Job 21:7 Cross References - HOT

7 מדוע רשׁעים יחיו עתקו גם גברו חיל׃

Job 12:6

6 ישׁליו אהלים לשׁדדים ובטחות למרגיזי אל לאשׁר הביא אלוה בידו׃

Psalms 17:10

10 חלבמו סגרו פימו דברו בגאות׃

Psalms 37:35

35 ראיתי רשׁע עריץ ומתערה כאזרח רענן׃

Psalms 73:3-12

3 כי קנאתי בהוללים שׁלום רשׁעים אראה׃4 כי אין חרצבות למותם ובריא אולם׃5 בעמל אנושׁ אינמו ועם אדם לא ינגעו׃6 לכן ענקתמו גאוה יעטף שׁית חמס׃7 יצא מחלב עינמו עברו משׂכיות לבב׃8 ימיקו וידברו ברע עשׁק ממרום ידברו׃9 שׁתו בשׁמים פיהם ולשׁונם תהלך בארץ׃10 לכן ישׁיב עמו הלם ומי מלא ימצו׃11 ואמרו איכה ידע אל וישׁ דעה בעליון׃12 הנה אלה רשׁעים ושׁלוי עולם השׂגו חיל׃

Jeremiah 12:1-3

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃2 נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃3 ואתה יהוה ידעתני תראני ובחנת לבי אתך התקם כצאן לטבחה והקדשׁם ליום הרגה׃

Daniel 4:17

17 (4:14) בגזרת עירין פתגמא ומאמר קדישׁין שׁאלתא עד דברת די ינדעון חייא די שׁליט עליא במלכות אנושׁא ולמן די יצבא יתננה ושׁפל אנשׁים יקים עליה׃

Habakkuk 1:13

13 טהור עינים מראות רע והביט אל עמל לא תוכל למה תביט בוגדים תחרישׁ בבלע רשׁע צדיק ממנו׃

Habakkuk 1:15-16

15 כלה בחכה העלה יגרהו בחרמו ויאספהו במכמרתו על כן ישׂמח ויגיל׃16 על כן יזבח לחרמו ויקטר למכמרתו כי בהמה שׁמן חלקו ומאכלו בראה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.