Jeremiah 31:34 Cross References - HOT

34 ולא ילמדו עוד אישׁ את רעהו ואישׁ את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃

1 Samuel 2:12

12 ובני עלי בני בליעל לא ידעו את יהוה׃

1 Chronicles 28:9

9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃

Isaiah 11:9

9 לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃

Isaiah 30:26

26 והיה אור הלבנה כאור החמה ואור החמה יהיה שׁבעתים כאור שׁבעת הימים ביום חבשׁ יהוה את שׁבר עמו ומחץ מכתו ירפא׃

Isaiah 33:24

24 ובל יאמר שׁכן חליתי העם הישׁב בה נשׂא עון׃

Isaiah 43:25

25 אנכי אנכי הוא מחה פשׁעיך למעני וחטאתיך לא אזכר׃

Isaiah 44:22

22 מחיתי כעב פשׁעיך וכענן חטאותיך שׁובה אלי כי גאלתיך׃

Isaiah 54:13

13 וכל בניך למודי יהוה ורב שׁלום בניך׃

Isaiah 60:19-21

19 לא יהיה לך עוד השׁמשׁ לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃20 לא יבוא עוד שׁמשׁך וירחך לא יאסף כי יהוה יהיה לך לאור עולם ושׁלמו ימי אבלך׃21 ועמך כלם צדיקים לעולם יירשׁו ארץ נצר מטעו מעשׂה ידי להתפאר׃

Jeremiah 24:7

7 ונתתי להם לב לדעת אתי כי אני יהוה והיו לי לעם ואנכי אהיה להם לאלהים כי ישׁבו אלי בכל לבם׃

Jeremiah 33:8

8 וטהרתים מכל עונם אשׁר חטאו לי וסלחתי לכול עונותיהם אשׁר חטאו לי ואשׁר פשׁעו׃

Jeremiah 50:20

20 בימים ההם ובעת ההיא נאם יהוה יבקשׁ את עון ישׂראל ואיננו ואת חטאת יהודה ולא תמצאינה כי אסלח לאשׁר אשׁאיר׃

Micah 7:18

18 מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃

Habakkuk 2:14

14 כי תמלא הארץ לדעת את כבוד יהוה כמים יכסו על ים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.