר׃3 אלה שׁמות בני אהרן הכהנים המשׁחים אשׁר מלא ידם לכהן׃4 וימת נדב ואביהוא לפני יהוה בהקרבם אשׁ זרה לפני יהוה במדבר סיני ובנים לא היו להם ויכהן אלעזר ואיתמר על פני אהרן אביהם׃5 וידבר יהוה אל משׁה לאמר׃6 הקרב את מטה לוי והעמדת אתו לפני אהרן הכהן ושׁרתו אתו׃7 ושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן׃8 ושׁמרו את כל כלי אהל מועד ואת משׁמרת בני ישׂראל לעבד את עבדת המשׁכן׃9 ונתתה את הלוים לאהרן ולבניו נתונם נתונם המה לו מאת בני ישׂראל׃10 ואת אהרן ואת בניו תפקד ושׁמרו את כהנתם והזר הקרב יומת׃11 וידבר יהוה אל משׁה לאמר׃12 ואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים׃13 כי לי כל בכור ביום הכתי כל בכור בארץ מצרים הקדשׁתי לי כל בכור בישׂראל מאדם עד בהמה לי יהיו אני יהוה׃14 וידבר יהוה אל משׁה במדבר סיני לאמר׃15 פקד את בני לוי לבית אבתם למשׁפחתם כל זכר מבן חדשׁ ומעלה תפקדם׃16 ויפקד אתם משׁה על פי יהוה כאשׁר צוה׃17 ויהיו אלה בני לוי בשׁמתם גרשׁון וקהת ומררי׃18 ואלה שׁמות בני גרשׁון למשׁפחתם לבני ושׁמעי׃19 ובני קהת למשׁפחתם עמרם ויצהר חברון ועזיאל׃20 ובני מררי למשׁפחתם מחלי ומושׁי אלה הם משׁפחת הלוי לבית אבתם׃21 לגרשׁון משׁפחת הלבני ומשׁפחת השׁמעי אלה הם משׁפחת הגרשׁני׃22 פקדיהם במספר כל זכר מבן חדשׁ ומעלה פקדיהם שׁבעת אלפים וחמשׁ מאות׃23 משׁפחת הגרשׁני אחרי המשׁכן יחנו ימה׃24 ונשׂיא בית אב לגרשׁני אליסף בן לאל׃25 ומשׁמרת בני גרשׁון באהל מועד המשׁכן והאהל מכסהו ומסך פתח אהל מועד׃26 וקלעי החצר ואת מסך פתח החצר אשׁר על המשׁכן ועל המזבח סביב ואת מיתריו לכל עבדתו׃27 ולקהת משׁפחת העמרמי ומשׁפחת היצהרי ומשׁפחת החברני ומשׁפחת העזיאלי אלה הם משׁפחת הקהתי׃28 במספר כל זכר מבן חדשׁ ומעלה שׁמנת אלפים ושׁשׁ מאות שׁמרי משׁמרת הקדשׁ׃29 משׁפחת בני קהת יחנו על ירך המשׁכן תימנה׃30 ונשׂיא בית אב למשׁפחת הקהתי אליצפן בן עזיאל׃31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃32 ונשׂיא נשׂיאי הלוי אלעזר בן אהרן הכהן פקדת שׁמרי משׁמרת הקדשׁ׃33 למררי משׁפחת המחלי ומשׁפחת המושׁי אלה הם משׁפחת מררי׃34 ופקדיהם במספר כל זכר מבן חדשׁ ומעלה שׁשׁת אלפים ומאתים׃35 ונשׂיא בית אב למשׁפחת מררי צוריאל בן אביחיל על ירך המשׁכן יחנו צפנה׃36 ופקדת משׁמרת בני מררי קרשׁי המשׁכן ובריחיו ועמדיו ואדניו וכל כליו וכל עבדתו׃37 ועמדי החצר סביב ואדניהם ויתדתם ומיתריהם׃38 והחנים לפני המשׁכן קדמה לפני אהל מועד מזרחה משׁה ואהרן ובניו שׁמרים משׁמרת המקדשׁ למשׁמרת בני ישׂראל והזר הקרב יומת׃39 כל פקודי הלוים אשׁר פקד משׁה ואהרן על פי יהוה למשׁפחתם כל זכר מבן חדשׁ ומעלה שׁנים ועשׂרים אלף׃40 ויאמר יהוה אל משׁה פקד כל בכר זכר לבני ישׂראל מבן חדשׁ ומעלה ושׂא את מספר שׁמתם׃41 ולקחת את הלוים לי אני יהוה תחת כל בכר בבני ישׂראל ואת בהמת הלוים תחת כל בכור בבהמת בני ישׂראל׃42 ויפקד משׁה כאשׁר צוה יהוה אתו את כל בכור בבני ישׂראל׃43 ויהי כל בכור זכר במספר שׁמת מבן חדשׁ ומעלה לפקדיהם שׁנים ועשׂרים אלף שׁלשׁה ושׁבעים ומאתים׃44 וידבר יהוה אל משׁה לאמר׃45 קח את הלוים תחת כל בכור בבני ישׂראל ואת בהמת הלוים תחת בהמתם והיו לי הלוים אני יהוה׃46 ואת פדויי השׁלשׁה והשׁבעים והמאתים העדפים על הלוים מבכור בני ישׂראל׃47 ולקחת חמשׁת חמשׁת שׁקלים לגלגלת בשׁקל הקדשׁ תקח עשׂרים גרה השׁקל׃48 ונתתה הכסף לאהרן ולבניו פדויי העדפים׃49 ויקח משׁה את כסף הפדיום מאת העדפים על פדויי הלוים׃50 מאת בכור בני ישׂראל לקח את הכסף חמשׁה ושׁשׁים ושׁלשׁ מאות ואלף בשׁקל הקדשׁ׃51 ויתן משׁה את כסף הפדים לאהרן ולבניו על פי יהוה כאשׁר צוה יהוה את משׁה׃
Numbers 3 Cross References - HOT
Genesis 2:4
4 אלה תולדות השׁמים והארץ בהבראם ביום עשׂות יהוה אלהים ארץ ושׁמים׃
Genesis 5:1
1 זה ספר תולדת אדם ביום ברא אלהים אדם בדמות אלהים עשׂה אתו׃
Genesis 10:1
1 ואלה תולדת בני נח שׁם חם ויפת ויולדו להם בנים אחר המבול׃
Exodus 6:16
16 ואלה שׁמות בני לוי לתלדתם גרשׁון וקהת ומררי ושׁני חיי לוי שׁבע ושׁלשׁים ומאת שׁנה׃
Exodus 6:20
20 ויקח עמרם את יוכבד דדתו לו לאשׁה ותלד לו את אהרן ואת משׁה ושׁני חיי עמרם שׁבע ושׁלשׁים ומאת שׁנה׃
Exodus 6:27
27 הם המדברים אל פרעה מלך מצרים להוציא את בני ישׂראל ממצרים הוא משׁה ואהרן׃
Leviticus 25:1
1 וידבר יהוה אל משׁה בהר סיני לאמר׃
Leviticus 27:34-Numbers 1:1
34 אלה המצות אשׁר צוה יהוה את משׁה אל בני ישׂראל בהר סיני׃
Exodus 6:23
23 ויקח אהרן את אלישׁבע בת עמינדב אחות נחשׁון לו לאשׁה ותלד לו את נדב ואת אביהוא את אלעזר ואת איתמר׃
Exodus 28:1
1 ואתה הקרב אליך את אהרן אחיך ואת בניו אתו מתוך בני ישׂראל לכהנו לי אהרן נדב ואביהוא אלעזר ואיתמר בני אהרן׃
Numbers 26:60
60 ויולד לאהרן את נדב ואת אביהוא את אלעזר ואת איתמר׃
1 Chronicles 6:3
3 (5:29) ובני עמרם אהרן ומשׁה ומרים ובני אהרן נדב ואביהוא אלעזר ואיתמר׃
1 Chronicles 24:1
1 ולבני אהרן מחלקותם בני אהרן נדב ואביהוא אלעזר ואיתמר׃
Exodus 28:41
41 והלבשׁת אתם את אהרן אחיך ואת בניו אתו ומשׁחת אתם ומלאת את ידם וקדשׁת אתם וכהנו׃
Exodus 29:1-37
1 וזה הדבר אשׁר תעשׂה להם לקדשׁ אתם לכהן לי לקח פר אחד בן בקר ואילם שׁנים תמימם׃2 ולחם מצות וחלת מצת בלולת בשׁמן ורקיקי מצות משׁחים בשׁמן סלת חטים תעשׂה אתם׃3 ונתת אותם על סל אחד והקרבת אתם בסל ואת הפר ואת שׁני האילם׃4 ואת אהרן ואת בניו תקריב אל פתח אהל מועד ורחצת אתם במים׃5 ולקחת את הבגדים והלבשׁת את אהרן את הכתנת ואת מעיל האפד ואת האפד ואת החשׁן ואפדת לו בחשׁב האפד׃6 ושׂמת המצנפת על ראשׁו ונתת את נזר הקדשׁ על המצנפת׃7 ולקחת את שׁמן המשׁחה ויצקת על ראשׁו ומשׁחת אתו׃8 ואת בניו תקריב והלבשׁתם כתנת׃9 וחגרת אתם אבנט אהרן ובניו וחבשׁת להם מגבעת והיתה להם כהנה לחקת עולם ומלאת יד אהרן ויד בניו׃10 והקרבת את הפר לפני אהל מועד וסמך אהרן ובניו את ידיהם על ראשׁ הפר׃11 ושׁחטת את הפר לפני יהוה פתח אהל מועד׃12 ולקחת מדם הפר ונתתה על קרנת המזבח באצבעך ואת כל הדם תשׁפך אל יסוד המזבח׃13 ולקחת את כל החלב המכסה את הקרב ואת היתרת על הכבד ואת שׁתי הכלית ואת החלב אשׁר עליהן והקטרת המזבחה׃14 ואת בשׂר הפר ואת ערו ואת פרשׁו תשׂרף באשׁ מחוץ למחנה חטאת הוא׃15 ואת האיל האחד תקח וסמכו אהרן ובניו את ידיהם על ראשׁ האיל׃16 ושׁחטת את האיל ולקחת את דמו וזרקת על המזבח סביב׃17 ואת האיל תנתח לנתחיו ורחצת קרבו וכרעיו ונתת על נתחיו ועל ראשׁו׃18 והקטרת את כל האיל המזבחה עלה הוא ליהוה ריח ניחוח אשׁה ליהוה הוא׃19 ולקחת את האיל השׁני וסמך אהרן ובניו את ידיהם על ראשׁ האיל׃20 ושׁחטת את האיל ולקחת מדמו ונתתה על תנוך אזן אהרן ועל תנוך אזן בניו הימנית ועל בהן ידם הימנית ועל בהן רגלם הימנית וזרקת את הדם על המזבח סביב׃21 ולקחת מן הדם אשׁר על המזבח ומשׁמן המשׁחה והזית על אהרן ועל בגדיו ועל בניו ועל בגדי בניו אתו וקדשׁ הוא ובגדיו ובניו ובגדי בניו אתו׃22 ולקחת מן האיל החלב והאליה ואת החלב המכסה את הקרב ואת יתרת הכבד ואת שׁתי הכלית ואת החלב אשׁר עליהן ואת שׁוק הימין כי איל מלאים הוא׃23 וככר לחם אחת וחלת לחם שׁמן אחת ורקיק אחד מסל המצות אשׁר לפני יהוה׃24 ושׂמת הכל על כפי אהרן ועל כפי בניו והנפת אתם תנופה לפני יהוה׃25 ולקחת אתם מידם והקטרת המזבחה על העלה לריח ניחוח לפני יהוה אשׁה הוא ליהוה׃26 ולקחת את החזה מאיל המלאים אשׁר לאהרן והנפת אתו תנופה לפני יהוה והיה לך למנה׃27 וקדשׁת את חזה התנופה ואת שׁוק התרומה אשׁר הונף ואשׁר הורם מאיל המלאים מאשׁר לאהרן ומאשׁר לבניו׃28 והיה לאהרן ולבניו לחק עולם מאת בני ישׂראל כי תרומה הוא ותרומה יהיה מאת בני ישׂראל מזבחי שׁלמיהם תרומתם ליהוה׃29 ובגדי הקדשׁ אשׁר לאהרן יהיו לבניו אחריו למשׁחה בהם ולמלא בם את ידם׃30 שׁבעת ימים ילבשׁם הכהן תחתיו מבניו אשׁר יבא אל אהל מועד לשׁרת בקדשׁ׃31 ואת איל המלאים תקח ובשׁלת את בשׂרו במקם קדשׁ׃32 ואכל אהרן ובניו את בשׂר האיל ואת הלחם אשׁר בסל פתח אהל מועד׃33 ואכלו אתם אשׁר כפר בהם למלא את ידם לקדשׁ אתם וזר לא יאכל כי קדשׁ הם׃34 ואם יותר מבשׂר המלאים ומן הלחם עד הבקר ושׂרפת את הנותר באשׁ לא יאכל כי קדשׁ הוא׃35 ועשׂית לאהרן ולבניו ככה ככל אשׁר צויתי אתכה שׁבעת ימים תמלא ידם׃36 ופר חטאת תעשׂה ליום על הכפרים וחטאת על המזבח בכפרך עליו ומשׁחת אתו לקדשׁו׃37 שׁבעת ימים תכפר על המזבח וקדשׁת אתו והיה המזבח קדשׁ קדשׁים כל הנגע במזבח יקדשׁ׃
