Leviticus 8:9 Cross References - HOT

9 וישׂם את המצנפת על ראשׁו וישׂם על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה׃

Exodus 28:4

4 ואלה הבגדים אשׁר יעשׂו חשׁן ואפוד ומעיל וכתנת תשׁבץ מצנפת ואבנט ועשׂו בגדי קדשׁ לאהרן אחיך ולבניו לכהנו׃

Exodus 28:36-38

36 ועשׂית ציץ זהב טהור ופתחת עליו פתוחי חתם קדשׁ ליהוה׃37 ושׂמת אתו על פתיל תכלת והיה על המצנפת אל מול פני המצנפת יהיה׃38 והיה על מצח אהרן ונשׂא אהרן את עון הקדשׁים אשׁר יקדישׁו בני ישׂראל לכל מתנת קדשׁיהם והיה על מצחו תמיד לרצון להם לפני יהוה׃

Exodus 29:6

6 ושׂמת המצנפת על ראשׁו ונתת את נזר הקדשׁ על המצנפת׃

Exodus 39:28-30

28 ואת המצנפת שׁשׁ ואת פארי המגבעת שׁשׁ ואת מכנסי הבד שׁשׁ משׁזר׃29 ואת האבנט שׁשׁ משׁזר ותכלת וארגמן ותולעת שׁני מעשׂה רקם כאשׁר צוה יהוה את משׁה׃30 ויעשׂו את ציץ נזר הקדשׁ זהב טהור ויכתבו עליו מכתב פתוחי חותם קדשׁ ליהוה׃

Zechariah 3:5

5 ואמר ישׂימו צניף טהור על ראשׁו וישׂימו הצניף הטהור על ראשׁו וילבשׁהו בגדים ומלאך יהוה עמד׃

Zechariah 6:11-14

11 ולקחת כסף וזהב ועשׂית עטרות ושׂמת בראשׁ יהושׁע בן יהוצדק הכהן הגדול׃12 ואמרת אליו לאמר כה אמר יהוה צבאות לאמר הנה אישׁ צמח שׁמו ומתחתיו יצמח ובנה את היכל יהוה׃13 והוא יבנה את היכל יהוה והוא ישׂא הוד וישׁב ומשׁל על כסאו והיה כהן על כסאו ועצת שׁלום תהיה בין שׁניהם׃14 והעטרת תהיה לחלם ולטוביה ולידעיה ולחן בן צפניה לזכרון בהיכל יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.