Job 3:18 Cross References - HOT

18 יחד אסירים שׁאננו לא שׁמעו קול נגשׂ׃

Exodus 5:6-8

6 ויצו פרעה ביום ההוא את הנגשׂים בעם ואת שׁטריו לאמר׃7 לא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן׃8 ואת מתכנת הלבנים אשׁר הם עשׂים תמול שׁלשׁם תשׂימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו׃

Exodus 5:15-19

15 ויבאו שׁטרי בני ישׂראל ויצעקו אל פרעה לאמר למה תעשׂה כה לעבדיך׃16 תבן אין נתן לעבדיך ולבנים אמרים לנו עשׂו והנה עבדיך מכים וחטאת עמך׃17 ויאמר נרפים אתם נרפים על כן אתם אמרים נלכה נזבחה ליהוה׃18 ועתה לכו עבדו ותבן לא ינתן לכם ותכן לבנים תתנו׃19 ויראו שׁטרי בני ישׂראל אתם ברע לאמר לא תגרעו מלבניכם דבר יום ביומו׃

Judges 4:3

3 ויצעקו בני ישׂראל אל יהוה כי תשׁע מאות רכב ברזל לו והוא לחץ את בני ישׂראל בחזקה עשׂרים שׁנה׃

Job 39:7

7 ישׂחק להמון קריה תשׁאות נוגשׂ לא ישׁמע׃

Isaiah 14:3-4

3 והיה ביום הניח יהוה לך מעצבך ומרגזך ומן העבדה הקשׁה אשׁר עבד׃4 ונשׂאת המשׁל הזה על מלך בבל ואמרת איך שׁבת נגשׂ שׁבתה מדהבה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.