Exodus 40:13
13 והלבשׁת את אהרן את בגדי הקדשׁ ומשׁחת אתו וקדשׁת אתו וכהן׃
Exodus 40:15
15 ומשׁחת אתם כאשׁר משׁחת את אביהם וכהנו לי והיתה להית להם משׁחתם לכהנת עולם לדרתם׃
Leviticus 8:1-9
1 וידבר יהוה אל משׁה לאמר׃2 קח את אהרן ואת בניו אתו ואת הבגדים ואת שׁמן המשׁחה ואת פר החטאת ואת שׁני האילים ואת סל המצות׃3 ואת כל העדה הקהל אל פתח אהל מועד׃4 ויעשׂ משׁה כאשׁר צוה יהוה אתו ותקהל העדה אל פתח אהל מועד׃5 ויאמר משׁה אל העדה זה הדבר אשׁר צוה יהוה לעשׂות׃6 ויקרב משׁה את אהרן ואת בניו וירחץ אתם במים׃7 ויתן עליו את הכתנת ויחגר אתו באבנט וילבשׁ אתו את המעיל ויתן עליו את האפד ויחגר אתו בחשׁב האפד ויאפד \'ec\'e58 וישׂם עליו את החשׁן ויתן אל החשׁן את האורים ואת התמים׃9 וישׂם את המצנפת על ראשׁו וישׂם על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה׃
Leviticus 8:12
12 ויצק משׁמן המשׁחה על ראשׁ אהרן וימשׁח אתו לקדשׁו׃
Leviticus 8:30
30 ויקח משׁה משׁמן המשׁחה ומן הדם אשׁר על המזבח ויז על אהרן על בגדיו ועל בניו ועל בגדי בניו אתו ויקדשׁ את אהרן את בגדיו ואת בניו ואת בגדי בניו אתו׃
Leviticus 10:1-2
Numbers 26:61
61 וימת נדב ואביהוא בהקריבם אשׁ זרה לפני יהוה׃
Exodus 32:26-29
26 ויעמד משׁה בשׁער המחנה ויאמר מי ליהוה אלי ויאספו אליו כל בני לוי׃27 ויאמר להם כה אמר יהוה אלהי ישׂראל שׂימו אישׁ חרבו על ירכו עברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קרבו׃28 ויעשׂו בני לוי כדבר משׁה ויפל מן העם ביום ההוא כשׁלשׁת אלפי אישׁ׃29 ויאמר משׁה מלאו ידכם היום ליהוה כי אישׁ בבנו ובאחיו ולתת עליכם היום ברכה׃
Numbers 1:49-53
49 אך את מטה לוי לא תפקד ואת ראשׁם לא תשׂא בתוך בני ישׂראל׃50 ואתה הפקד את הלוים על משׁכן העדת ועל כל כליו ועל כל אשׁר לו המה ישׂאו את המשׁכן ואת כל כליו והם ישׁרתהו וסביב למשׁכן יחנו׃51 ובנסע המשׁכן יורידו אתו הלוים ובחנת המשׁכן יקימו אתו הלוים והזר הקרב יומת׃52 וחנו בני ישׂראל אישׁ על מחנהו ואישׁ על דגלו לצבאתם׃53 והלוים יחנו סביב למשׁכן העדת ולא יהיה קצף על עדת בני ישׂראל ושׁמרו הלוים את משׁמרת משׁכן העדות׃
Numbers 2:17
17 ונסע אהל מועד מחנה הלוים בתוך המחנת כאשׁר יחנו כן יסעו אישׁ על ידו לדגליהם׃
Numbers 2:33
33 והלוים לא התפקדו בתוך בני ישׂראל כאשׁר צוה יהוה את משׁה׃
Numbers 8:6-26
6 קח את הלוים מתוך בני ישׂראל וטהרת אתם׃7 וכה תעשׂה להם לטהרם הזה עליהם מי חטאת והעבירו תער על כל בשׂרם וכבסו בגדיהם והטהרו׃8 ולקחו פר בן בקר ומנחתו סלת בלולה בשׁמן ופר שׁני בן בקר תקח לחטאת׃9 והקרבת את הלוים לפני אהל מועד והקהלת את כל עדת בני ישׂראל׃10 והקרבת את הלוים לפני יהוה וסמכו בני ישׂראל את ידיהם על הלוים׃11 והניף אהרן את הלוים תנופה לפני יהוה מאת בני ישׂראל והיו לעבד את עבדת יהוה׃12 והלוים יסמכו את ידיהם על ראשׁ הפרים ועשׂה את האחד חטאת ואת האחד עלה ליהוה לכפר על הלוים׃13 והעמדת את הלוים לפני אהרן ולפני בניו והנפת אתם תנופה ליהוה׃14 והבדלת את הלוים מתוך בני ישׂראל והיו לי הלוים׃15 ואחרי כן יבאו הלוים לעבד את אהל מועד וטהרת אתם והנפת אתם תנופה׃16 כי נתנים נתנים המה לי מתוך בני ישׂראל תחת פטרת כל רחם בכור כל מבני ישׂראל לקחתי אתם׃17 כי לי כל בכור בבני ישׂראל באדם ובבהמה ביום הכתי כל בכור בארץ מצרים הקדשׁתי אתם׃18 ואקח את הלוים תחת כל בכור בבני ישׂראל׃19 ואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ׃20 ויעשׂ משׁה ואהרן וכל עדת בני ישׂראל ללוים ככל אשׁר צוה יהוה את משׁה ללוים כן עשׂו להם בני ישׂראל׃21 ויתחטאו הלוים ויכבסו בגדיהם וינף אהרן אתם תנופה לפני יהוה ויכפר עליהם אהרן לטהרם׃22 ואחרי כן באו הלוים לעבד את עבדתם באהל מועד לפני אהרן ולפני בניו כאשׁר צוה יהוה את משׁה על הלוים כן עשׂו׃23 וידבר יהוה אל משׁה לאמר׃24 זאת אשׁר ללוים מבן חמשׁ ועשׂרים שׁנה ומעלה יבוא לצבא צבא בעבדת אהל מועד׃25 ומבן חמשׁים שׁנה ישׁוב מצבא העבדה ולא יעבד עוד׃26 ושׁרת את אחיו באהל מועד לשׁמר משׁמרת ועבדה לא יעבד ככה תעשׂה ללוים במשׁמרתם׃
Numbers 16:9-11
Numbers 18:1-7
1 ויאמר יהוה אל אהרן אתה ובניך ובית אביך אתך תשׂאו את עון המקדשׁ ואתה ובניך אתך תשׂאו את עון כהנתכם׃2 וגם את אחיך מטה לוי שׁבט אביך הקרב אתך וילוו עליך וישׁרתוך ואתה ובניך אתך לפני אהל העדת׃3 ושׁמרו משׁמרתך ומשׁמרת כל האהל אך אל כלי הקדשׁ ואל המזבח לא יקרבו ולא ימתו גם הם גם אתם׃4 ונלוו עליך ושׁמרו את משׁמרת אהל מועד לכל עבדת האהל וזר לא יקרב אליכם׃5 ושׁמרתם את משׁמרת הקדשׁ ואת משׁמרת המזבח ולא יהיה עוד קצף על בני ישׂראל׃6 ואני הנה לקחתי את אחיכם הלוים מתוך בני ישׂראל לכם מתנה נתנים ליהוה לעבד את עבדת אהל מועד׃7 ואתה ובניך אתך תשׁמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃
Deuteronomy 10:8
8 בעת ההוא הבדיל יהוה את שׁבט הלוי לשׂאת את ארון ברית יהוה לעמד לפני יהוה לשׁרתו ולברך בשׁמו עד היום הזה׃
Deuteronomy 33:8-9
Malachi 2:4
4 וידעתם כי שׁלחתי אליכם את המצוה הזאת להיות בריתי את לוי אמר יהוה צבאות׃
Numbers 1:50
50 ואתה הפקד את הלוים על משׁכן העדת ועל כל כליו ועל כל אשׁר לו המה ישׂאו את המשׁכן ואת כל כליו והם ישׁרתהו וסביב למשׁכן יחנו׃
Numbers 3:32
32 ונשׂיא נשׂיאי הלוי אלעזר בן אהרן הכהן פקדת שׁמרי משׁמרת הקדשׁ׃
Numbers 8:11
11 והניף אהרן את הלוים תנופה לפני יהוה מאת בני ישׂראל והיו לעבד את עבדת יהוה׃
Numbers 8:15
15 ואחרי כן יבאו הלוים לעבד את אהל מועד וטהרת אתם והנפת אתם תנופה׃
Numbers 31:30
30 וממחצת בני ישׂראל תקח אחד אחז מן החמשׁים מן האדם מן הבקר מן החמרים ומן הצאן מכל הבהמה ונתתה אתם ללוים שׁמרי משׁמרת משׁכן יהוה׃
1 Chronicles 23:28-32
28 כי מעמדם ליד בני אהרן לעבדת בית יהוה על החצרות ועל הלשׁכות ועל טהרת לכל קדשׁ ומעשׂה עבדת בית האלהים׃29 וללחם המערכת ולסלת למנחה ולרקיקי המצות ולמחבת ולמרבכת ולכל משׂורה ומדה׃30 ולעמד בבקר בבקר להדות ולהלל ליהוה וכן לערב׃31 ולכל העלות עלות ליהוה לשׁבתות לחדשׁים ולמעדים במספר כמשׁפט עליהם תמיד לפני יהוה׃32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 26:20
20 והלוים אחיה על אוצרות בית האלהים ולאצרות הקדשׁים׃
1 Chronicles 26:22
22 בני יחיאלי זתם ויואל אחיו על אצרות בית יהוה׃
1 Chronicles 26:26
26 הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃
Numbers 4:15
15 וכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד׃
Numbers 4:28
28 זאת עבדת משׁפחת בני הגרשׁני באהל מועד ומשׁמרתם ביד איתמר בן אהרן הכהן׃
Numbers 4:33
33 זאת עבדת משׁפחת בני מררי לכל עבדתם באהל מועד ביד איתמר בן אהרן הכהן׃
Numbers 10:17
17 והורד המשׁכן ונסעו בני גרשׁון ובני מררי נשׂאי המשׁכן׃
Numbers 10:21
21 ונסעו הקהתים נשׂאי המקדשׁ והקימו את המשׁכן עד באם׃
1 Chronicles 26:20-28
20 והלוים אחיה על אוצרות בית האלהים ולאצרות הקדשׁים׃21 בני לעדן בני הגרשׁני ללעדן ראשׁי האבות ללעדן הגרשׁני יחיאלי׃22 בני יחיאלי זתם ויואל אחיו על אצרות בית יהוה׃23 לעמרמי ליצהרי לחברוני לעזיאלי׃24 ושׁבאל בן גרשׁום בן משׁה נגיד על האצרות׃25 ואחיו לאליעזר רחביהו בנו וישׁעיהו בנו וירם בנו וזכרי בנו ושׁלמות בנו׃26 הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃27 מן המלחמות ומן השׁלל הקדישׁו לחזק לבית יהוה׃28 וכל ההקדישׁ שׁמואל הראה ושׁאול בן קישׁ ואבנר בן נר ויואב בן צרויה כל המקדישׁ על יד שׁלמית ואחיו׃
