1 שׁמעו את הדבר אשׁר דבר יהוה עליכם בית ישׂראל׃2 כה אמר יהוה אל דרך הגוים אל תלמדו ומאתות השׁמים אל תחתו כי יחתו הגוים מהמה׃3 כי חקות העמים הבל הוא כי עץ מיער כרתו מעשׂה ידי חרשׁ במעצד׃4 בכסף ובזהב ייפהו במסמרות ובמקבות יחזקום ולוא יפיק׃5 כתמר מקשׁה המה ולא ידברו נשׂוא ינשׂוא כי לא יצעדו אל תיראו מהם כי לא ירעו וגם היטיב אין אותם׃6 מאין כמוך יהוה גדול אתה וגדול שׁמך בגבורה׃7 מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃8 ובאחת יבערו ויכסלו מוסר הבלים עץ הוא׃9 כסף מרקע מתרשׁישׁ יובא וזהב מאופז מעשׂה חרשׁ וידי צורף תכלת וארגמן לבושׁם מעשׂה חכמים כלם׃10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃11 כדנה תאמרון להום אלהיא די שׁמיא וארקא לא עבדו יאבדו מארעא ומן תחות שׁמיא אלה׃12 עשׂה ארץ בכחו מכין תבל בחכמתו ובתבונתו נטה שׁמים׃13 לקול תתו המון מים בשׁמים ויעלה נשׂאים מקצה ארץ ברקים למטר עשׂה ויוצא רוח מאצרתיו׃14 נבער כל אדם מדעת הבישׁ כל צורף מפסל כי שׁקר נסכו ולא רוח׃15 הבל המה מעשׂה תעתעים בעת פקדתם יאבדו׃16 לא כאלה חלק יעקב כי יוצר הכל הוא וישׂראל שׁבט נחלתו יהוה צבאות שׁמו׃17 אספי מארץ כנעתך ישׁבתי במצור׃18 כי כה אמר יהוה הנני קולע את יושׁבי הארץ בפעם הזאת והצרותי להם למען ימצאו׃19 אוי לי על שׁברי נחלה מכתי ואני אמרתי אך זה חלי ואשׂאנו׃20 אהלי שׁדד וכל מיתרי נתקו בני יצאני ואינם אין נטה עוד אהלי ומקים יריעותי׃21 כי נבערו הרעים ואת יהוה לא דרשׁו על כן לא השׂכילו וכל מרעיתם נפוצה׃22 קול שׁמועה הנה באה ורעשׁ גדול מארץ צפון לשׂום את ערי יהודה שׁממה מעון תנים׃23 ידעתי יהוה כי לא לאדם דרכו לא לאישׁ הלך והכין את צעדו׃24 יסרני יהוה אך במשׁפט אל באפך פן תמעטני׃25 שׁפך חמתך על הגוים אשׁר לא ידעוך ועל משׁפחות אשׁר בשׁמך לא קראו כי אכלו את יעקב ואכלהו ויכלהו ואת נוהו השׁמו׃
Jeremiah 10 Cross References - HOT
Genesis 1:1
1 בראשׁית ברא אלהים את השׁמים ואת הארץ׃
Genesis 1:6-9
Exodus 8:10
10 (8:6) ויאמר למחר ויאמר כדברך למען תדע כי אין כיהוה אלהינו׃
Exodus 9:14
14 כי בפעם הזאת אני שׁלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃
Exodus 9:23
23 ויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים׃
Exodus 15:11
11 מי כמכה באלם יהוה מי כמכה נאדר בקדשׁ נורא תהלת עשׂה פלא׃
Exodus 19:5
5 ועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ׃
Leviticus 18:3
3 כמעשׂה ארץ מצרים אשׁר ישׁבתם בה לא תעשׂו וכמעשׂה ארץ כנען אשׁר אני מביא אתכם שׁמה לא תעשׂו ובחקתיהם לא תלכו׃
Leviticus 18:30
30 ושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם׃
Leviticus 20:23
23 ולא תלכו בחקת הגוי אשׁר אני משׁלח מפניכם כי את כל אלה עשׂו ואקץ׃
Deuteronomy 5:26
26 כי מי כל בשׂר אשׁר שׁמע קול אלהים חיים מדבר מתוך האשׁ כמנו ויחי׃
Deuteronomy 12:30-31
Deuteronomy 28:63-64
Deuteronomy 32:4
4 הצור תמים פעלו כי כל דרכיו משׁפט אל אמונה ואין עול צדיק וישׁר הוא׃
Deuteronomy 32:9
9 כי חלק יהוה עמו יעקב חבל נחלתו׃
Deuteronomy 32:21
21 הם קנאוני בלא אל כעסוני בהבליהם ואני אקניאם בלא עם בגוי נבל אכעיסם׃
