Jonah 4:2 Cross References - HOT

² ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשׁישׁה כי ידעתי כי אתה אל חנון ורחום ארך אפים ורב חסד ונחם על הרעה׃

Exodus 32:14

¹⁴ וינחם יהוה על הרעה אשׁר דבר לעשׂות לעמו׃

Exodus 34:6-7

⁶ ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃⁷ נצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים׃

Numbers 14:18-19

¹⁸ יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃¹⁹ סלח נא לעון העם הזה כגדל חסדך וכאשׁר נשׂאתה לעם הזה ממצרים ועד הנה׃

1 Kings 19:4

⁴ והוא הלך במדבר דרך יום ויבא וישׁב תחת רתם אחת וישׁאל את נפשׁו למות ויאמר רב עתה יהוה קח נפשׁי כי לא טוב אנכי מאבתי׃

Psalms 78:38

³⁸ והוא רחום יכפר עון ולא ישׁחית והרבה להשׁיב אפו ולא יעיר כל חמתו׃

Psalms 86:5

⁵ כי אתה אדני טוב וסלח ורב חסד לכל קראיך׃

Psalms 86:15

¹⁵ ואתה אדני אל רחום וחנון ארך אפים ורב חסד ואמת׃

Psalms 90:13

¹³ שׁובה יהוה עד מתי והנחם על עבדיך׃

Psalms 145:8

⁸ חנון ורחום יהוה ארך אפים וגדל חסד׃

Jeremiah 18:8

⁸ ושׁב הגוי ההוא מרעתו אשׁר דברתי עליו ונחמתי על הרעה אשׁר חשׁבתי לעשׂות׃

Jeremiah 20:7

⁷ פתיתני יהוה ואפת חזקתני ותוכל הייתי לשׂחוק כל היום כלה לעג׃

Hosea 11:8-9

⁸ איך אתנך אפרים אמגנך ישׂראל איך אתנך כאדמה אשׂימך כצבאים נהפך עלי לבי יחד נכמרו נחומי׃⁹ לא אעשׂה חרון אפי לא אשׁוב לשׁחת אפרים כי אל אנכי ולא אישׁ בקרבך קדושׁ ולא אבוא בעיר׃

Joel 2:13-14

¹³ וקרעו לבבכם ואל בגדיכם ושׁובו אל יהוה אלהיכם כי חנון ורחום הוא ארך אפים ורב חסד ונחם על הרעה׃¹⁴ מי יודע ישׁוב ונחם והשׁאיר אחריו ברכה מנחה ונסך ליהוה אלהיכם׃

Amos 7:3

³ נחם יהוה על זאת לא תהיה אמר יהוה׃

Amos 7:6

⁶ נחם יהוה על זאת גם היא לא תהיה אמר אדני יהוה׃

Jonah 1:3

³ ויקם יונה לברח תרשׁישׁה מלפני יהוה וירד יפו וימצא אניה באה תרשׁישׁ ויתן שׂכרה וירד בה לבוא עמהם תרשׁישׁה מלפני יהוה׃

Jonah 3:10

¹⁰ וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃

Micah 7:18

¹⁸ מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