Ezra 8:24-30
24 ואבדילה משׂרי הכהנים שׁנים עשׂר לשׁרביה חשׁביה ועמהם מאחיהם עשׂרה׃25 ואשׁקולה להם את הכסף ואת הזהב ואת הכלים תרומת בית אלהינו ההרימו המלך ויעציו ושׂריו וכל ישׂראל הנמצאים׃26 ואשׁקלה על ידם כסף ככרים שׁשׁ מאות וחמשׁים וכלי כסף מאה לככרים זהב מאה ככר׃27 וכפרי זהב עשׂרים לאדרכנים אלף וכלי נחשׁת מצהב טובה שׁנים חמודת כזהב׃28 ואמרה אלהם אתם קדשׁ ליהוה והכלים קדשׁ והכסף והזהב נדבה ליהוה אלהי אבתיכם׃29 שׁקדו ושׁמרו עד תשׁקלו לפני שׂרי הכהנים והלוים ושׂרי האבות לישׂראל בירושׁלם הלשׁכות בית יהוה׃30 וקבלו הכהנים והלוים משׁקל הכסף והזהב והכלים להביא לירושׁלם לבית אלהינו׃
Isaiah 52:11
11 סורו סורו צאו משׁם טמא אל תגעו צאו מתוכה הברו נשׂאי כלי יהוה׃
Numbers 8:19
19 ואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ׃
Exodus 29:9
9 וחגרת אתם אבנט אהרן ובניו וחבשׁת להם מגבעת והיתה להם כהנה לחקת עולם ומלאת יד אהרן ויד בניו׃
Numbers 1:51
51 ובנסע המשׁכן יורידו אתו הלוים ובחנת המשׁכן יקימו אתו הלוים והזר הקרב יומת׃
Numbers 3:38
38 והחנים לפני המשׁכן קדמה לפני אהל מועד מזרחה משׁה ואהרן ובניו שׁמרים משׁמרת המקדשׁ למשׁמרת בני ישׂראל והזר הקרב יומת׃
Numbers 16:35
35 ואשׁ יצאה מאת יהוה ותאכל את החמשׁים ומאתים אישׁ מקריבי הקטרת׃
Numbers 16:40
40 (17:5) זכרון לבני ישׂראל למען אשׁר לא יקרב אישׁ זר אשׁר לא מזרע אהרן הוא להקטיר קטרת לפני יהוה ולא יהיה כקרח וכעדתו כאשׁר דבר יהוה ביד משׁה׃
Numbers 18:3
3 ושׁמרו משׁמרתך ומשׁמרת כל האהל אך אל כלי הקדשׁ ואל המזבח לא יקרבו ולא ימתו גם הם גם אתם׃
Numbers 18:7
7 ואתה ובניך אתך תשׁמרו את כהנתכם לכל דבר המזבח ולמבית לפרכת ועבדתם עבדת מתנה אתן את כהנתכם והזר הקרב יומת׃
1 Samuel 6:19
19 ויך באנשׁי בית שׁמשׁ כי ראו בארון יהוה ויך בעם שׁבעים אישׁ חמשׁים אלף אישׁ ויתאבלו העם כי הכה יהוה בעם מכה גדולה׃
2 Samuel 6:7
7 ויחר אף יהוה בעזה ויכהו שׁם האלהים על השׁל וימת שׁם עם ארון האלהים׃
1 Chronicles 6:32
32 (6:17) ויהיו משׁרתים לפני משׁכן אהל מועד בשׁיר עד בנות שׁלמה את בית יהוה בירושׁלם ויעמדו כמשׁפטם על עבודתם׃
2 Chronicles 26:16-21
16 וכחזקתו גבה לבו עד להשׁחית וימעל ביהוה אלהיו ויבא אל היכל יהוה להקטיר על מזבח הקטרת׃17 ויבא אחריו עזריהו הכהן ועמו כהנים ליהוה שׁמונים בני חיל׃18 ויעמדו על עזיהו המלך ויאמרו לו לא לך עזיהו להקטיר ליהוה כי לכהנים בני אהרן המקדשׁים להקטיר צא מן המקדשׁ כי מעלת ולא לך לכבוד מיהוה אלהים׃19 ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת׃20 ויפן אליו עזריהו כהן הראשׁ וכל הכהנים והנה הוא מצרע במצחו ויבהלוהו משׁם וגם הוא נדחף לצאת כי נגעו יהוה׃21 ויהי עזיהו המלך מצרע עד יום מותו וישׁב בית החפשׁות מצרע כי נגזר מבית יהוה ויותם בנו על בית המלך שׁופט את עם הארץ׃
Ezekiel 44:8
8 ולא שׁמרתם משׁמרת קדשׁי ותשׂימון לשׁמרי משׁמרתי במקדשׁי׃
Exodus 13:2
2 קדשׁ לי כל בכור פטר כל רחם בבני ישׂראל באדם ובבהמה לי הוא׃
Numbers 3:41
41 ולקחת את הלוים לי אני יהוה תחת כל בכר בבני ישׂראל ואת בהמת הלוים תחת כל בכור בבהמת בני ישׂראל׃
Numbers 3:45
45 קח את הלוים תחת כל בכור בבני ישׂראל ואת בהמת הלוים תחת בהמתם והיו לי הלוים אני יהוה׃
Numbers 8:16
16 כי נתנים נתנים המה לי מתוך בני ישׂראל תחת פטרת כל רחם בכור כל מבני ישׂראל לקחתי אתם׃
Numbers 8:18
18 ואקח את הלוים תחת כל בכור בבני ישׂראל׃
Numbers 18:6
6 ואני הנה לקחתי את אחיכם הלוים מתוך בני ישׂראל לכם מתנה נתנים ליהוה לעבד את עבדת אהל מועד׃
Exodus 12:29-30
Exodus 13:12
12 והעברת כל פטר רחם ליהוה וכל פטר שׁגר בהמה אשׁר יהיה לך הזכרים ליהוה׃
Exodus 13:15
15 ויהי כי הקשׁה פרעה לשׁלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃
Exodus 22:29
29 (22:28) מלאתך ודמעך לא תאחר בכור בניך תתן׃
Exodus 34:19
19 כל פטר רחם לי וכל מקנך תזכר פטר שׁור ושׂה׃
Leviticus 27:26
26 אך בכור אשׁר יבכר ליהוה בבהמה לא יקדישׁ אישׁ אתו אם שׁור אם שׂה ליהוה הוא׃
Numbers 8:16-17
Numbers 18:15
15 כל פטר רחם לכל בשׂר אשׁר יקריבו ליהוה באדם ובבהמה יהיה לך אך פדה תפדה את בכור האדם ואת בכור הבהמה הטמאה תפדה׃
Ezekiel 44:30
30 וראשׁית כל בכורי כל וכל תרומת כל מכל תרומותיכם לכהנים יהיה וראשׁית ערסותיכם תתנו לכהן להניח ברכה אל ביתך׃
Numbers 1:47
47 והלוים למטה אבתם לא התפקדו בתוכם׃
Numbers 3:22
22 פקדיהם במספר כל זכר מבן חדשׁ ומעלה פקדיהם שׁבעת אלפים וחמשׁ מאות׃
Numbers 3:28
28 במספר כל זכר מבן חדשׁ ומעלה שׁמנת אלפים ושׁשׁ מאות שׁמרי משׁמרת הקדשׁ׃
Numbers 3:34
34 ופקדיהם במספר כל זכר מבן חדשׁ ומעלה שׁשׁת אלפים ומאתים׃
Numbers 3:39-40
Numbers 3:43
43 ויהי כל בכור זכר במספר שׁמת מבן חדשׁ ומעלה לפקדיהם שׁנים ועשׂרים אלף שׁלשׁה ושׁבעים ומאתים׃
Numbers 18:15-16
Numbers 26:62
62 ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃
Proverbs 8:17
17 אני אהביה אהב ומשׁחרי ימצאנני׃
Jeremiah 2:2
2 הלך וקראת באזני ירושׁלם לאמר כה אמר יהוה זכרתי לך חסד נעוריך אהבת כלולתיך לכתך אחרי במדבר בארץ לא זרועה׃
Jeremiah 31:3
3 מרחוק יהוה נראה לי ואהבת עולם אהבתיך על כן משׁכתיך חסד׃
Genesis 45:21
21 ויעשׂו כן בני ישׂראל ויתן להם יוסף עגלות על פי פרעה ויתן להם צדה לדרך׃
Numbers 3:39
39 כל פקודי הלוים אשׁר פקד משׁה ואהרן על פי יהוה למשׁפחתם כל זכר מבן חדשׁ ומעלה שׁנים ועשׂרים אלף׃
Numbers 3:51
51 ויתן משׁה את כסף הפדים לאהרן ולבניו על פי יהוה כאשׁר צוה יהוה את משׁה׃
Numbers 4:27
27 על פי אהרן ובניו תהיה כל עבדת בני הגרשׁני לכל משׂאם ולכל עבדתם ופקדתם עלהם במשׁמרת את כל משׂאם׃
Numbers 4:37
37 אלה פקודי משׁפחת הקהתי כל העבד באהל מועד אשׁר פקד משׁה ואהרן על פי יהוה ביד משׁה׃
Numbers 4:41
41 אלה פקודי משׁפחת בני גרשׁון כל העבד באהל מועד אשׁר פקד משׁה ואהרן על פי יהוה׃
Numbers 4:45
45 אלה פקודי משׁפחת בני מררי אשׁר פקד משׁה ואהרן על פי יהוה ביד משׁה׃
Numbers 4:49
49 על פי יהוה פקד אותם ביד משׁה אישׁ אישׁ על עבדתו ועל משׂאו ופקדיו אשׁר צוה יהוה את משׁה׃
Deuteronomy 21:5
5 ונגשׁו הכהנים בני לוי כי בם בחר יהוה אלהיך לשׁרתו ולברך בשׁם יהוה ועל פיהם יהיה כל ריב וכל נגע׃
Genesis 46:11
11 ובני לוי גרשׁון קהת ומררי׃
Exodus 6:16-19
Numbers 15:5-23
5 ויין לנסך רביעית ההין תעשׂה על העלה או לזבח לכבשׂ האחד׃6 או לאיל תעשׂה מנחה סלת שׁני עשׂרנים בלולה בשׁמן שׁלשׁית ההין׃7 ויין לנסך שׁלשׁית ההין תקריב ריח ניחח ליהוה׃8 וכי תעשׂה בן בקר עלה או זבח לפלא נדר או שׁלמים ליהוה׃9 והקריב על בן הבקר מנחה סלת שׁלשׁה עשׂרנים בלול בשׁמן חצי ההין׃10 ויין תקריב לנסך חצי ההין אשׁה ריח ניחח ליהוה׃11 ככה יעשׂה לשׁור האחד או לאיל האחד או לשׂה בכבשׂים או בעזים׃12 כמספר אשׁר תעשׂו ככה תעשׂו לאחד כמספרם׃13 כל האזרח יעשׂה ככה את אלה להקריב אשׁה ריח ניחח ליהוה׃14 וכי יגור אתכם גר או אשׁר בתוככם לדרתיכם ועשׂה אשׁה ריח ניחח ליהוה כאשׁר תעשׂו כן יעשׂה׃15 הקהל חקה אחת לכם ולגר הגר חקת עולם לדרתיכם ככם כגר יהיה לפני יהוה׃16 תורה אחת ומשׁפט אחד יהיה לכם ולגר הגר אתכם׃17 וידבר יהוה אל משׁה לאמר׃18 דבר אל בני ישׂראל ואמרת אלהם בבאכם אל הארץ אשׁר אני מביא אתכם שׁמה׃19 והיה באכלכם מלחם הארץ תרימו תרומה ליהוה׃20 ראשׁית ערסתכם חלה תרימו תרומה כתרומת גרן כן תרימו אתה׃21 מראשׁית ערסתיכם תתנו ליהוה תרומה לדרתיכם׃22 וכי תשׁגו ולא תעשׂו את כל המצות האלה אשׁר דבר יהוה אל משׁה׃23 את כל אשׁר צוה יהוה אליכם ביד משׁה מן היום אשׁר צוה יהוה והלאה לדרתיכם׃
Numbers 23:6-23
