14 ועתה הנני הולך לעמי לכה איעצך אשׁר יעשׂה העם הזה לעמך באחרית הימים׃
Numbers 24:14 Cross References - HOT
Genesis 49:1
1 ויקרא יעקב אל בניו ויאמר האספו ואגידה לכם את אשׁר יקרא אתכם באחרית הימים׃
Numbers 24:17
17 אראנו ולא עתה אשׁורנו ולא קרוב דרך כוכב מיעקב וקם שׁבט מישׂראל ומחץ פאתי מואב וקרקר כל בני שׁת׃
Numbers 31:7-18
7 ויצבאו על מדין כאשׁר צוה יהוה את משׁה ויהרגו כל זכר׃8 ואת מלכי מדין הרגו על חלליהם את אוי ואת רקם ואת צור ואת חור ואת רבע חמשׁת מלכי מדין ואת בלעם בן בעור הרגו בחרב׃9 וישׁבו בני ישׂראל את נשׁי מדין ואת טפם ואת כל בהמתם ואת כל מקנהם ואת כל חילם בזזו׃10 ואת כל עריהם במושׁבתם ואת כל טירתם שׂרפו באשׁ׃11 ויקחו את כל השׁלל ואת כל המלקוח באדם ובבהמה׃12 ויבאו אל משׁה ואל אלעזר הכהן ואל עדת בני ישׂראל את השׁבי ואת המלקוח ואת השׁלל אל המחנה אל ערבת מואב אשׁר על ירדן ירחו׃13 ויצאו משׁה ואלעזר הכהן וכל נשׂיאי העדה לקראתם אל מחוץ למחנה׃14 ויקצף משׁה על פקודי החיל שׂרי האלפים ושׂרי המאות הבאים מצבא המלחמה׃15 ויאמר אליהם משׁה החייתם כל נקבה׃16 הן הנה היו לבני ישׂראל בדבר בלעם למסר מעל ביהוה על דבר פעור ותהי המגפה בעדת יהוה׃17 ועתה הרגו כל זכר בטף וכל אשׁה ידעת אישׁ למשׁכב זכר הרגו׃18 וכל הטף בנשׁים אשׁר לא ידעו משׁכב זכר החיו׃
Isaiah 24:22
22 ואספו אספה אסיר על בור וסגרו על מסגר ומרב ימים יפקדו׃
Jeremiah 48:47
47 ושׁבתי שׁבות מואב באחרית הימים נאם יהוה עד הנה משׁפט מואב׃
Jeremiah 49:39
39 והיה באחרית הימים אשׁוב את שׁבית עילם נאם יהוה׃
Daniel 2:28
28 ברם איתי אלה בשׁמיא גלא רזין והודע למלכא נבוכדנצר מה די להוא באחרית יומיא חלמך וחזוי ראשׁך על משׁכבך דנה הוא׃
Daniel 10:14
14 ובאתי להבינך את אשׁר יקרה לעמך באחרית הימים כי עוד חזון לימים׃
Hosea 3:5
5 אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים׃
Micah 6:5
5 עמי זכר נא מה יעץ בלק מלך מואב ומה ענה אתו בלעם בן בעור מן השׁטים עד הגלגל למען דעת צדקות יהוה׃