Joshua 11:1 Cross References - HOT

1 ויהי כשׁמע יבין מלך חצור וישׁלח אל יובב מלך מדון ואל מלך שׁמרון ואל מלך אכשׁף׃

Joshua 10:3-4

3 וישׁלח אדני צדק מלך ירושׁלם אל הוהם מלך חברון ואל פראם מלך ירמות ואל יפיע מלך לכישׁ ואל דביר מלך עגלון לאמר׃4 עלו אלי ועזרני ונכה את גבעון כי השׁלימה את יהושׁע ואת בני ישׂראל׃

Joshua 11:10

10 וישׁב יהושׁע בעת ההיא וילכד את חצור ואת מלכה הכה בחרב כי חצור לפנים היא ראשׁ כל הממלכות האלה׃

Joshua 12:19

19 מלך מדון אחד מלך חצור אחד׃

Joshua 19:36

36 ואדמה והרמה וחצור׃

Judges 4:2

2 וימכרם יהוה ביד יבין מלך כנען אשׁר מלך בחצור ושׂר צבאו סיסרא והוא יושׁב בחרשׁת הגוים׃

Judges 4:17

17 וסיסרא נס ברגליו אל אהל יעל אשׁת חבר הקיני כי שׁלום בין יבין מלך חצור ובין בית חבר הקיני׃

Psalms 2:1-4

1 למה רגשׁו גוים ולאמים יהגו ריק׃2 יתיצבו מלכי ארץ ורוזנים נוסדו יחד על יהוה ועל משׁיחו׃3 ננתקה את מוסרותימו ונשׁליכה ממנו עבתימו׃4 יושׁב בשׁמים ישׂחק אדני ילעג׃

Psalms 83:1-3

1 שׁיר מזמור לאסף׃ (83:2) אלהים אל דמי לך אל תחרשׁ ואל תשׁקט אל׃2 (83:3) כי הנה אויביך יהמיון ומשׂנאיך נשׂאו ראשׁ׃3 (83:4) על עמך יערימו סוד ויתיעצו על צפוניך׃

Isaiah 26:11

11 יהוה רמה ידך בל יחזיון יחזו ויבשׁו קנאת עם אף אשׁ צריך תאכלם׃

Isaiah 43:2

2 כי תעבר במים אתך אני ובנהרות לא ישׁטפוך כי תלך במו אשׁ לא תכוה ולהבה לא תבער׃

Isaiah 43:5-7

5 אל תירא כי אתך אני ממזרח אביא זרעך וממערב אקבצך׃6 אמר לצפון תני ולתימן אל תכלאי הביאי בני מרחוק ובנותי מקצה הארץ׃7 כל הנקרא בשׁמי ולכבודי בראתיו יצרתיו אף עשׂיתיו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.