6 וישׁב אליו והנה נצב על עלתו הוא וכל שׂרי מואב׃7 וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃8 מה אקב לא קבה אל ומה אזעם לא זעם יהוה׃9 כי מראשׁ צרים אראנו ומגבעות אשׁורנו הן עם לבדד ישׁכן ובגוים לא יתחשׁב׃10 מי מנה עפר יעקב ומספר את רבע ישׂראל תמת נפשׁי מות ישׁרים ותהי אחריתי כמהו׃11 ויאמר בלק אל בלעם מה עשׂית לי לקב איבי לקחתיך והנה ברכת ברך׃12 ויען ויאמר הלא את אשׁר ישׂים יהוה בפי אתו אשׁמר לדבר׃13 ויאמר אליו בלק לך נא אתי אל מקום אחר אשׁר תראנו משׁם אפס קצהו תראה וכלו לא תראה וקבנו לי משׁם׃14 ויקחהו שׂדה צפים אל ראשׁ הפסגה ויבן שׁבעה מזבחת ויעל פר ואיל במזבח׃15 ויאמר אל בלק התיצב כה על עלתך ואנכי אקרה כה׃16 ויקר יהוה אל בלעם וישׂם דבר בפיו ויאמר שׁוב אל בלק וכה תדבר׃17 ויבא אליו והנו נצב על עלתו ושׂרי מואב אתו ויאמר לו בלק מה דבר יהוה׃18 וישׂא משׁלו ויאמר קום בלק ושׁמע האזינה עדי בנו צפר׃19 לא אישׁ אל ויכזב ובן אדם ויתנחם ההוא אמר ולא יעשׂה ודבר ולא יקימנה׃20 הנה ברך לקחתי וברך ולא אשׁיבנה׃21 לא הביט און ביעקב ולא ראה עמל בישׂראל יהוה אלהיו עמו ותרועת מלך׃22 אל מוציאם ממצרים כתועפת ראם׃23 כי לא נחשׁ ביעקב ולא קסם בישׂראל כעת יאמר ליעקב ולישׂראל מה פעל אל׃
Numbers 24:1-25
1 וירא בלעם כי טוב בעיני יהוה לברך את ישׂראל ולא הלך כפעם בפעם לקראת נחשׁים וישׁת אל המדבר פניו׃2 וישׂא בלעם את עיניו וירא את ישׂראל שׁכן לשׁבטיו ותהי עליו רוח אלהים׃3 וישׂא משׁלו ויאמר נאם בלעם בנו בער ונאם הגבר שׁתם העין׃4 נאם שׁמע אמרי אל אשׁר מחזה שׁדי יחזה נפל וגלוי עינים׃5 מה טבו אהליך יעקב משׁכנתיך ישׂראל׃6 כנחלים נטיו כגנת עלי נהר כאהלים נטע יהוה כארזים עלי מים׃7 יזל מים מדליו וזרעו במים רבים וירם מאגג מלכו ותנשׂא מלכתו׃8 אל מוציאו ממצרים כתועפת ראם לו יאכל גוים צריו ועצמתיהם יגרם וחציו ימחץ׃9 כרע שׁכב כארי וכלביא מי יקימנו מברכיך ברוך וארריך ארור׃10 ויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שׁלשׁ פעמים׃11 ועתה ברח לך אל מקומך אמרתי כבד אכבדך והנה מנעך יהוה מכבוד׃12 ויאמר בלעם אל בלק הלא גם אל מלאכיך אשׁר שׁלחת אלי דברתי לאמר׃13 אם יתן לי בלק מלא ביתו כסף וזהב לא אוכל לעבר את פי יהוה לעשׂות טובה או רעה מלבי אשׁר ידבר יהוה אתו אדבר׃14 ועתה הנני הולך לעמי לכה איעצך אשׁר יעשׂה העם הזה לעמך באחרית הימים׃15 וישׂא משׁלו ויאמר נאם בלעם בנו בער ונאם הגבר שׁתם העין׃16 נאם שׁמע אמרי אל וידע דעת עליון מחזה שׁדי יחזה נפל וגלוי עינים׃17 אראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת׃18 והיה אדום ירשׁה והיה ירשׁה שׂעיר איביו וישׂראל עשׂה חיל׃19 וירד מיעקב והאביד שׂריד מעיר׃20 וירא את עמלק וישׂא משׁלו ויאמר ראשׁית גוים עמלק ואחריתו עדי אבד׃21 וירא את הקיני וישׂא משׁלו ויאמר איתן מושׁבך ושׂים בסלע קנך׃22 כי אם יהיה לבער קין עד מה אשׁור תשׁבך׃23 וישׂא משׁלו ויאמר אוי מי יחיה משׂמו אל׃24 וצים מיד כתים וענו אשׁור וענו עבר וגם הוא עדי אבד׃25 ויקם בלעם וילך וישׁב למקמו וגם בלק הלך לדרכו׃
Numbers 26:57-58
Joshua 21:1-45
1 ויגשׁו ראשׁי אבות הלוים אל אלעזר הכהן ואל יהושׁע בן נון ואל ראשׁי אבות המטות לבני ישׂראל׃2 וידברו אליהם בשׁלה בארץ כנען לאמר יהוה צוה ביד משׁה לתת לנו ערים לשׁבת ומגרשׁיהן לבהמתנו׃3 ויתנו בני ישׂראל ללוים מנחלתם אל פי יהוה את הערים האלה ואת מגרשׁיהן׃4 ויצא הגורל למשׁפחת הקהתי ויהי לבני אהרן הכהן מן הלוים ממטה יהודה וממטה השׁמעני וממטה בנימן בגורל ערים שׁלשׁ עשׂרה׃5 ולבני קהת הנותרים ממשׁפחת מטה אפרים וממטה דן ומחצי מטה מנשׁה בגורל ערים עשׂר׃6 ולבני גרשׁון ממשׁפחות מטה ישׂשכר וממטה אשׁר וממטה נפתלי ומחצי מטה מנשׁה בבשׁן בגורל ערים שׁלשׁ עשׂרה׃7 לבני מררי למשׁפחתם ממטה ראובן וממטה גד וממטה זבולן ערים שׁתים עשׂרה׃8 ויתנו בני ישׂראל ללוים את הערים האלה ואת מגרשׁיהן כאשׁר צוה יהוה ביד משׁה בגורל׃9 ויתנו ממטה בני יהודה וממטה בני שׁמעון את הערים האלה אשׁר יקרא אתהן בשׁם׃10 ויהי לבני אהרן ממשׁפחות הקהתי מבני לוי כי להם היה הגורל ריאשׁנה׃11 ויתנו להם את קרית ארבע אבי הענוק היא חברון בהר יהודה ואת מגרשׁה סביבתיה׃12 ואת שׂדה העיר ואת חצריה נתנו לכלב בן יפנה באחזתו׃13 ולבני אהרן הכהן נתנו את עיר מקלט הרצח את חברון ואת מגרשׁה ואת לבנה ואת מגרשׁה׃14 ואת יתר ואת מגרשׁה ואת אשׁתמע ואת מגרשׁה׃15 ואת חלן ואת מגרשׁה ואת דבר ואת מגרשׁה׃16 ואת עין ואת מגרשׁה ואת יטה ואת מגרשׁה את בית שׁמשׁ ואת מגרשׁה ערים תשׁע מאת שׁני השׁבטים האלה׃17 וממטה בנימן את גבעון ואת מגרשׁה את גבע ואת מגרשׁה׃18 את ענתות ואת מגרשׁה ואת עלמון ואת מגרשׁה ערים ארבע׃19 כל ערי בני אהרן הכהנים שׁלשׁ עשׂרה ערים ומגרשׁיהן׃20 ולמשׁפחות בני קהת הלוים הנותרים מבני קהת ויהי ערי גורלם ממטה אפרים׃21 ויתנו להם את עיר מקלט הרצח את שׁכם ואת מגרשׁה בהר אפרים ואת גזר ואת מגרשׁה׃22 ואת קבצים ואת מגרשׁה ואת בית חורן ואת מגרשׁה ערים ארבע׃23 וממטה דן את אלתקא ואת מגרשׁה את גבתון ואת מגרשׁה׃24 את אילון ואת מגרשׁה את גת רמון ואת מגרשׁה ערים ארבע׃25 וממחצית מטה מנשׁה את תענך ואת מגרשׁה ואת גת רמון ואת מגרשׁה ערים שׁתים׃26 כל ערים עשׂר ומגרשׁיהן למשׁפחות בני קהת הנותרים׃27 ולבני גרשׁון ממשׁפחת הלוים מחצי מטה מנשׁה את עיר מקלט הרצח את גלון בבשׁן ואת מגרשׁה ואת בעשׁתרה ואת מגרשׁה ערים שׁתים׃28 וממטה ישׂשכר את קשׁיון ואת מגרשׁה את דברת ואת מגרשׁה׃29 את ירמות ואת מגרשׁה את עין גנים ואת מגרשׁה ערים ארבע׃30 וממטה אשׁר את משׁאל ואת מגרשׁה את עבדון ואת מגרשׁה׃31 את חלקת ואת מגרשׁה ואת רחב ואת מגרשׁה ערים ארבע׃32 וממטה נפתלי את עיר מקלט הרצח את קדשׁ בגליל ואת מגרשׁה ואת חמת דאר ואת מגרשׁה ואת קרתן ואת מגרשׁה ערים שׁלשׁ׃33 כל ערי הגרשׁני למשׁפחתם שׁלשׁ עשׂרה עיר ומגרשׁיהן׃34 ולמשׁפחות בני מררי הלוים הנותרים מאת מטה זבולן את יקנעם ואת מגרשׁה את קרתה ואת מגרשׁה׃35 את דמנה ואת מגרשׁה את נהלל ואת מגרשׁה ערים ארבע׃36 וממטה ראובן את בצר ואת מגרשׁה ואת יהצה ואת מגרשׁה׃37 את קדמות ואת מגרשׁה ואת מיפעת ואת מגרשׁה ערים ארבע׃38 וממטה גד את עיר מקלט הרצח את רמת בגלעד ואת מגרשׁה ואת מחנים ואת מגרשׁה׃39 את חשׁבון ואת מגרשׁה את יעזר ואת מגרשׁה כל ערים ארבע׃40 כל הערים לבני מררי למשׁפחתם הנותרים ממשׁפחות הלוים ויהי גורלם ערים שׁתים עשׂרה׃41 כל ערי הלוים בתוך אחזת בני ישׂראל ערים ארבעים ושׁמנה ומגרשׁיהן׃42 תהיינה הערים האלה עיר עיר ומגרשׁיה סביבתיה כן לכל הערים האלה׃43 ויתן יהוה לישׂראל את כל הארץ אשׁר נשׁבע לתת לאבותם וירשׁוה וישׁבו׃44 וינח יהוה להם מסביב ככל אשׁר נשׁבע לאבותם ולא עמד אישׁ בפניהם מכל איביהם את כל איביהם נתן יהוה בידם׃45 לא נפל דבר מכל הדבר הטוב אשׁר דבר יהוה אל בית ישׂראל הכל בא׃
1 Chronicles 6:1-2
1 Chronicles 6:16-19
Nehemiah 11:1-12
1 וישׁבו שׂרי העם בירושׁלם ושׁאר העם הפילו גורלות להביא אחד מן העשׂרה לשׁבת בירושׁלם עיר הקדשׁ ותשׁע הידות בערים׃2 ויברכו העם לכל האנשׁים המתנדבים לשׁבת בירושׁלם׃3 ואלה ראשׁי המדינה אשׁר ישׁבו בירושׁלם ובערי יהודה ישׁבו אישׁ באחזתו בעריהם ישׂראל הכהנים והלוים והנתינים ובני עבדי שׁלמה׃4 ובירושׁלם ישׁבו מבני יהודה ומבני בנימן מבני יהודה עתיה בן עזיה בן זכריה בן אמריה בן שׁפטיה בן מהללאל מבני פרץ׃5 ומעשׂיה בן ברוך בן כל חזה בן חזיה בן עדיה בן יויריב בן זכריה בן השׁלני׃6 כל בני פרץ הישׁבים בירושׁלם ארבע מאות שׁשׁים ושׁמנה אנשׁי חיל׃7 ואלה בני בנימן סלא בן משׁלם בן יועד בן פדיה בן קוליה בן מעשׂיה בן איתיאל בן ישׁעיה׃8 ואחריו גבי סלי תשׁע מאות עשׂרים ושׁמנה׃9 ויואל בן זכרי פקיד עליהם ויהודה בן הסנואה על העיר משׁנה׃10 מן הכהנים ידעיה בן יויריב יכין׃11 שׂריה בן חלקיה בן משׁלם בן צדוק בן מריות בן אחיטוב נגד בית האלהים׃12 ואחיהם עשׂי המלאכה לבית שׁמנה מאות עשׂרים ושׁנים ועדיה בן ירחם בן פלליה בן אמצי בן זכריה בן פשׁחור בן מלכיה׃
