Job 29:13 Cross References - HOT

13 ברכת אבד עלי תבא ולב אלמנה ארנן׃

Deuteronomy 16:11

11 ושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם׃

Deuteronomy 24:13

13 השׁב תשׁיב לו את העבוט כבוא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך׃

Deuteronomy 26:5

5 וענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב׃

Nehemiah 8:10-12

10 ויאמר להם לכו אכלו משׁמנים ושׁתו ממתקים ושׁלחו מנות לאין נכון לו כי קדושׁ היום לאדנינו ואל תעצבו כי חדות יהוה היא מעזכם׃11 והלוים מחשׁים לכל העם לאמר הסו כי היום קדשׁ ואל תעצבו׃12 וילכו כל העם לאכל ולשׁתות ולשׁלח מנות ולעשׂות שׂמחה גדולה כי הבינו בדברים אשׁר הודיעו׃

Job 22:9

9 אלמנות שׁלחת ריקם וזרעות יתמים ידכא׃

Job 31:19-20

19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃

Psalms 67:4

4 (67:5) ישׂמחו וירננו לאמים כי תשׁפט עמים מישׁור ולאמים בארץ תנחם סלה׃

Proverbs 31:6-9

6 תנו שׁכר לאובד ויין למרי נפשׁ׃7 ישׁתה וישׁכח רישׁו ועמלו לא יזכר עוד׃8 פתח פיך לאלם אל דין כל בני חלוף׃9 פתח פיך שׁפט צדק ודין עני ואביון׃

Isaiah 27:13

13 והיה ביום ההוא יתקע בשׁופר גדול ובאו האבדים בארץ אשׁור והנדחים בארץ מצרים והשׁתחוו ליהוה בהר הקדשׁ בירושׁלם׃

Isaiah 65:14

14 הנה עבדי ירנו מטוב לב ואתם תצעקו מכאב לב ומשׁבר רוח תילילו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.