Deuteronomy 32:31
31 כי לא כצורנו צורם ואיבינו פלילים׃
Deuteronomy 33:26
26 אין כאל ישׁרון רכב שׁמים בעזרך ובגאותו שׁחקים׃
Judges 5:4
4 יהוה בצאתך משׂעיר בצעדך משׂדה אדום ארץ רעשׁה גם שׁמים נטפו גם עבים נטפו מים׃
1 Samuel 12:17-18
1 Samuel 12:21
21 ולא תסורו כי אחרי התהו אשׁר לא יועילו ולא יצילו כי תהו המה׃
1 Samuel 17:26
26 ויאמר דוד אל האנשׁים העמדים עמו לאמר מה יעשׂה לאישׁ אשׁר יכה את הפלשׁתי הלז והסיר חרפה מעל ישׂראל כי מי הפלשׁתי הערל הזה כי חרף מערכות אלהים חיים׃
1 Samuel 17:36
36 גם את הארי גם הדוב הכה עבדך והיה הפלשׁתי הערל הזה כאחד מהם כי חרף מערכת אלהים חיים׃
1 Samuel 25:29
29 ויקם אדם לרדפך ולבקשׁ את נפשׁך והיתה נפשׁ אדני צרורה בצרור החיים את יהוה אלהיך ואת נפשׁ איביך יקלענה בתוך כף הקלע׃
2 Samuel 7:22
22 על כן גדלת אדני יהוה כי אין כמוך ואין אלהים זולתך בכל אשׁר שׁמענו באזנינו׃
1 Kings 10:22
22 כי אני תרשׁישׁ למלך בים עם אני חירם אחת לשׁלשׁ שׁנים תבוא אני תרשׁישׁ נשׂאת זהב וכסף שׁנהבים וקפים ותכיים׃
1 Kings 18:26-28
26 ויקחו את הפר אשׁר נתן להם ויעשׂו ויקראו בשׁם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשׁר עשׂה׃27 ויהי בצהרים ויהתל בהם אליהו ויאמר קראו בקול גדול כי אלהים הוא כי שׂיח וכי שׂיג לו וכי דרך לו אולי ישׁן הוא ויקץ׃28 ויקראו בקול גדול ויתגדדו כמשׁפטם בחרבות וברמחים עד שׁפך דם עליהם׃
1 Kings 18:39
39 וירא כל העם ויפלו על פניהם ויאמרו יהוה הוא האלהים יהוה הוא האלהים׃
1 Kings 18:41
41 ויאמר אליהו לאחאב עלה אכל ושׁתה כי קול המון הגשׁם׃
1 Kings 18:45-46
1 Kings 22:19
19 ויאמר לכן שׁמע דבר יהוה ראיתי את יהוה ישׁב על כסאו וכל צבא השׁמים עמד עליו מימינו ומשׂמאלו׃
2 Chronicles 15:3
3 וימים רבים לישׂראל ללא אלהי אמת וללא כהן מורה וללא תורה׃
Nehemiah 4:14
14 (4:8) וארא ואקום ואמר אל החרים ואל הסגנים ואל יתר העם אל תיראו מפניהם את אדני הגדול והנורא זכרו והלחמו על אחיכם בניכם ובנתיכם נשׁיכם ובתיכם׃
Nehemiah 9:32
32 ועתה אלהינו האל הגדול הגבור והנורא שׁומר הברית והחסד אל ימעט לפניך את כל התלאה אשׁר מצאתנו למלכינו לשׂרינו ולכהנינו ולנביאנו ולאבתינו ולכל עמך מימי מלכי אשׁור עד היום הזה׃
Job 6:18
18 ילפתו ארחות דרכם יעלו בתהו ויאבדו׃
Job 7:8
8 לא תשׁורני עין ראי עיניך בי ואינני׃
Job 9:6
6 המרגיז ארץ ממקומה ועמודיה יתפלצון׃
Job 9:8
8 נטה שׁמים לבדו ודורך על במתי ים׃
Job 18:21
21 אך אלה משׁכנות עול וזה מקום לא ידע אל׃
Job 26:7
7 נטה צפון על תהו תלה ארץ על בלי מה׃
Job 36:27-33
Job 37:2-5
Job 37:23-24
Job 38:4-7
Job 38:22
22 הבאת אל אצרות שׁלג ואצרות ברד תראה׃
Job 38:25-27
Job 38:34-35
Psalms 6:1
1 למנצח בנגינות על השׁמינית מזמור לדוד׃ (6:2) יהוה אל באפך תוכיחני ואל בחמתך תיסרני׃
Psalms 10:16
16 יהוה מלך עולם ועד אבדו גוים מארצו׃
Psalms 14:2
2 יהוה משׁמים השׁקיף על בני אדם לראות הישׁ משׂכיל דרשׁ את אלהים׃
Psalms 14:4
4 הלא ידעו כל פעלי און אכלי עמי אכלו לחם יהוה לא קראו׃
Psalms 16:5-6
Psalms 17:5