Numbers 3:21
21 לגרשׁון משׁפחת הלבני ומשׁפחת השׁמעי אלה הם משׁפחת הגרשׁני׃
1 Chronicles 6:17
17 (6:2) ואלה שׁמות בני גרשׁום לבני ושׁמעי׃
1 Chronicles 6:20-21
1 Chronicles 23:7-11
1 Chronicles 25:4
4 להימן בני הימן בקיהו מתניהו עזיאל שׁבואל וירימות חנניה חנני אליאתה גדלתי ורממתי עזר ישׁבקשׁה מלותי הותיר מחזיאות׃
1 Chronicles 26:1-32
1 למחלקות לשׁערים לקרחים משׁלמיהו בן קרא מן בני אסף׃2 ולמשׁלמיהו בנים זכריהו הבכור ידיעאל השׁני זבדיהו השׁלישׁי יתניאל הרביעי׃3 עילם החמישׁי יהוחנן השׁשׁי אליהועיני השׁביעי׃4 ולעבד אדם בנים שׁמעיה הבכור יהוזבד השׁני יואח השׁלשׁי ושׂכר הרביעי ונתנאל החמישׁי׃5 עמיאל השׁשׁי ישׂשכר השׁביעי פעלתי השׁמיני כי ברכו אלהים׃6 ולשׁמעיה בנו נולד בנים הממשׁלים לבית אביהם כי גבורי חיל המה׃7 בני שׁמעיה עתני ורפאל ועובד אלזבד אחיו בני חיל אליהו וסמכיהו׃8 כל אלה מבני עבד אדם המה ובניהם ואחיהם אישׁ חיל בכח לעבדה שׁשׁים ושׁנים לעבד אדם׃9 ולמשׁלמיהו בנים ואחים בני חיל שׁמונה עשׂר׃10 ולחסה מן בני מררי בנים שׁמרי הראשׁ כי לא היה בכור וישׂימהו אביהו לראשׁ׃11 חלקיהו השׁני טבליהו השׁלשׁי זכריהו הרבעי כל בנים ואחים לחסה שׁלשׁה עשׂר׃12 לאלה מחלקות השׁערים לראשׁי הגברים משׁמרות לעמת אחיהם לשׁרת בבית יהוה׃13 ויפילו גורלות כקטן כגדול לבית אבותם לשׁער ושׁער׃14 ויפל הגורל מזרחה לשׁלמיהו וזכריהו בנו יועץ בשׂכל הפילו גורלות ויצא גורלו צפונה׃15 לעבד אדם נגבה ולבניו בית האספים׃16 לשׁפים ולחסה למערב עם שׁער שׁלכת במסלה העולה משׁמר לעמת משׁמר׃17 למזרח הלוים שׁשׁה לצפונה ליום ארבעה לנגבה ליום ארבעה ולאספים שׁנים שׁנים׃18 לפרבר למערב ארבעה למסלה שׁנים לפרבר׃19 אלה מחלקות השׁערים לבני הקרחי ולבני מררי׃20 והלוים אחיה על אוצרות בית האלהים ולאצרות הקדשׁים׃21 בני לעדן בני הגרשׁני ללעדן ראשׁי האבות ללעדן הגרשׁני יחיאלי׃22 בני יחיאלי זתם ויואל אחיו על אצרות בית יהוה׃23 לעמרמי ליצהרי לחברוני לעזיאלי׃24 ושׁבאל בן גרשׁום בן משׁה נגיד על האצרות׃25 ואחיו לאליעזר רחביהו בנו וישׁעיהו בנו וירם בנו וזכרי בנו ושׁלמות בנו׃26 הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃27 מן המלחמות ומן השׁלל הקדישׁו לחזק לבית יהוה׃28 וכל ההקדישׁ שׁמואל הראה ושׁאול בן קישׁ ואבנר בן נר ויואב בן צרויה כל המקדישׁ על יד שׁלמית ואחיו׃29 ליצהרי כנניהו ובניו למלאכה החיצונה על ישׂראל לשׁטרים ולשׁפטים׃30 לחברוני חשׁביהו ואחיו בני חיל אלף ושׁבע מאות על פקדת ישׂראל מעבר לירדן מערבה לכל מלאכת יהוה ולעבדת המלך׃31 לחברוני יריה הראשׁ לחברוני לתלדתיו לאבות בשׁנת הארבעים למלכות דויד נדרשׁו וימצא בהם גבורי חיל ביעזיר גלעד׃32 ואחיו בני חיל אלפים ושׁבע מאות ראשׁי האבות ויפקידם דויד המלך על הראובני והגדי וחצי שׁבט המנשׁי לכל דבר האלהים ודבר המלך׃
Nehemiah 12:1-26
1 ואלה הכהנים והלוים אשׁר עלו עם זרבבל בן שׁאלתיאל וישׁוע שׂריה ירמיה עזרא׃2 אמריה מלוך חטושׁ׃3 שׁכניה רחם מרמת׃4 עדוא גנתוי אביה׃5 מימין מעדיה בלגה׃6 שׁמעיה ויויריב ידעיה׃7 סלו עמוק חלקיה ידעיה אלה ראשׁי הכהנים ואחיהם בימי ישׁוע׃8 והלוים ישׁוע בנוי קדמיאל שׁרביה יהודה מתניה על הידות הוא ואחיו׃9 ובקבקיה וענו אחיהם לנגדם למשׁמרות׃10 וישׁוע הוליד את יויקים ויויקים הוליד את אלישׁיב ואלישׁיב את יוידע׃11 ויוידע הוליד את יונתן ויונתן הוליד את ידוע׃12 ובימי יויקים היו כהנים ראשׁי האבות לשׂריה מריה לירמיה חנניה׃13 לעזרא משׁלם לאמריה יהוחנן׃14 למלוכי יונתן לשׁבניה יוסף׃15 לחרם עדנא למריות חלקי׃16 לעדיא זכריה לגנתון משׁלם׃17 לאביה זכרי למנימין למועדיה פלטי׃18 לבלגה שׁמוע לשׁמעיה יהונתן׃19 וליויריב מתני לידעיה עזי׃20 לסלי קלי לעמוק עבר׃21 לחלקיה חשׁביה לידעיה נתנאל׃22 הלוים בימי אלישׁיב יוידע ויוחנן וידוע כתובים ראשׁי אבות והכהנים על מלכות דריושׁ הפרסי׃23 בני לוי ראשׁי האבות כתובים על ספר דברי הימים ועד ימי יוחנן בן אלישׁיב׃24 וראשׁי הלוים חשׁביה שׁרביה וישׁוע בן קדמיאל ואחיהם לנגדם להלל להודות במצות דויד אישׁ האלהים משׁמר לעמת משׁמר׃25 מתניה ובקבקיה עבדיה משׁלם טלמון עקוב שׁמרים שׁוערים משׁמר באספי השׁערים׃26 אלה בימי יויקים בן ישׁוע בן יוצדק ובימי נחמיה הפחה ועזרא הכהן הסופר׃
Exodus 6:18
18 ובני קהת עמרם ויצהר וחברון ועזיאל ושׁני חיי קהת שׁלשׁ ושׁלשׁים ומאת שׁנה׃
Numbers 3:27
27 ולקהת משׁפחת העמרמי ומשׁפחת היצהרי ומשׁפחת החברני ומשׁפחת העזיאלי אלה הם משׁפחת הקהתי׃
1 Chronicles 6:18
18 (6:3) ובני קהת עמרם ויצהר וחברון ועזיאל׃
1 Chronicles 6:38
38 (6:23) בן יצהר בן קהת בן לוי בן ישׂראל׃
1 Chronicles 15:5
5 לבני קהת אוריאל השׂר ואחיו מאה ועשׂרים׃
1 Chronicles 15:8-10
1 Chronicles 15:17-21
17 ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושׁיהו׃18 ועמהם אחיהם המשׁנים זכריהו בן ויעזיאל ושׁמירמות ויחיאל ועני אליאב ובניהו ומעשׂיהו ומתתיהו ואליפלהו ומקניהו ועבד אדם ויעיאל השׁערים׃19 והמשׁררים הימן אסף ואיתן במצלתים נחשׁת להשׁמיע׃20 וזכריה ועזיאל ושׁמירמות ויחיאל ועני ואליאב ומעשׂיהו ובניהו בנבלים על עלמות׃21 ומתתיהו ואליפלהו ומקניהו ועבד אדם ויעיאל ועזזיהו בכנרות על השׁמינית לנצח׃
1 Chronicles 23:12-13
1 Chronicles 23:18-20
Exodus 6:19
19 ובני מררי מחלי ומושׁי אלה משׁפחת הלוי לתלדתם׃
Numbers 3:33
33 למררי משׁפחת המחלי ומשׁפחת המושׁי אלה הם משׁפחת מררי׃
1 Chronicles 6:19
19 (6:4) בני מררי מחלי ומשׁי ואלה משׁפחות הלוי לאבותיהם׃
1 Chronicles 6:29
29 (6:14) בני מררי מחלי לבני בנו שׁמעי בנו עזה בנו׃
1 Chronicles 6:44-47
1 Chronicles 15:6
6 לבני מררי עשׂיה השׂר ואחיו מאתים ועשׂרים׃
1 Chronicles 23:21-23
1 Chronicles 24:27-30
1 Chronicles 25:3
3 לידותון בני ידותון גדליהו וצרי וישׁעיהו חשׁביהו ומתתיהו שׁשׁה על ידי אביהם ידותון בכנור הנבא על הדות והלל ליהוה׃
Numbers 4:38-40
Numbers 1:53
53 והלוים יחנו סביב למשׁכן העדת ולא יהיה קצף על עדת בני ישׂראל ושׁמרו הלוים את משׁמרת משׁכן העדות׃
Exodus 25:9
9 ככל אשׁר אני מראה אותך את תבנית המשׁכן ואת תבנית כל כליו וכן תעשׂו׃
Exodus 26:1-14
1 ואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם׃2 ארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת׃3 חמשׁ היריעת תהיין חברת אשׁה אל אחתה וחמשׁ יריעת חברת אשׁה אל אחתה׃4 ועשׂית ללאת תכלת על שׂפת היריעה האחת מקצה בחברת וכן תעשׂה בשׂפת היריעה הקיצונה במחברת השׁנית׃5 חמשׁים ללאת תעשׂה ביריעה האחת וחמשׁים ללאת תעשׂה בקצה היריעה אשׁר במחברת השׁנית מקבילת הללאת אשׁה אל אחתה׃6 ועשׂית חמשׁים קרסי זהב וחברת את היריעת אשׁה אל אחתה בקרסים והיה המשׁכן אחד׃7 ועשׂית יריעת עזים לאהל על המשׁכן עשׁתי עשׂרה יריעת תעשׂה אתם׃8 ארך היריעה האחת שׁלשׁים באמה ורחב ארבע באמה היריעה האחת מדה אחת לעשׁתי עשׂרה יריעת׃9 וחברת את חמשׁ היריעת לבד ואת שׁשׁ היריעת לבד וכפלת את היריעה השׁשׁית אל מול פני האהל׃10 ועשׂית חמשׁים ללאת על שׂפת היריעה האחת הקיצנה בחברת וחמשׁים ללאת על שׂפת היריעה החברת השׁנית׃11 ועשׂית קרסי נחשׁת חמשׁים והבאת את הקרסים בללאת וחברת את האהל והיה אחד׃12 וסרח העדף ביריעת האהל חצי היריעה העדפת תסרח על אחרי המשׁכן׃13 והאמה מזה והאמה מזה בעדף בארך יריעת האהל יהיה סרוח על צדי המשׁכן מזה ומזה לכסתו׃14 ועשׂית מכסה לאהל ערת אילם מאדמים ומכסה ערת תחשׁים מלמעלה׃
Exodus 26:36-37
Exodus 36:8-19
