17 גלעד בעבר הירדן שׁכן ודן למה יגור אניות אשׁר ישׁב לחוף ימים ועל מפרציו ישׁכון׃
Judges 5:17 Cross References - HOT
Joshua 13:25
25 ויהי להם הגבול יעזר וכל ערי הגלעד וחצי ארץ בני עמון עד ערוער אשׁר על פני רבה׃
Joshua 13:31
31 וחצי הגלעד ועשׁתרות ואדרעי ערי ממלכות עוג בבשׁן לבני מכיר בן מנשׁה לחצי בני מכיר למשׁפחותם׃
Joshua 19:24-31
24 ויצא הגורל החמישׁי למטה בני אשׁר למשׁפחותם׃25 ויהי גבולם חלקת וחלי ובטן ואכשׁף׃26 ואלמלך ועמעד ומשׁאל ופגע בכרמל הימה ובשׁיחור לבנת׃27 ושׁב מזרח השׁמשׁ בית דגן ופגע בזבלון ובגי יפתח אל צפונה בית העמק ונעיאל ויצא אל כבול משׂמאל׃28 ועברן ורחב וחמון וקנה עד צידון רבה׃29 ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃30 ועמה ואפק ורחב ערים עשׂרים ושׁתים וחצריהן׃31 זאת נחלת מטה בני אשׁר למשׁפחתם הערים האלה וחצריהן׃