5 תמך אשׁרי במעגלותיך בל נמוטו פעמי׃
Psalms 18:7
7 (18:8) ותגעשׁ ותרעשׁ הארץ ומוסדי הרים ירגזו ויתגעשׁו כי חרה׃
Psalms 18:13
13 (18:14) וירעם בשׁמים יהוה ועליון יתן קלו ברד וגחלי אשׁ׃
Psalms 22:28
28 (22:29) כי ליהוה המלוכה ומשׁל בגוים׃
Psalms 24:2
2 כי הוא על ימים יסדה ועל נהרות יכוננה׃
Psalms 27:2
2 בקרב עלי מרעים לאכל את בשׂרי צרי ואיבי לי המה כשׁלו ונפלו׃
Psalms 29:3-10
3 קול יהוה על המים אל הכבוד הרעים יהוה על מים רבים׃4 קול יהוה בכח קול יהוה בהדר׃5 קול יהוה שׁבר ארזים וישׁבר יהוה את ארזי הלבנון׃6 וירקידם כמו עגל לבנון ושׂרין כמו בן ראמים׃7 קול יהוה חצב להבות אשׁ׃8 קול יהוה יחיל מדבר יחיל יהוה מדבר קדשׁ׃9 קול יהוה יחולל אילות ויחשׂף יערות ובהיכלו כלו אמר כבוד׃10 יהוה למבול ישׁב וישׁב יהוה מלך לעולם׃
Psalms 31:5
5 (31:6) בידך אפקיד רוחי פדיתה אותי יהוה אל אמת׃
Psalms 33:6
6 בדבר יהוה שׁמים נעשׂו וברוח פיו כל צבאם׃
Psalms 35:10
10 כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃
Psalms 37:23
23 מיהוה מצעדי גבר כוננו ודרכו יחפץ׃
Psalms 38:1
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃
Psalms 39:9
9 (39:10) נאלמתי לא אפתח פי כי אתה עשׂית׃
Psalms 42:2
2 (42:3) צמאה נפשׁי לאלהים לאל חי מתי אבוא ואראה פני אלהים׃
Psalms 48:1
1 שׁיר מזמור לבני קרח׃ (48:2) גדול יהוה ומהלל מאד בעיר אלהינו הר קדשׁו׃
Psalms 50:7
7 שׁמעה עמי ואדברה ישׂראל ואעידה בך אלהים אלהיך אנכי׃
Psalms 68:11
11 (68:12) אדני יתן אמר המבשׂרות צבא רב׃
Psalms 68:33
33 (68:34) לרכב בשׁמי שׁמי קדם הן יתן בקולו קול עז׃
Psalms 72:11
11 וישׁתחוו לו כל מלכים כל גוים יעבדוהו׃
Psalms 73:26
26 כלה שׁארי ולבבי צור לבבי וחלקי אלהים לעולם׃
Psalms 74:2
2 זכר עדתך קנית קדם גאלת שׁבט נחלתך הר ציון זה שׁכנת׃
Psalms 76:7
7 (76:8) אתה נורא אתה ומי יעמד לפניך מאז אפך׃
Psalms 77:10
10 (77:11) ואמר חלותי היא שׁנות ימין עליון׃
Psalms 77:18
18 (77:19) קול רעמך בגלגל האירו ברקים תבל רגזה ותרעשׁ הארץ׃
Psalms 78:69
69 ויבן כמו רמים מקדשׁו כארץ יסדה לעולם׃
Psalms 79:6-7
Psalms 84:2
2 (84:3) נכספה וגם כלתה נפשׁי לחצרות יהוה לבי ובשׂרי ירננו אל אל חי׃
Psalms 86:8-10
Psalms 86:9
Psalms 89:6-8
6 (89:7) כי מי בשׁחק יערך ליהוה ידמה ליהוה בבני אלים׃
Psalms 89:6
Psalms 90:11
11 מי יודע עז אפך וכיראתך עברתך׃
Psalms 92:6
6 (92:7) אישׁ בער לא ידע וכסיל לא יבין את זאת׃
Psalms 93:1
Psalms 94:8
8 בינו בערים בעם וכסילים מתי תשׂכילו׃
Psalms 96:4
Psalms 97:4
4 האירו ברקיו תבל ראתה ותחל הארץ׃
Psalms 97:7
7 יבשׁו כל עבדי פסל המתהללים באלילים השׁתחוו לו כל אלהים׃
Psalms 100:5
5 כי טוב יהוה לעולם חסדו ועד דר ודר אמונתו׃
Psalms 104:2
2 עטה אור כשׂלמה נוטה שׁמים כיריעה׃
Psalms 104:24
24 מה רבו מעשׂיך יהוה כלם בחכמה עשׂית מלאה הארץ קנינך׃
Psalms 104:32
32 המביט לארץ ותרעד יגע בהרים ויעשׁנו׃
Psalms 114:7
7 מלפני אדון חולי ארץ מלפני אלוה יעקב׃
Psalms 115:4
4 עצביהם כסף וזהב מעשׂה ידי אדם׃
Psalms 115:4-8
Psalms 115:8
8 כמוהם יהיו עשׂיהם כל אשׁר בטח׃