8 ויעשׂו כל חכם לב בעשׂי המלאכה את המשׁכן עשׂר יריעת שׁשׁ משׁזר ותכלת וארגמן ותולעת שׁני כרבים מעשׂה חשׁב עשׂה אתם׃9 ארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת׃10 ויחבר את חמשׁ היריעת אחת אל אחת וחמשׁ יריעת חבר אחת אל אחת׃11 ויעשׂ ללאת תכלת על שׂפת היריעה האחת מקצה במחברת כן עשׂה בשׂפת היריעה הקיצונה במחברת השׁנית׃12 חמשׁים ללאת עשׂה ביריעה האחת וחמשׁים ללאת עשׂה בקצה היריעה אשׁר במחברת השׁנית מקבילת הללאת אחת אל אחת׃13 ויעשׂ חמשׁים קרסי זהב ויחבר את היריעת אחת אל אחת בקרסים ויהי המשׁכן אחד׃14 ויעשׂ יריעת עזים לאהל על המשׁכן עשׁתי עשׂרה יריעת עשׂה אתם׃15 ארך היריעה האחת שׁלשׁים באמה וארבע אמות רחב היריעה האחת מדה אחת לעשׁתי עשׂרה יריעת׃16 ויחבר את חמשׁ היריעת לבד ואת שׁשׁ היריעת לבד׃17 ויעשׂ ללאת חמשׁים על שׂפת היריעה הקיצנה במחברת וחמשׁים ללאת עשׂה על שׂפת היריעה החברת השׁנית׃18 ויעשׂ קרסי נחשׁת חמשׁים לחבר את האהל להית אחד׃19 ויעשׂ מכסה לאהל ערת אילם מאדמים ומכסה ערת תחשׁים מלמעלה׃
Exodus 36:37-38
Exodus 40:19
19 ויפרשׂ את האהל על המשׁכן וישׂם את מכסה האהל עליו מלמעלה כאשׁר צוה יהוה את משׁה׃
Exodus 40:28
28 וישׂם את מסך הפתח למשׁכן׃
Numbers 3:7
7 ושׁמרו את משׁמרתו ואת משׁמרת כל העדה לפני אהל מועד לעבד את עבדת המשׁכן׃
Numbers 4:24-28
24 זאת עבדת משׁפחת הגרשׁני לעבד ולמשׂא׃25 ונשׂאו את יריעת המשׁכן ואת אהל מועד מכסהו ומכסה התחשׁ אשׁר עליו מלמעלה ואת מסך פתח אהל מועד׃26 ואת קלעי החצר ואת מסך פתח שׁער החצר אשׁר על המשׁכן ועל המזבח סביב ואת מיתריהם ואת כל כלי עבדתם ואת כל אשׁר יעשׂה להם ועבדו׃27 על פי אהרן ובניו תהיה כל עבדת בני הגרשׁני לכל משׂאם ולכל עבדתם ופקדתם עלהם במשׁמרת את כל משׂאם׃28 זאת עבדת משׁפחת בני הגרשׁני באהל מועד ומשׁמרתם ביד איתמר בן אהרן הכהן׃
Numbers 7:7
7 את שׁתי העגלות ואת ארבעת הבקר נתן לבני גרשׁון כפי עבדתם׃
1 Chronicles 9:14-33
14 ומן הלוים שׁמעיה בן חשׁוב בן עזריקם בן חשׁביה מן בני מררי׃15 ובקבקר חרשׁ וגלל ומתניה בן מיכא בן זכרי בן אסף׃16 ועבדיה בן שׁמעיה בן גלל בן ידותון וברכיה בן אסא בן אלקנה היושׁב בחצרי נטופתי׃17 והשׁערים שׁלום ועקוב וטלמן ואחימן ואחיהם שׁלום הראשׁ׃18 ועד הנה בשׁער המלך מזרחה המה השׁערים למחנות בני לוי׃19 ושׁלום בן קורא בן אביסף בן קרח ואחיו לבית אביו הקרחים על מלאכת העבודה שׁמרי הספים לאהל ואבתיהם על מחנה יהוה שׁמרי המבוא׃20 ופינחס בן אלעזר נגיד היה עליהם לפנים יהוה עמו׃21 זכריה בן משׁלמיה שׁער פתח לאהל מועד׃22 כלם הברורים לשׁערים בספים מאתים ושׁנים עשׂר המה בחצריהם התיחשׂם המה יסד דויד ושׁמואל הראה באמונתם׃23 והם ובניהם על השׁערים לבית יהוה לבית האהל למשׁמרות׃24 לארבע רוחות יהיו השׁערים מזרח ימה צפונה ונגבה׃25 ואחיהם בחצריהם לבוא לשׁבעת הימים מעת אל עת עם אלה׃26 כי באמונה המה ארבעת גברי השׁערים הם הלוים והיו על הלשׁכות ועל האצרות בית האלהים׃27 וסביבות בית האלהים ילינו כי עליהם משׁמרת והם על המפתח ולבקר לבקר׃28 ומהם על כלי העבודה כי במספר יביאום ובמספר יוציאום׃29 ומהם ממנים על הכלים ועל כל כלי הקדשׁ ועל הסלת והיין והשׁמן והלבונה והבשׂמים׃30 ומן בני הכהנים רקחי המרקחת לבשׂמים׃31 ומתתיה מן הלוים הוא הבכור לשׁלם הקרחי באמונה על מעשׂה החבתים׃32 ומן בני הקהתי מן אחיהם על לחם המערכת להכין שׁבת שׁבת׃33 ואלה המשׁררים ראשׁי אבות ללוים בלשׁכת פטירים כי יומם ולילה עליהם במלאכה׃
1 Chronicles 23:32
32 ושׁמרו את משׁמרת אהל מועד ואת משׁמרת הקדשׁ ומשׁמרת בני אהרן אחיהם לעבדת בית יהוה׃
1 Chronicles 26:21-22
2 Chronicles 31:2
2 ויעמד יחזקיהו את מחלקות הכהנים והלוים על מחלקותם אישׁ כפי עבדתו לכהנים וללוים לעלה ולשׁלמים לשׁרת ולהדות ולהלל בשׁערי מחנות יהוה׃
2 Chronicles 31:11-18
11 ויאמר יחזקיהו להכין לשׁכות בבית יהוה ויכינו׃12 ויביאו את התרומה והמעשׂר והקדשׁים באמונה ועליהם נגיד כונניהו הלוי ושׁמעי אחיהו משׁנה׃13 ויחיאל ועזזיהו ונחת ועשׂהאל וירימות ויוזבד ואליאל ויסמכיהו ומחת ובניהו פקידים מיד כונניהו ושׁמעי אחיו במפקד יחזקיהו המלך ועזריהו נגיד בית האלהים׃14 וקורא בן ימנה הלוי השׁוער למזרחה על נדבות האלהים לתת תרומת יהוה וקדשׁי הקדשׁים׃15 ועל ידו עדן ומנימן וישׁוע ושׁמעיהו אמריהו ושׁכניהו בערי הכהנים באמונה לתת לאחיהם במחלקות כגדול כקטן׃16 מלבד התיחשׂם לזכרים מבן שׁלושׁ שׁנים ולמעלה לכל הבא לבית יהוה לדבר יום ביומו לעבודתם במשׁמרותם כמחלקותיהם׃17 ואת התיחשׂ הכהנים לבית אבותיהם והלוים מבן עשׂרים שׁנה ולמעלה במשׁמרותיהם במחלקותיהם׃18 ולהתיחשׂ בכל טפם נשׁיהם ובניהם ובנותיהם לכל קהל כי באמונתם יתקדשׁו קדשׁ׃
Exodus 27:9-16
9 ועשׂית את חצר המשׁכן לפאת נגב תימנה קלעים לחצר שׁשׁ משׁזר מאה באמה ארך לפאה האחת׃10 ועמדיו עשׂרים ואדניהם עשׂרים נחשׁת ווי העמדים וחשׁקיהם כסף׃11 וכן לפאת צפון בארך קלעים מאה ארך ועמדו עשׂרים ואדניהם עשׂרים נחשׁת ווי העמדים וחשׁקיהם כסף׃12 ורחב החצר לפאת ים קלעים חמשׁים אמה עמדיהם עשׂרה ואדניהם עשׂרה׃13 ורחב החצר לפאת קדמה מזרחה חמשׁים אמה׃14 וחמשׁ עשׂרה אמה קלעים לכתף עמדיהם שׁלשׁה ואדניהם שׁלשׁה׃15 ולכתף השׁנית חמשׁ עשׂרה קלעים עמדיהם שׁלשׁה ואדניהם שׁלשׁה׃16 ולשׁער החצר מסך עשׂרים אמה תכלת וארגמן ותולעת שׁני ושׁשׁ משׁזר מעשׂה רקם עמדיהם ארבעה ואדניהם ארבעה׃
Exodus 35:18
18 את יתדת המשׁכן ואת יתדת החצר ואת מיתריהם׃
Exodus 38:9-16
9 ויעשׂ את החצר לפאת נגב תימנה קלעי החצר שׁשׁ משׁזר מאה באמה׃10 עמודיהם עשׂרים ואדניהם עשׂרים נחשׁת ווי העמודים וחשׁקיהם כסף׃11 ולפאת צפון מאה באמה עמודיהם עשׂרים ואדניהם עשׂרים נחשׁת ווי העמודים וחשׁקיהם כסף׃12 ולפאת ים קלעים חמשׁים באמה עמודיהם עשׂרה ואדניהם עשׂרה ווי העמדים וחשׁוקיהם כסף׃13 ולפאת קדמה מזרחה חמשׁים אמה׃14 קלעים חמשׁ עשׂרה אמה אל הכתף עמודיהם שׁלשׁה ואדניהם שׁלשׁה׃15 ולכתף השׁנית מזה ומזה לשׁער החצר קלעים חמשׁ עשׂרה אמה עמדיהם שׁלשׁה ואדניהם שׁלשׁה׃16 כל קלעי החצר סביב שׁשׁ משׁזר׃
Numbers 3:19
19 ובני קהת למשׁפחתם עמרם ויצהר חברון ועזיאל׃
1 Chronicles 23:12
12 בני קהת עמרם יצהר חברון ועזיאל ארבעה׃
1 Chronicles 26:23
23 לעמרמי ליצהרי לחברוני לעזיאלי׃
Numbers 3:31
31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃
Numbers 4:35-36
Numbers 2:10
10 דגל מחנה ראובן תימנה לצבאתם ונשׂיא לבני ראובן אליצור בן שׁדיאור׃
Numbers 3:23
23 משׁפחת הגרשׁני אחרי המשׁכן יחנו ימה׃
Exodus 25:10-40
10 ועשׂו ארון עצי שׁטים אמתים וחצי ארכו ואמה וחצי רחבו ואמה וחצי קמתו׃11 וצפית אתו זהב טהור מבית ומחוץ תצפנו ועשׂית עליו זר זהב סביב׃12 ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃13 ועשׂית בדי עצי שׁטים וצפית אתם זהב׃14 והבאת את הבדים בטבעת על צלעת הארן לשׂאת את הארן׃15 בטבעת הארן יהיו הבדים לא יסרו ממנו׃16 ונתת אל הארן את העדת אשׁר אתן אליך׃17 ועשׂית כפרת זהב טהור אמתים וחצי ארכה ואמה וחצי רחבה׃18 ועשׂית שׁנים כרבים זהב מקשׁה תעשׂה אתם משׁני קצות הכפרת׃19 ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃20 והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃21 ונתת את הכפרת על הארן מלמעלה ואל הארן תתן את העדת אשׁר אתן אליך׃22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃23 ועשׂית שׁלחן עצי שׁטים אמתים ארכו ואמה רחבו ואמה וחצי קמתו׃24 וצפית אתו זהב טהור ועשׂית לו זר זהב סביב׃25 ועשׂית לו מסגרת טפח סביב ועשׂית זר זהב למסגרתו סביב׃26 ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו׃27 לעמת המסגרת תהיין הטבעת לבתים לבדים לשׂאת את השׁלחן׃28 ועשׂית את הבדים עצי שׁטים וצפית אתם זהב ונשׂא בם את השׁלחן׃29 ועשׂית קערתיו וכפתיו וקשׂותיו ומנקיתיו אשׁר יסך בהן זהב טהור תעשׂה אתם׃30 ונתת על השׁלחן לחם פנים לפני תמיד׃31 ועשׂית מנרת זהב טהור מקשׁה תיעשׂה המנורה ירכה וקנה גביעיה כפתריה ופרחיה ממנה יהיו׃32 ושׁשׁה קנים יצאים מצדיה שׁלשׁה קני מנרה מצדה האחד ושׁלשׁה קני מנרה מצדה השׁני׃33 שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה האחד כפתר ופרח כן לשׁשׁת הקנים היצאים מן המנרה׃34 ובמנרה ארבעה גבעים משׁקדים כפתריה ופרחיה׃35 וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים מן המנרה׃36 כפתריהם וקנתם ממנה יהיו כלה מקשׁה אחת זהב טהור׃37 ועשׂית את נרתיה שׁבעה והעלה את נרתיה והאיר על עבר פניה׃38 ומלקחיה ומחתתיה זהב טהור׃39 ככר זהב טהור יעשׂה אתה את כל הכלים האלה׃40 וראה ועשׂה בתבניתם אשׁר אתה מראה בהר׃
