Jeremiah 10:12 Cross References - HOT

12 עשׂה ארץ בכחו מכין תבל בחכמתו ובתבונתו נטה שׁמים׃

Genesis 1:1

1 בראשׁית ברא אלהים את השׁמים ואת הארץ׃

Genesis 1:6-9

6 ויאמר אלהים יהי רקיע בתוך המים ויהי מבדיל בין מים למים׃7 ויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן׃8 ויקרא אלהים לרקיע שׁמים ויהי ערב ויהי בקר יום שׁני׃9 ויאמר אלהים יקוו המים מתחת השׁמים אל מקום אחד ותראה היבשׁה ויהי כן׃

Job 9:8

8 נטה שׁמים לבדו ודורך על במתי ים׃

Job 26:7

7 נטה צפון על תהו תלה ארץ על בלי מה׃

Job 38:4-7

4 איפה היית ביסדי ארץ הגד אם ידעת בינה׃5 מי שׂם ממדיה כי תדע או מי נטה עליה קו׃6 על מה אדניה הטבעו או מי ירה אבן פנתה׃7 ברן יחד כוכבי בקר ויריעו כל בני אלהים׃

Psalms 24:2

2 כי הוא על ימים יסדה ועל נהרות יכוננה׃

Psalms 33:6

6 בדבר יהוה שׁמים נעשׂו וברוח פיו כל צבאם׃

Psalms 78:69

69 ויבן כמו רמים מקדשׁו כארץ יסדה לעולם׃

Psalms 93:1

1 יהוה מלך גאות לבשׁ לבשׁ יהוה עז התאזר אף תכון תבל בל תמוט׃

Psalms 104:2

2 עטה אור כשׂלמה נוטה שׁמים כיריעה׃

Psalms 104:24

24 מה רבו מעשׂיך יהוה כלם בחכמה עשׂית מלאה הארץ קנינך׃

Psalms 119:90

90 לדר ודר אמונתך כוננת ארץ ותעמד׃

Psalms 136:5-6

5 לעשׂה השׁמים בתבונה כי לעולם חסדו׃6 לרקע הארץ על המים כי לעולם חסדו׃

Psalms 146:5-6

5 אשׁרי שׁאל יעקב בעזרו שׂברו על יהוה אלהיו׃6 עשׂה שׁמים וארץ את הים ואת כל אשׁר בם השׁמר אמת לעולם׃

Psalms 148:4-5

4 הללוהו שׁמי השׁמים והמים אשׁר מעל השׁמים׃5 יהללו את שׁם יהוה כי הוא צוה ונבראו׃

Proverbs 3:19

19 יהוה בחכמה יסד ארץ כונן שׁמים בתבונה׃

Proverbs 30:4

4 מי עלה שׁמים וירד מי אסף רוח בחפניו מי צרר מים בשׂמלה מי הקים כל אפסי ארץ מה שׁמו ומה שׁם בנו כי תדע׃

Isaiah 40:22

22 הישׁב על חוג הארץ וישׁביה כחגבים הנוטה כדק שׁמים וימתחם כאהל לשׁבת׃

Isaiah 42:5

5 כה אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים׃

Isaiah 44:24

24 כה אמר יהוה גאלך ויצרך מבטן אנכי יהוה עשׂה כל נטה שׁמים לבדי רקע הארץ מי אתי׃

Isaiah 45:12

12 אנכי עשׂיתי ארץ ואדם עליה בראתי אני ידי נטו שׁמים וכל צבאם צויתי׃

Isaiah 45:18

18 כי כה אמר יהוה בורא השׁמים הוא האלהים יצר הארץ ועשׂה הוא כוננה לא תהו בראה לשׁבת יצרה אני יהוה ואין עוד׃

Isaiah 48:13

13 אף ידי יסדה ארץ וימיני טפחה שׁמים קרא אני אליהם יעמדו יחדו׃

Isaiah 49:8

8 כה אמר יהוה בעת רצון עניתיך וביום ישׁועה עזרתיך ואצרך ואתנך לברית עם להקים ארץ להנחיל נחלות שׁממות׃

Jeremiah 10:13

13 לקול תתו המון מים בשׁמים ויעלה נשׂאים מקצה ארץ ברקים למטר עשׂה ויוצא רוח מאצרתיו׃

Jeremiah 32:17

17 אהה אדני יהוה הנה אתה עשׂית את השׁמים ואת הארץ בכחך הגדול ובזרעך הנטויה לא יפלא ממך כל דבר׃

Jeremiah 51:15-19

15 עשׂה ארץ בכחו מכין תבל בחכמתו ובתבונתו נטה שׁמים׃16 לקול תתו המון מים בשׁמים ויעל נשׂאים מקצה ארץ ברקים למטר עשׂה ויצא רוח מאצרתיו׃17 נבער כל אדם מדעת הבישׁ כל צרף מפסל כי שׁקר נסכו ולא רוח׃18 הבל המה מעשׂה תעתעים בעת פקדתם יאבדו׃19 לא כאלה חלק יעקוב כי יוצר הכל הוא ושׁבט נחלתו יהוה צבאות שׁמו׃

Zechariah 12:1

1 משׂא דבר יהוה על ישׂראל נאם יהוה נטה שׁמים ויסד ארץ ויצר רוח אדם בקרבו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.