Psalms 119:57
57 חלקי יהוה אמרתי לשׁמר דבריך׃
Psalms 119:90
90 לדר ודר אמונתך כוננת ארץ ותעמד׃
Psalms 119:116-117
Psalms 135:4
4 כי יעקב בחר לו יה ישׂראל לסגלתו׃
Psalms 135:7
7 מעלה נשׂאים מקצה הארץ ברקים למטר עשׂה מוצא רוח מאוצרותיו׃
Psalms 135:15
Psalms 135:17
Psalms 135:18
18 כמוהם יהיו עשׂיהם כל אשׁר בטח׃
Psalms 136:5-6
Psalms 142:5
5 (142:6) זעקתי אליך יהוה אמרתי אתה מחסי חלקי בארץ החיים׃
Psalms 145:3
3 גדול יהוה ומהלל מאד ולגדלתו אין חקר׃
Psalms 145:13
13 מלכותך מלכות כל עלמים וממשׁלתך בכל דור ודור׃
Psalms 146:5-6
Psalms 146:6-6
6 עשׂה שׁמים וארץ את הים ואת כל אשׁר בם השׁמר אמת לעולם׃
Psalms 147:5
5 גדול אדונינו ורב כח לתבונתו אין מספר׃
Psalms 147:8
8 המכסה שׁמים בעבים המכין לארץ מטר המצמיח הרים חציר׃
Psalms 148:4-5
Proverbs 3:19
19 יהוה בחכמה יסד ארץ כונן שׁמים בתבונה׃
Proverbs 12:7
7 הפוך רשׁעים ואינם ובית צדיקים יעמד׃
Proverbs 16:1
1 לאדם מערכי לב ומיהוה מענה לשׁון׃
Proverbs 16:4
4 כל פעל יהוה למענהו וגם רשׁע ליום רעה׃
Proverbs 20:24
24 מיהוה מצעדי גבר ואדם מה יבין דרכו׃
Proverbs 30:2
2 כי בער אנכי מאישׁ ולא בינת אדם׃
Proverbs 30:4
4 מי עלה שׁמים וירד מי אסף רוח בחפניו מי צרר מים בשׂמלה מי הקים כל אפסי ארץ מה שׁמו ומה שׁם בנו כי תדע׃
Isaiah 1:10
10 שׁמעו דבר יהוה קציני סדם האזינו תורת אלהינו עם עמרה׃
Isaiah 2:4
4 ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃
Isaiah 2:18
18 והאלילים כליל יחלף׃
Isaiah 2:18-21
Isaiah 8:17
17 וחכיתי ליהוה המסתיר פניו מבית יעקב וקויתי׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 28:14
14 לכן שׁמעו דבר יהוה אנשׁי לצון משׁלי העם הזה אשׁר בירושׁלם׃
Isaiah 37:4
4 אולי ישׁמע יהוה אלהיך את דברי רב שׁקה אשׁר שׁלחו מלך אשׁור אדניו לחרף אלהים חי והוכיח בדברים אשׁר שׁמע יהוה אלהיך ונשׂאת תפלה בעד השׁארית הנמצאה׃
Isaiah 37:17
17 הטה יהוה אזנך ושׁמע פקח יהוה עינך וראה ושׁמע את כל דברי סנחריב אשׁר שׁלח לחרף אלהים חי׃
Isaiah 40:18
Isaiah 40:19-20
19 הפסל נסך חרשׁ וצרף בזהב ירקענו ורתקות כסף צורף׃
Isaiah 40:19
Isaiah 40:20-20
Isaiah 40:22
Isaiah 40:23
Isaiah 40:25
25 ואל מי תדמיוני ואשׁוה יאמר קדושׁ׃26 שׂאו מרום עיניכם וראו מי ברא אלה המוציא במספר צבאם לכלם בשׁם יקרא מרב אונים ואמיץ כח אישׁ לא נעדר׃27 למה תאמר יעקב ותדבר ישׂראל נסתרה דרכי מיהוה ומאלהי משׁפטי יעבור׃28 הלוא ידעת אם לא שׁמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃29 נתן ליעף כח ולאין אונים עצמה ירבה׃30 ויעפו נערים ויגעו ובחורים כשׁול יכשׁלו׃31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃
Isaiah 41:6-7
Isaiah 41:11-12
Isaiah 41:23-24
Isaiah 41:24
24 הן אתם מאין ופעלכם מאפע תועבה יבחר׃
Isaiah 41:29
29 הן כלם און אפס מעשׂיהם רוח ותהו נסכיהם׃
Isaiah 42:5
5 כה אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים׃
Isaiah 42:17
17 נסגו אחור יבשׁו בשׁת הבטחים בפסל האמרים למסכה אתם אלהינו׃
Isaiah 43:22
22 ולא אתי קראת יעקב כי יגעת בי ישׂראל׃