Exodus 26:31-33
Exodus 27:1-8
1 ועשׂית את המזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קמתו׃2 ועשׂית קרנתיו על ארבע פנתיו ממנו תהיין קרנתיו וצפית אתו נחשׁת׃3 ועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת׃4 ועשׂית לו מכבר מעשׂה רשׁת נחשׁת ועשׂית על הרשׁת ארבע טבעת נחשׁת על ארבע קצותיו׃5 ונתתה אתה תחת כרכב המזבח מלמטה והיתה הרשׁת עד חצי המזבח׃6 ועשׂית בדים למזבח בדי עצי שׁטים וצפית אתם נחשׁת׃7 והובא את בדיו בטבעת והיו הבדים על שׁתי צלעת המזבח בשׂאת אתו׃8 נבוב לחת תעשׂה אתו כאשׁר הראה אתך בהר כן יעשׂו׃
Exodus 30:1-10
1 ועשׂית מזבח מקטר קטרת עצי שׁטים תעשׂה אתו׃2 אמה ארכו ואמה רחבו רבוע יהיה ואמתים קמתו ממנו קרנתיו׃3 וצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב׃4 ושׁתי טבעת זהב תעשׂה לו מתחת לזרו על שׁתי צלעתיו תעשׂה על שׁני צדיו והיה לבתים לבדים לשׂאת אתו בהמה׃5 ועשׂית את הבדים עצי שׁטים וצפית אתם זהב׃6 ונתתה אתו לפני הפרכת אשׁר על ארן העדת לפני הכפרת אשׁר על העדת אשׁר אועד לך שׁמה׃7 והקטיר עליו אהרן קטרת סמים בבקר בבקר בהיטיבו את הנרת יקטירנה׃8 ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃9 לא תעלו עליו קטרת זרה ועלה ומנחה ונסך לא תסכו עליו׃10 וכפר אהרן על קרנתיו אחת בשׁנה מדם חטאת הכפרים אחת בשׁנה יכפר עליו לדרתיכם קדשׁ קדשׁים הוא ליהוה׃
Exodus 31:1-18
1 וידבר יהוה אל משׁה לאמר׃2 ראה קראתי בשׁם בצלאל בן אורי בן חור למטה יהודה׃3 ואמלא אתו רוח אלהים בחכמה ובתבונה ובדעת ובכל מלאכה׃4 לחשׁב מחשׁבת לעשׂות בזהב ובכסף ובנחשׁת׃5 ובחרשׁת אבן למלאת ובחרשׁת עץ לעשׂות בכל מלאכה׃6 ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשׂו את כל אשׁר צויתך׃7 את אהל מועד ואת הארן לעדת ואת הכפרת אשׁר עליו ואת כל כלי האהל׃8 ואת השׁלחן ואת כליו ואת המנרה הטהרה ואת כל כליה ואת מזבח הקטרת׃9 ואת מזבח העלה ואת כל כליו ואת הכיור ואת כנו׃10 ואת בגדי השׂרד ואת בגדי הקדשׁ לאהרן הכהן ואת בגדי בניו לכהן׃11 ואת שׁמן המשׁחה ואת קטרת הסמים לקדשׁ ככל אשׁר צויתך יעשׂו׃12 ויאמר יהוה אל משׁה לאמר׃13 ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃14 ושׁמרתם את השׁבת כי קדשׁ הוא לכם מחלליה מות יומת כי כל העשׂה בה מלאכה ונכרתה הנפשׁ ההוא מקרב עמיה׃15 שׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת׃16 ושׁמרו בני ישׂראל את השׁבת לעשׂות את השׁבת לדרתם ברית עולם׃17 ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃18 ויתן אל משׁה ככלתו לדבר אתו בהר סיני שׁני לחת העדת לחת אבן כתבים באצבע אלהים׃
Exodus 36:35-36
Exodus 37:1-38:7
1 ויעשׂ בצלאל את הארן עצי שׁטים אמתים וחצי ארכו ואמה וחצי רחבו ואמה וחצי קמתו׃2 ויצפהו זהב טהור מבית ומחוץ ויעשׂ לו זר זהב סביב׃3 ויצק לו ארבע טבעת זהב על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃4 ויעשׂ בדי עצי שׁטים ויצף אתם זהב׃5 ויבא את הבדים בטבעת על צלעת הארן לשׂאת את הארן׃6 ויעשׂ כפרת זהב טהור אמתים וחצי ארכה ואמה וחצי רחבה׃7 ויעשׂ שׁני כרבים זהב מקשׁה עשׂה אתם משׁני קצות הכפרת׃
Exodus 38:1-7
1 ויעשׂ את מזבח העלה עצי שׁטים חמשׁ אמות ארכו וחמשׁ אמות רחבו רבוע ושׁלשׁ אמות קמתו׃2 ויעשׂ קרנתיו על ארבע פנתיו ממנו היו קרנתיו ויצף אתו נחשׁת׃3 ויעשׂ את כל כלי המזבח את הסירת ואת היעים ואת המזרקת את המזלגת ואת המחתת כל כליו עשׂה נחשׁת׃4 ויעשׂ למזבח מכבר מעשׂה רשׁת נחשׁת תחת כרכבו מלמטה עד חציו׃5 ויצק ארבע טבעת בארבע הקצות למכבר הנחשׁת בתים לבדים׃6 ויעשׂ את הבדים עצי שׁטים ויצף אתם נחשׁת׃7 ויבא את הבדים בטבעת על צלעת המזבח לשׂאת אתו בהם נבוב לחת עשׂה אתו׃
Exodus 39:33-42
33 ויביאו את המשׁכן אל משׁה את האהל ואת כל כליו קרסיו קרשׁיו בריחו ועמדיו ואדניו׃34 ואת מכסה עורת האילם המאדמים ואת מכסה ערת התחשׁים ואת פרכת המסך׃35 את ארון העדת ואת בדיו ואת הכפרת׃36 את השׁלחן את כל כליו ואת לחם הפנים׃37 את המנרה הטהרה את נרתיה נרת המערכה ואת כל כליה ואת שׁמן המאור׃38 ואת מזבח הזהב ואת שׁמן המשׁחה ואת קטרת הסמים ואת מסך פתח האהל׃39 את מזבח הנחשׁת ואת מכבר הנחשׁת אשׁר לו את בדיו ואת כל כליו את הכיר ואת כנו׃40 את קלעי החצר את עמדיה ואת אדניה ואת המסך לשׁער החצר את מיתריו ויתדתיה ואת כל כלי עבדת המשׁכן לאהל מועד׃41 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃42 ככל אשׁר צוה יהוה את משׁה כן עשׂו בני ישׂראל את כל העבדה׃
Exodus 40:2-16
2 ביום החדשׁ הראשׁון באחד לחדשׁ תקים את משׁכן אהל מועד׃3 ושׂמת שׁם את ארון העדות וסכת על הארן את הפרכת׃4 והבאת את השׁלחן וערכת את ערכו והבאת את המנרה והעלית את נרתיה׃5 ונתתה את מזבח הזהב לקטרת לפני ארון העדת ושׂמת את מסך הפתח למשׁכן׃6 ונתתה את מזבח העלה לפני פתח משׁכן אהל מועד׃7 ונתת את הכיר בין אהל מועד ובין המזבח ונתת שׁם מים׃8 ושׂמת את החצר סביב ונתת את מסך שׁער החצר׃9 ולקחת את שׁמן המשׁחה ומשׁחת את המשׁכן ואת כל אשׁר בו וקדשׁת אתו ואת כל כליו והיה קדשׁ׃10 ומשׁחת את מזבח העלה ואת כל כליו וקדשׁת את המזבח והיה המזבח קדשׁ קדשׁים׃11 ומשׁחת את הכיר ואת כנו וקדשׁת אתו׃12 והקרבת את אהרן ואת בניו אל פתח אהל מועד ורחצת אתם במים׃13 והלבשׁת את אהרן את בגדי הקדשׁ ומשׁחת אתו וקדשׁת אתו וכהן׃14 ואת בניו תקריב והלבשׁת אתם כתנת׃15 ומשׁחת אתם כאשׁר משׁחת את אביהם וכהנו לי והיתה להית להם משׁחתם לכהנת עולם לדרתם׃16 ויעשׂ משׁה ככל אשׁר צוה יהוה אתו כן עשׂה׃
Exodus 40:30
30 וישׂם את הכיר בין אהל מועד ובין המזבח ויתן שׁמה מים לרחצה׃
Numbers 4:4-16
4 זאת עבדת בני קהת באהל מועד קדשׁ הקדשׁים׃5 ובא אהרן ובניו בנסע המחנה והורדו את פרכת המסך וכסו בה את ארן העדת׃6 ונתנו עליו כסוי עור תחשׁ ופרשׂו בגד כליל תכלת מלמעלה ושׂמו בדיו׃7 ועל שׁלחן הפנים יפרשׂו בגד תכלת ונתנו עליו את הקערת ואת הכפת ואת המנקית ואת קשׂות הנסך ולחם התמיד עליו יהיה׃8 ופרשׂו עליהם בגד תולעת שׁני וכסו אתו במכסה עור תחשׁ ושׂמו את בדיו׃9 ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו \'ec\'e410 ונתנו אתה ואת כל כליה אל מכסה עור תחשׁ ונתנו על המוט׃11 ועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו׃12 ולקחו את כל כלי השׁרת אשׁר ישׁרתו בם בקדשׁ ונתנו אל בגד תכלת וכסו אותם במכסה עור תחשׁ ונתנו על המוט׃13 ודשׁנו את המזבח ופרשׂו עליו בגד ארגמן׃14 ונתנו עליו את כל כליו אשׁר ישׁרתו עליו בהם את המחתת את המזלגת ואת היעים ואת המזרקת כל כלי המזבח ופרשׂו עליו כסוי עור תחשׁ ושׂמו בדיו׃15 וכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד׃16 ופקדת אלעזר בן אהרן הכהן שׁמן המאור וקטרת הסמים ומנחת התמיד ושׁמן המשׁחה פקדת כל המשׁכן וכל אשׁר בו בקדשׁ ובכליו׃
Numbers 4:16
16 ופקדת אלעזר בן אהרן הכהן שׁמן המאור וקטרת הסמים ומנחת התמיד ושׁמן המשׁחה פקדת כל המשׁכן וכל אשׁר בו בקדשׁ ובכליו׃
Numbers 20:25-28
2 Kings 25:18
18 ויקח רב טבחים את שׂריה כהן הראשׁ ואת צפניהו כהן משׁנה ואת שׁלשׁת שׁמרי הסף׃
1 Chronicles 9:14-20
