Nehemiah 12:36 Cross References - HOT

36 ואחיו שׁמעיה ועזראל מללי גללי מעי נתנאל ויהודה חנני בכלי שׁיר דויד אישׁ האלהים ועזרא הסופר לפניהם׃

1 Chronicles 23:5

5 וארבעת אלפים שׁערים וארבעת אלפים מהללים ליהוה בכלים אשׁר עשׂיתי להלל׃

2 Chronicles 8:14

14 ויעמד כמשׁפט דויד אביו את מחלקות הכהנים על עבדתם והלוים על משׁמרותם להלל ולשׁרת נגד הכהנים לדבר יום ביומו והשׁוערים במחלקותם לשׁער ושׁער כי כן מצות דויד אישׁ האלהים׃

Ezra 7:1

1 ואחר הדברים האלה במלכות ארתחשׁסתא מלך פרס עזרא בן שׂריה בן עזריה בן חלקיה׃

Ezra 8:1

1 ואלה ראשׁי אבתיהם והתיחשׂם העלים עמי במלכות ארתחשׁסתא המלך מבבל׃

Nehemiah 12:24

24 וראשׁי הלוים חשׁביה שׁרביה וישׁוע בן קדמיאל ואחיהם לנגדם להלל להודות במצות דויד אישׁ האלהים משׁמר לעמת משׁמר׃

Amos 6:5

5 הפרטים על פי הנבל כדויד חשׁבו להם כלי שׁיר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.