Isaiah 44:9-20
9 יצרי פסל כלם תהו וחמודיהם בל יועילו ועדיהם המה בל יראו ובל ידעו למען יבשׁו׃
Isaiah 44:9-10
Isaiah 44:10-10
Isaiah 44:11
Isaiah 44:12
12 חרשׁ ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שׁתה מים וייעף׃13 חרשׁ עצים נטה קו יתארהו בשׂרד יעשׂהו במקצעות ובמחוגה יתארהו ויעשׂהו כתבנית אישׁ כתפארת אדם לשׁבת בית׃14 לכרת לו ארזים ויקח תרזה ואלון ויאמץ לו בעצי יער נטע ארן וגשׁם יגדל׃15 והיה לאדם לבער ויקח מהם ויחם אף ישׂיק ואפה לחם אף יפעל אל וישׁתחו עשׂהו פסל ויסגד׃16 חציו שׂרף במו אשׁ על חציו בשׂר יאכל יצלה צלי וישׂבע אף יחם ויאמר האח חמותי ראיתי אור׃17 ושׁאריתו לאל עשׂה לפסלו יסגוד לו וישׁתחו ויתפלל אליו ויאמר הצילני כי אלי אתה׃18 לא ידעו ולא יבינו כי טח מראות עיניהם מהשׂכיל לבתם׃19 ולא ישׁיב אל לבו ולא דעת ולא תבונה לאמר חציו שׂרפתי במו אשׁ ואף אפיתי על גחליו לחם אצלה בשׂר ואכל ויתרו לתועבה אעשׂה לבול עץ אסגוד׃
Isaiah 44:19
Isaiah 44:24
24 כה אמר יהוה גאלך ויצרך מבטן אנכי יהוה עשׂה כל נטה שׁמים לבדי רקע הארץ מי אתי׃
Isaiah 45:7
7 יוצר אור ובורא חשׁך עשׂה שׁלום ובורא רע אני יהוה עשׂה כל אלה׃
Isaiah 45:12
12 אנכי עשׂיתי ארץ ואדם עליה בראתי אני ידי נטו שׁמים וכל צבאם צויתי׃
Isaiah 45:16
16 בושׁו וגם נכלמו כלם יחדו הלכו בכלמה חרשׁי צירים׃
Isaiah 45:18
18 כי כה אמר יהוה בורא השׁמים הוא האלהים יצר הארץ ועשׂה הוא כוננה לא תהו בראה לשׁבת יצרה אני יהוה ואין עוד׃
Isaiah 45:20
20 הקבצו ובאו התנגשׁו יחדו פליטי הגוים לא ידעו הנשׂאים את עץ פסלם ומתפללים אל אל לא יושׁיע׃
Isaiah 46:1
1 כרע בל קרס נבו היו עצביהם לחיה ולבהמה נשׂאתיכם עמוסות משׂא לעיפה׃
Isaiah 46:5
5 למי תדמיוני ותשׁוו ותמשׁלוני ונדמה׃
Isaiah 46:7
7 ישׂאהו על כתף יסבלהו ויניחהו תחתיו ויעמד ממקומו לא ימישׁ אף יצעק אליו ולא יענה מצרתו לא יושׁיענו׃
Isaiah 46:7-8
Isaiah 47:4
4 גאלנו יהוה צבאות שׁמו קדושׁ ישׂראל׃
Isaiah 47:6
6 קצפתי על עמי חללתי נחלתי ואתנם בידך לא שׂמת להם רחמים על זקן הכבדת עלך מאד׃
Isaiah 47:12-14
Isaiah 48:13
13 אף ידי יסדה ארץ וימיני טפחה שׁמים קרא אני אליהם יעמדו יחדו׃
Isaiah 49:8
8 כה אמר יהוה בעת רצון עניתיך וביום ישׁועה עזרתיך ואצרך ואתנך לברית עם להקים ארץ להנחיל נחלות שׁממות׃
Isaiah 49:20-22
Isaiah 51:15
Isaiah 54:2
2 הרחיבי מקום אהלך ויריעות משׁכנותיך יטו אל תחשׂכי האריכי מיתריך ויתדתיך חזקי׃
Isaiah 54:5
5 כי בעליך עשׂיך יהוה צבאות שׁמו וגאלך קדושׁ ישׂראל אלהי כל הארץ יקרא׃
Isaiah 56:10-12
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Isaiah 64:7
7 (64:6) ואין קורא בשׁמך מתעורר להחזיק בך כי הסתרת פניך ממנו ותמוגנו ביד עוננו׃
Jeremiah 1:15
15 כי הנני קרא לכל משׁפחות ממלכות צפונה נאם יהוה ובאו ונתנו אישׁ כסאו פתח שׁערי ירושׁלם ועל כל חומתיה סביב ועל כל ערי יהודה׃
Jeremiah 2:4
Jeremiah 2:8
8 הכהנים לא אמרו איה יהוה ותפשׂי התורה לא ידעוני והרעים פשׁעו בי והנביאים נבאו בבעל ואחרי לא יועלו הלכו׃
Jeremiah 2:27
