5 ואשׁלח את משׁה ואת אהרן ואגף את מצרים כאשׁר עשׂיתי בקרבו ואחר הוצאתי אתכם׃
Joshua 24:5 Cross References - HOT
Exodus 3:10
10 ועתה לכה ואשׁלחך אל פרעה והוצא את עמי בני ישׂראל ממצרים׃
Exodus 4:12-14
Exodus 7:1-12
1 ויאמר יהוה אל משׁה ראה נתתיך אלהים לפרעה ואהרן אחיך יהיה נביאך׃2 אתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו׃3 ואני אקשׁה את לב פרעה והרביתי את אתתי ואת מופתי בארץ מצרים׃4 ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃5 וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃6 ויעשׂ משׁה ואהרן כאשׁר צוה יהוה אתם כן עשׂו׃7 ומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה׃8 ויאמר יהוה אל משׁה ואל אהרן לאמר׃9 כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃10 ויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין׃11 ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃12 וישׁליכו אישׁ מטהו ויהיו לתנינם ויבלע מטה אהרן את מטתם׃
Exodus 12:37
37 ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃
Exodus 12:51
51 ויהי בעצם היום הזה הוציא יהוה את בני ישׂראל מארץ מצרים על צבאתם׃
Psalms 78:43-51
43 אשׁר שׂם במצרים אתותיו ומופתיו בשׂדה צען׃44 ויהפך לדם יאריהם ונזליהם בל ישׁתיון׃45 ישׁלח בהם ערב ויאכלם וצפרדע ותשׁחיתם׃46 ויתן לחסיל יבולם ויגיעם לארבה׃47 יהרג בברד גפנם ושׁקמותם בחנמל׃48 ויסגר לברד בעירם ומקניהם לרשׁפים׃49 ישׁלח בם חרון אפו עברה וזעם וצרה משׁלחת מלאכי רעים׃50 יפלס נתיב לאפו לא חשׂך ממות נפשׁם וחיתם לדבר הסגיר׃51 ויך כל בכור במצרים ראשׁית אונים באהלי חם׃
Psalms 105:26-36
26 שׁלח משׁה עבדו אהרן אשׁר בחר׃27 שׂמו בם דברי אתותיו ומפתים בארץ חם׃28 שׁלח חשׁך ויחשׁך ולא מרו את דברוו׃29 הפך את מימיהם לדם וימת את דגתם׃30 שׁרץ ארצם צפרדעים בחדרי מלכיהם׃31 אמר ויבא ערב כנים בכל גבולם׃32 נתן גשׁמיהם ברד אשׁ להבות בארצם׃33 ויך גפנם ותאנתם וישׁבר עץ גבולם׃34 אמר ויבא ארבה וילק ואין מספר׃35 ויאכל כל עשׂב בארצם ויאכל פרי אדמתם׃36 ויך כל בכור בארצם ראשׁית לכל אונם׃
Psalms 135:8-9
Psalms 136:10
10 למכה מצרים בבכוריהם כי לעולם חסדו׃