Joshua 3:8 Cross References - HOT

8 ואתה תצוה את הכהנים נשׂאי ארון הברית לאמר כבאכם עד קצה מי הירדן בירדן תעמדו׃

Exodus 14:13

13 ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃

Joshua 3:3

3 ויצוו את העם לאמר כראותכם את ארון ברית יהוה אלהיכם והכהנים הלוים נשׂאים אתו ואתם תסעו ממקומכם והלכתם אחריו׃

Joshua 3:17

17 ויעמדו הכהנים נשׂאי הארון ברית יהוה בחרבה בתוך הירדן הכן וכל ישׂראל עברים בחרבה עד אשׁר תמו כל הגוי לעבר את הירדן׃

1 Chronicles 15:11-12

11 ויקרא דויד לצדוק ולאביתר הכהנים וללוים לאוריאל עשׂיה ויואל שׁמעיה ואליאל ועמינדב׃12 ויאמר להם אתם ראשׁי האבות ללוים התקדשׁו אתם ואחיכם והעליתם את ארון יהוה אלהי ישׂראל אל הכינותי׃

2 Chronicles 17:8-9

8 ועמהם הלוים שׁמעיהו ונתניהו וזבדיהו ועשׂהאל ושׁמרימות ויהונתן ואדניהו וטוביהו וטוב אדוניה הלוים ועמהם אלישׁמע ויהורם הכהנים׃9 וילמדו ביהודה ועמהם ספר תורת יהוה ויסבו בכל ערי יהודה וילמדו בעם׃

2 Chronicles 29:4-11

4 ויבא את הכהנים ואת הלוים ויאספם לרחוב המזרח׃5 ויאמר להם שׁמעוני הלוים עתה התקדשׁו וקדשׁו את בית יהוה אלהי אבתיכם והוציאו את הנדה מן הקדשׁ׃6 כי מעלו אבתינו ועשׂו הרע בעיני יהוה אלהינו ויעזבהו ויסבו פניהם ממשׁכן יהוה ויתנו ערף׃7 גם סגרו דלתות האולם ויכבו את הנרות וקטרת לא הקטירו ועלה לא העלו בקדשׁ לאלהי ישׂראל׃8 ויהי קצף יהוה על יהודה וירושׁלם ויתנם לזועה לשׁמה ולשׁרקה כאשׁר אתם ראים בעיניכם׃9 והנה נפלו אבותינו בחרב ובנינו ובנותינו ונשׁינו בשׁבי על זאת׃10 עתה עם לבבי לכרות ברית ליהוה אלהי ישׂראל וישׁב ממנו חרון אפו׃11 בני עתה אל תשׁלו כי בכם בחר יהוה לעמד לפניו לשׁרתו ולהיות לו משׁרתים ומקטרים׃

2 Chronicles 29:15

15 ויאספו את אחיהם ויתקדשׁו ויבאו כמצות המלך בדברי יהוה לטהר בית יהוה׃

2 Chronicles 29:27

27 ויאמר חזקיהו להעלות העלה להמזבח ובעת החל העולה החל שׁיר יהוה והחצצרות ועל ידי כלי דויד מלך ישׂראל׃

2 Chronicles 29:30

30 ויאמר יחזקיהו המלך והשׂרים ללוים להלל ליהוה בדברי דויד ואסף החזה ויהללו עד לשׂמחה ויקדו וישׁתחוו׃

2 Chronicles 30:12

12 גם ביהודה היתה יד האלהים לתת להם לב אחד לעשׂות מצות המלך והשׂרים בדבר יהוה׃

2 Chronicles 31:9-10

9 וידרשׁ יחזקיהו על הכהנים והלוים על הערמות׃10 ויאמר אליו עזריהו הכהן הראשׁ לבית צדוק ויאמר מהחל התרומה לביא בית יהוה אכול ושׂבוע והותר עד לרוב כי יהוה ברך את עמו והנותר את ההמון הזה׃

2 Chronicles 35:2-6

2 ויעמד הכהנים על משׁמרותם ויחזקם לעבודת בית יהוה׃3 ויאמר ללוים המבונים לכל ישׂראל הקדושׁים ליהוה תנו את ארון הקדשׁ בבית אשׁר בנה שׁלמה בן דויד מלך ישׂראל אין לכם משׂא בכתף עתה עבדו את יהוה אלהיכם ואת עמו ישׂראל׃4 והכונו לבית אבותיכם כמחלקותיכם בכתב דויד מלך ישׂראל ובמכתב שׁלמה בנו׃5 ועמדו בקדשׁ לפלגות בית האבות לאחיכם בני העם וחלקת בית אב ללוים׃6 ושׁחטו הפסח והתקדשׁו והכינו לאחיכם לעשׂות כדבר יהוה ביד משׁה׃

Nehemiah 12:24-28

24 וראשׁי הלוים חשׁביה שׁרביה וישׁוע בן קדמיאל ואחיהם לנגדם להלל להודות במצות דויד אישׁ האלהים משׁמר לעמת משׁמר׃25 מתניה ובקבקיה עבדיה משׁלם טלמון עקוב שׁמרים שׁוערים משׁמר באספי השׁערים׃26 אלה בימי יויקים בן ישׁוע בן יוצדק ובימי נחמיה הפחה ועזרא הכהן הסופר׃27 ובחנכת חומת ירושׁלם בקשׁו את הלוים מכל מקומתם להביאם לירושׁלם לעשׂת חנכה ושׂמחה ובתודות ובשׁיר מצלתים נבלים ובכנרות׃28 ויאספו בני המשׁררים ומן הככר סביבות ירושׁלם ומן חצרי נטפתי׃

Nehemiah 13:22

22 ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃

Nehemiah 13:28

28 ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃

Lamentations 3:26

26 טוב ויחיל ודומם לתשׁועת יהוה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.