27 אמרים לעץ אבי אתה ולאבן את ילדתני כי פנו אלי ערף ולא פנים ובעת רעתם יאמרו קומה והושׁיענו׃
Jeremiah 4:6
6 שׂאו נס ציונה העיזו אל תעמדו כי רעה אנכי מביא מצפון ושׁבר גדול׃
Jeremiah 4:19
Jeremiah 4:22
22 כי אויל עמי אותי לא ידעו בנים סכלים המה ולא נבונים המה חכמים המה להרע ולהיטיב לא ידעו׃
Jeremiah 4:31
31 כי קול כחולה שׁמעתי צרה כמבכירה קול בת ציון תתיפח תפרשׂ כפיה אוי נא לי כי עיפה נפשׁי להרגים׃
Jeremiah 5:15
15 הנני מביא עליכם גוי ממרחק בית ישׂראל נאם יהוה גוי איתן הוא גוי מעולם הוא גוי לא תדע לשׁנו ולא תשׁמע מה ידבר׃
Jeremiah 5:22
22 האותי לא תיראו נאם יהוה אם מפני לא תחילו אשׁר שׂמתי חול גבול לים חק עולם ולא יעברנהו ויתגעשׁו ולא יוכלו והמו גליו ולא יעברנהו׃
Jeremiah 5:31
31 הנביאים נבאו בשׁקר והכהנים ירדו על ידיהם ועמי אהבו כן ומה תעשׂו לאחריתה׃
Jeremiah 6:1
1 העזו בני בנימן מקרב ירושׁלם ובתקוע תקעו שׁופר ועל בית הכרם שׂאו משׂאת כי רעה נשׁקפה מצפון ושׁבר גדול׃
Jeremiah 6:22
22 כה אמר יהוה הנה עם בא מארץ צפון וגוי גדול יעור מירכתי ארץ׃
Jeremiah 8:9
9 הבישׁו חכמים חתו וילכדו הנה בדבר יהוה מאסו וחכמת מה׃
Jeremiah 8:12
12 הבשׁו כי תועבה עשׂו גם בושׁ לא יבשׁו והכלם לא ידעו לכן יפלו בנפלים בעת פקדתם יכשׁלו אמר יהוה׃
Jeremiah 8:16
16 מדן נשׁמע נחרת סוסיו מקול מצהלות אביריו רעשׁה כל הארץ ויבואו ויאכלו ארץ ומלואה עיר וישׁבי׃
Jeremiah 8:19
19 הנה קול שׁועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר׃
Jeremiah 8:21
21 על שׁבר בת עמי השׁברתי קדרתי שׁמה החזקתני׃
Jeremiah 9:1
1 (8:23) מי יתן ראשׁי מים ועיני מקור דמעה ואבכה יומם ולילה את חללי בת עמי׃
Jeremiah 9:11
11 (9:10) ונתתי את ירושׁלם לגלים מעון תנים ואת ערי יהודה אתן שׁממה מבלי יושׁב׃
Jeremiah 10:6
6 מאין כמוך יהוה גדול אתה וגדול שׁמך בגבורה׃
Jeremiah 10:8
8 ובאחת יבערו ויכסלו מוסר הבלים עץ הוא׃
Jeremiah 10:11
11 כדנה תאמרון להום אלהיא די שׁמיא וארקא לא עבדו יאבדו מארעא ומן תחות שׁמיא אלה׃12 עשׂה ארץ בכחו מכין תבל בחכמתו ובתבונתו נטה שׁמים׃13 לקול תתו המון מים בשׁמים ויעלה נשׂאים מקצה ארץ ברקים למטר עשׂה ויוצא רוח מאצרתיו׃14 נבער כל אדם מדעת הבישׁ כל צורף מפסל כי שׁקר נסכו ולא רוח׃15 הבל המה מעשׂה תעתעים בעת פקדתם יאבדו׃
Jeremiah 12:10
10 רעים רבים שׁחתו כרמי בססו את חלקתי נתנו את חלקת חמדתי למדבר שׁממה׃
Jeremiah 13:15-17
Jeremiah 14:17
17 ואמרת אליהם את הדבר הזה תרדנה עיני דמעה לילה ויומם ואל תדמינה כי שׁבר גדול נשׁברה בתולת בת עמי מכה נחלה מאד׃
Jeremiah 14:22
22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃
Jeremiah 15:1-2
Jeremiah 16:13
13 והטלתי אתכם מעל הארץ הזאת על הארץ אשׁר לא ידעתם אתם ואבותיכם ועבדתם שׁם את אלהים אחרים יומם ולילה אשׁר לא אתן לכם חנינה׃
Jeremiah 17:13
13 מקוה ישׂראל יהוה כל עזביך יבשׁו יסורי בארץ יכתבו כי עזבו מקור מים חיים את יהוה׃
Jeremiah 21:13
13 הנני אליך ישׁבת העמק צור המישׁר נאם יהוה האמרים מי יחת עלינו ומי יבוא במעונותינו׃
Jeremiah 22:2
2 ואמרת שׁמע דבר יהוה מלך יהודה הישׁב על כסא דוד אתה ועבדיך ועמך הבאים בשׁערים האלה׃