14 ומן הלוים שׁמעיה בן חשׁוב בן עזריקם בן חשׁביה מן בני מררי׃15 ובקבקר חרשׁ וגלל ומתניה בן מיכא בן זכרי בן אסף׃16 ועבדיה בן שׁמעיה בן גלל בן ידותון וברכיה בן אסא בן אלקנה היושׁב בחצרי נטופתי׃17 והשׁערים שׁלום ועקוב וטלמן ואחימן ואחיהם שׁלום הראשׁ׃18 ועד הנה בשׁער המלך מזרחה המה השׁערים למחנות בני לוי׃19 ושׁלום בן קורא בן אביסף בן קרח ואחיו לבית אביו הקרחים על מלאכת העבודה שׁמרי הספים לאהל ואבתיהם על מחנה יהוה שׁמרי המבוא׃20 ופינחס בן אלעזר נגיד היה עליהם לפנים יהוה עמו׃
1 Chronicles 26:20-24
Numbers 3:20
20 ובני מררי למשׁפחתם מחלי ומושׁי אלה הם משׁפחת הלוי לבית אבתם׃
1 Chronicles 23:21
21 בני מררי מחלי ומושׁי בני מחלי אלעזר וקישׁ׃
Numbers 1:21
21 פקדיהם למטה ראובן שׁשׁה וארבעים אלף וחמשׁ מאות׃
Numbers 2:9
9 כל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראשׁנה יסעו׃
Numbers 2:11
11 וצבאו ופקדיו שׁשׁה וארבעים אלף וחמשׁ מאות׃
Numbers 2:25
25 דגל מחנה דן צפנה לצבאתם ונשׂיא לבני דן אחיעזר בן עמישׁדי׃
Numbers 3:28-29
Exodus 26:15-29
15 ועשׂית את הקרשׁים למשׁכן עצי שׁטים עמדים׃16 עשׂר אמות ארך הקרשׁ ואמה וחצי האמה רחב הקרשׁ האחד׃17 שׁתי ידות לקרשׁ האחד משׁלבת אשׁה אל אחתה כן תעשׂה לכל קרשׁי המשׁכן׃18 ועשׂית את הקרשׁים למשׁכן עשׂרים קרשׁ לפאת נגבה תימנה׃19 וארבעים אדני כסף תעשׂה תחת עשׂרים הקרשׁ שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו׃20 ולצלע המשׁכן השׁנית לפאת צפון עשׂרים קרשׁ׃21 וארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד׃22 ולירכתי המשׁכן ימה תעשׂה שׁשׁה קרשׁים׃23 ושׁני קרשׁים תעשׂה למקצעת המשׁכן בירכתים׃24 ויהיו תאמם מלמטה ויחדו יהיו תמים על ראשׁו אל הטבעת האחת כן יהיה לשׁניהם לשׁני המקצעת יהיו׃25 והיו שׁמנה קרשׁים ואדניהם כסף שׁשׁה עשׂר אדנים שׁני אדנים תחת הקרשׁ האחד ושׁני אדנים תחת הקרשׁ האחד׃26 ועשׂית בריחם עצי שׁטים חמשׁה לקרשׁי צלע המשׁכן האחד׃27 וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי צלע המשׁכן לירכתים ימה׃28 והבריח התיכן בתוך הקרשׁים מברח מן הקצה אל הקצה׃29 ואת הקרשׁים תצפה זהב ואת טבעתיהם תעשׂה זהב בתים לבריחם וצפית את הבריחם זהב׃
Exodus 26:32
32 ונתתה אתה על ארבעה עמודי שׁטים מצפים זהב וויהם זהב על ארבעה אדני כסף׃
Exodus 26:37
37 ועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת׃
Exodus 27:9-19
9 ועשׂית את חצר המשׁכן לפאת נגב תימנה קלעים לחצר שׁשׁ משׁזר מאה באמה ארך לפאה האחת׃10 ועמדיו עשׂרים ואדניהם עשׂרים נחשׁת ווי העמדים וחשׁקיהם כסף׃11 וכן לפאת צפון בארך קלעים מאה ארך ועמדו עשׂרים ואדניהם עשׂרים נחשׁת ווי העמדים וחשׁקיהם כסף׃12 ורחב החצר לפאת ים קלעים חמשׁים אמה עמדיהם עשׂרה ואדניהם עשׂרה׃13 ורחב החצר לפאת קדמה מזרחה חמשׁים אמה׃14 וחמשׁ עשׂרה אמה קלעים לכתף עמדיהם שׁלשׁה ואדניהם שׁלשׁה׃15 ולכתף השׁנית חמשׁ עשׂרה קלעים עמדיהם שׁלשׁה ואדניהם שׁלשׁה׃16 ולשׁער החצר מסך עשׂרים אמה תכלת וארגמן ותולעת שׁני ושׁשׁ משׁזר מעשׂה רקם עמדיהם ארבעה ואדניהם ארבעה׃17 כל עמודי החצר סביב מחשׁקים כסף וויהם כסף ואדניהם נחשׁת׃18 ארך החצר מאה באמה ורחב חמשׁים בחמשׁים וקמה חמשׁ אמות שׁשׁ משׁזר ואדניהם נחשׁת׃19 לכל כלי המשׁכן בכל עבדתו וכל יתדתיו וכל יתדת החצר נחשׁת׃
Exodus 35:11
11 את המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו׃
Exodus 36:20-34
20 ויעשׂ את הקרשׁים למשׁכן עצי שׁטים עמדים׃21 עשׂר אמת ארך הקרשׁ ואמה וחצי האמה רחב הקרשׁ האחד׃22 שׁתי ידת לקרשׁ האחד משׁלבת אחת אל אחת כן עשׂה לכל קרשׁי המשׁכן׃23 ויעשׂ את הקרשׁים למשׁכן עשׂרים קרשׁים לפאת נגב תימנה׃24 וארבעים אדני כסף עשׂה תחת עשׂרים הקרשׁים שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו׃25 ולצלע המשׁכן השׁנית לפאת צפון עשׂה עשׂרים קרשׁים׃26 וארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד׃27 ולירכתי המשׁכן ימה עשׂה שׁשׁה קרשׁים׃28 ושׁני קרשׁים עשׂה למקצעת המשׁכן בירכתים׃29 והיו תואמם מלמטה ויחדו יהיו תמים אל ראשׁו אל הטבעת האחת כן עשׂה לשׁניהם לשׁני המקצעת׃30 והיו שׁמנה קרשׁים ואדניהם כסף שׁשׁה עשׂר אדנים שׁני אדנים שׁני אדנים תחת הקרשׁ האחד׃31 ויעשׂ בריחי עצי שׁטים חמשׁה לקרשׁי צלע המשׁכן האחת׃32 וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי המשׁכן לירכתים ימה׃33 ויעשׂ את הבריח התיכן לברח בתוך הקרשׁים מן הקצה אל הקצה׃34 ואת הקרשׁים צפה זהב ואת טבעתם עשׂה זהב בתים לבריחם ויצף את הבריחם זהב׃
Exodus 36:36
36 ויעשׂ לה ארבעה עמודי שׁטים ויצפם זהב וויהם זהב ויצק להם ארבעה אדני כסף׃
Exodus 38:17-20
17 והאדנים לעמדים נחשׁת ווי העמודים וחשׁוקיהם כסף וצפוי ראשׁיהם כסף והם מחשׁקים כסף כל עמדי החצר׃18 ומסך שׁער החצר מעשׂה רקם תכלת וארגמן ותולעת שׁני ושׁשׁ משׁזר ועשׂרים אמה ארך וקומה ברחב חמשׁ אמות לעמת קלעי החצר׃19 ועמדיהם ארבעה ואדניהם ארבעה נחשׁת וויהם כסף וצפוי ראשׁיהם וחשׁקיהם כסף׃20 וכל היתדת למשׁכן ולחצר סביב נחשׁת׃
Exodus 39:33
33 ויביאו את המשׁכן אל משׁה את האהל ואת כל כליו קרסיו קרשׁיו בריחו ועמדיו ואדניו׃
Numbers 4:29-33
29 בני מררי למשׁפחתם לבית אבתם תפקד אתם׃30 מבן שׁלשׁים שׁנה ומעלה ועד בן חמשׁים שׁנה תפקדם כל הבא לצבא לעבד את עבדת אהל מועד׃31 וזאת משׁמרת משׂאם לכל עבדתם באהל מועד קרשׁי המשׁכן ובריחיו ועמודיו ואדניו׃32 ועמודי החצר סביב ואדניהם ויתדתם ומיתריהם לכל כליהם ולכל עבדתם ובשׁמת תפקדו את כלי משׁמרת משׂאם׃33 זאת עבדת משׁפחת בני מררי לכל עבדתם באהל מועד ביד איתמר בן אהרן הכהן׃
Numbers 7:8
8 ואת ארבע העגלת ואת שׁמנת הבקר נתן לבני מררי כפי עבדתם ביד איתמר בן אהרן הכהן׃
Numbers 2:3
3 והחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב׃
Numbers 3:7-8
Numbers 3:10
10 ואת אהרן ואת בניו תפקד ושׁמרו את כהנתם והזר הקרב יומת׃
Numbers 3:29
29 משׁפחת בני קהת יחנו על ירך המשׁכן תימנה׃
Numbers 3:35
35 ונשׂיא בית אב למשׁפחת מררי צוריאל בן אביחיל על ירך המשׁכן יחנו צפנה׃
Numbers 18:1-5
1 ויאמר יהוה אל אהרן אתה ובניך ובית אביך אתך תשׂאו את עון המקדשׁ ואתה ובניך אתך תשׂאו את עון כהנתכם׃2 וגם את אחיך מטה לוי שׁבט אביך הקרב אתך וילוו עליך וישׁרתוך ואתה ובניך אתך לפני אהל העדת׃3 ושׁמרו משׁמרתך ומשׁמרת כל האהל אך אל כלי הקדשׁ ואל המזבח לא יקרבו ולא ימתו גם הם גם אתם׃4 ונלוו עליך ושׁמרו את משׁמרת אהל מועד לכל עבדת האהל וזר לא יקרב אליכם׃5 ושׁמרתם את משׁמרת הקדשׁ ואת משׁמרת המזבח ולא יהיה עוד קצף על בני ישׂראל׃
1 Chronicles 6:48-49
Numbers 4:47-48
Numbers 3:12
12 ואני הנה לקחתי את הלוים מתוך בני ישׂראל תחת כל בכור פטר רחם מבני ישׂראל והיו לי הלוים׃
Numbers 3:15
15 פקד את בני לוי לבית אבתם למשׁפחתם כל זכר מבן חדשׁ ומעלה תפקדם׃
Psalms 87:6
6 יהוה יספר בכתוב עמים זה ילד שׁם סלה׃
Isaiah 4:3
3 והיה הנשׁאר בציון והנותר בירושׁלם קדושׁ יאמר לו כל הכתוב לחיים בירושׁלם׃
Exodus 24:5-6
Numbers 3:40-41
Exodus 13:13
13 וכל פטר חמר תפדה בשׂה ואם לא תפדה וערפתו וכל בכור אדם בבניך תפדה׃
Exodus 30:13
13 זה יתנו כל העבר על הפקדים מחצית השׁקל בשׁקל הקדשׁ עשׂרים גרה השׁקל מחצית השׁקל תרומה ליהוה׃
Leviticus 27:6
6 ואם מבן חדשׁ ועד בן חמשׁ שׁנים והיה ערכך הזכר חמשׁה שׁקלים כסף ולנקבה ערכך שׁלשׁת שׁקלים כסף׃
Leviticus 27:25
25 וכל ערכך יהיה בשׁקל הקדשׁ עשׂרים גרה יהיה השׁקל׃
Numbers 3:50
50 מאת בכור בני ישׂראל לקח את הכסף חמשׁה ושׁשׁים ושׁלשׁ מאות ואלף בשׁקל הקדשׁ׃
Numbers 18:16
16 ופדויו מבן חדשׁ תפדה בערכך כסף חמשׁת שׁקלים בשׁקל הקדשׁ עשׂרים גרה הוא׃
Ezekiel 45:12
12 והשׁקל עשׂרים גרה עשׂרים שׁקלים חמשׁה ועשׂרים שׁקלים עשׂרה וחמשׁה שׁקל המנה יהיה׃
Numbers 3:46-47
Numbers 16:15
15 ויחר למשׁה מאד ויאמר אל יהוה אל תפן אל מנחתם לא חמור אחד מהם נשׂאתי ולא הרעתי את אחד מהם׃
1 Samuel 12:3-4
Malachi 4:4
4 { (3:22) זכרו תורת משׁה עבדי אשׁר צויתי אותו בחרב על כל ישׂראל חקים ומשׁפטים׃