Jeremiah 23:1-2
Jeremiah 23:9-32
9 לנבאים נשׁבר לבי בקרבי רחפו כל עצמותי הייתי כאישׁ שׁכור וכגבר עברו יין מפני יהוה ומפני דברי קדשׁו׃10 כי מנאפים מלאה הארץ כי מפני אלה אבלה הארץ יבשׁו נאות מדבר ותהי מרוצתם רעה וגבורתם לא כן׃11 כי גם נביא גם כהן חנפו גם בביתי מצאתי רעתם נאם יהוה׃12 לכן יהיה דרכם להם כחלקלקות באפלה ידחו ונפלו בה כי אביא עליהם רעה שׁנת פקדתם נאם יהוה׃13 ובנביאי שׁמרון ראיתי תפלה הנבאו בבעל ויתעו את עמי את ישׂראל׃14 ובנבאי ירושׁלם ראיתי שׁערורה נאוף והלך בשׁקר וחזקו ידי מרעים לבלתי שׁבו אישׁ מרעתו היו לי כלם כסדם וישׁביה כעמרה׃15 לכן כה אמר יהוה צבאות על הנבאים הנני מאכיל אותם לענה והשׁקתים מי ראשׁ כי מאת נביאי ירושׁלם יצאה חנפה לכל הארץ׃16 כה אמר יהוה צבאות אל תשׁמעו על דברי הנבאים הנבאים לכם מהבלים המה אתכם חזון לבם ידברו לא מפי יהוה׃17 אמרים אמור למנאצי דבר יהוה שׁלום יהיה לכם וכל הלך בשׁררות לבו אמרו לא תבוא עליכם רעה׃18 כי מי עמד בסוד יהוה וירא וישׁמע את דברו מי הקשׁיב דברי וישׁמע׃19 הנה סערת יהוה חמה יצאה וסער מתחולל על ראשׁ רשׁעים יחול׃20 לא ישׁוב אף יהוה עד עשׂתו ועד הקימו מזמות לבו באחרית הימים תתבוננו בה בינה׃
Jeremiah 23:20-32
20 לא ישׁוב אף יהוה עד עשׂתו ועד הקימו מזמות לבו באחרית הימים תתבוננו בה בינה׃21 לא שׁלחתי את הנבאים והם רצו לא דברתי אליהם והם נבאו׃22 ואם עמדו בסודי וישׁמעו דברי את עמי וישׁבום מדרכם הרע ומרע מעלליהם׃23 האלהי מקרב אני נאם יהוה ולא אלהי מרחק׃24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃25 שׁמעתי את אשׁר אמרו הנבאים הנבאים בשׁמי שׁקר לאמר חלמתי חלמתי׃26 עד מתי הישׁ בלב הנבאים נבאי השׁקר ונביאי תרמת לבם׃27 החשׁבים להשׁכיח את עמי שׁמי בחלומתם אשׁר יספרו אישׁ לרעהו כאשׁר שׁכחו אבותם את שׁמי בבעל׃28 הנביא אשׁר אתו חלום יספר חלום ואשׁר דברי אתו ידבר דברי אמת מה לתבן את הבר נאם יהוה׃29 הלוא כה דברי כאשׁ נאם יהוה וכפטישׁ יפצץ סלע׃30 לכן הנני על הנבאים נאם יהוה מגנבי דברי אישׁ מאת רעהו׃31 הנני על הנביאם נאם יהוה הלקחים לשׁונם וינאמו נאם׃32 הנני על נבאי חלמות שׁקר נאם יהוה ויספרום ויתעו את עמי בשׁקריהם ובפחזותם ואנכי לא שׁלחתים ולא צויתים והועיל לא יועילו לעם הזה נאם יהוה׃
Jeremiah 23:36
36 ומשׂא יהוה לא תזכרו עוד כי המשׂא יהיה לאישׁ דברו והפכתם את דברי אלהים חיים יהוה צבאות אלהינו׃
Jeremiah 30:11
11 כי אתך אני נאם יהוה להושׁיעך כי אעשׂה כלה בכל הגוים אשׁר הפצותיך שׁם אך אתך לא אעשׂה כלה ויסרתיך למשׁפט ונקה לא אנקך׃
Jeremiah 31:15
15 כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃
Jeremiah 31:35
35 כה אמר יהוה נתן שׁמשׁ לאור יומם חקת ירח וכוכבים לאור לילה רגע הים ויהמו גליו יהוה צבאות שׁמו׃
Jeremiah 32:17
Jeremiah 42:15
15 ועתה לכן שׁמעו דבר יהוה שׁארית יהודה כה אמר יהוה צבאות אלהי ישׂראל אם אתם שׂום תשׂמון פניכם לבא מצרים ובאתם לגור שׁם׃
Jeremiah 49:32
32 והיו גמליהם לבז והמון מקניהם לשׁלל וזרתים לכל רוח קצוצי פאה ומכל עבריו אביא את אידם נאם יהוה׃
Jeremiah 50:7
7 כל מוצאיהם אכלום וצריהם אמרו לא נאשׁם תחת אשׁר חטאו ליהוה נוה צדק ומקוה אבותיהם יהוה׃
Jeremiah 50:17
17 שׂה פזורה ישׂראל אריות הדיחו הראשׁון אכלו מלך אשׁור וזה האחרון עצמו נבוכדראצר מלך בבל׃
Jeremiah 50:34
34 גאלם חזק יהוה צבאות שׁמו ריב יריב את ריבם למען הרגיע את הארץ והרגיז לישׁבי בבל׃
Jeremiah 51:15-19
Jeremiah 51:17-19
Jeremiah 51:18
18 הבל המה מעשׂה תעתעים בעת פקדתם יאבדו׃
Jeremiah 51:18-19
Jeremiah 51:19
19 לא כאלה חלק יעקוב כי יוצר הכל הוא ושׁבט נחלתו יהוה צבאות שׁמו׃
Jeremiah 51:34-35
Lamentations 1:2
2 בכו תבכה בלילה ודמעתה על לחיה אין לה מנחם מכל אהביה כל רעיה בגדו בה היו לה לאיבים׃
Lamentations 1:5
5 היו צריה לראשׁ איביה שׁלו כי יהוה הוגה על רב פשׁעיה עולליה הלכו שׁבי לפני צר׃
Lamentations 1:12-22
12 לוא אליכם כל עברי דרך הביטו וראו אם ישׁ מכאוב כמכאבי אשׁר עולל לי אשׁר הוגה יהוה ביום חרון אפו׃13 ממרום שׁלח אשׁ בעצמתי וירדנה פרשׂ רשׁת לרגלי השׁיבני אחור נתנני שׁממה כל היום דוה׃14 נשׂקד על פשׁעי בידו ישׂתרגו עלו על צוארי הכשׁיל כחי נתנני אדני בידי לא אוכל קום׃15 סלה כל אבירי אדני בקרבי קרא עלי מועד לשׁבר בחורי גת דרך אדני לבתולת בת יהודה׃16 על אלה אני בוכיה עיני עיני ירדה מים כי רחק ממני מנחם משׁיב נפשׁי היו בני שׁוממים כי גבר אויב׃17 פרשׂה ציון בידיה אין מנחם לה צוה יהוה ליעקב סביביו צריו היתה ירושׁלם לנדה ביניהם׃18 צדיק הוא יהוה כי פיהו מריתי שׁמעו נא כל עמים וראו מכאבי בתולתי ובחורי הלכו בשׁבי׃19 קראתי למאהבי המה רמוני כהני וזקני בעיר גועו כי בקשׁו אכל למו וישׁיבו את נפשׁם׃20 ראה יהוה כי צר לי מעי חמרמרו נהפך לבי בקרבי כי מרו מריתי מחוץ שׁכלה חרב בבית כמות׃21 שׁמעו כי נאנחה אני אין מנחם לי כל איבי שׁמעו רעתי שׂשׂו כי אתה עשׂית הבאת יום קראת ויהיו כמוני׃22 תבא כל רעתם לפניך ועולל למו כאשׁר עוללת לי על כל פשׁעי כי רבות אנחתי ולבי דוי׃
Lamentations 2:4-6
Lamentations 2:11-22
11 כלו בדמעות עיני חמרמרו מעי נשׁפך לארץ כבדי על שׁבר בת עמי בעטף עולל ויונק ברחבות קריה׃12 לאמתם יאמרו איה דגן ויין בהתעטפם כחלל ברחבות עיר בהשׁתפך נפשׁם אל חיק אמתם׃13 מה אעידך מה אדמה לך הבת ירושׁלם מה אשׁוה לך ואנחמך בתולת בת ציון כי גדול כים שׁברך מי ירפא׃14 נביאיך חזו לך שׁוא ותפל ולא גלו על עונך להשׁיב שׁביתך ויחזו לך משׂאות שׁוא ומדוחים׃15 ספקו עליך כפים כל עברי דרך שׁרקו וינעו ראשׁם על בת ירושׁלם הזאת העיר שׁיאמרו כלילת יפי משׂושׂ לכל הארץ׃16 פצו עליך פיהם כל אויביך שׁרקו ויחרקו שׁן אמרו בלענו אך זה היום שׁקוינהו מצאנו ראינו׃17 עשׂה יהוה אשׁר זמם בצע אמרתו אשׁר צוה מימי קדם הרס ולא חמל וישׂמח עליך אויב הרים קרן צריך׃18 צעק לבם אל אדני חומת בת ציון הורידי כנחל דמעה יומם ולילה אל תתני פוגת לך אל תדם בת עינך׃19 קומי רני בליל לראשׁ אשׁמרות שׁפכי כמים לבך נכח פני אדני שׂאי אליו כפיך על נפשׁ עולליך העטופים ברעב בראשׁ כל חוצות׃20 ראה יהוה והביטה למי עוללת כה אם תאכלנה נשׁים פרים עללי טפחים אם יהרג במקדשׁ אדני כהן ונביא׃21 שׁכבו לארץ חוצות נער וזקן בתולתי ובחורי נפלו בחרב הרגת ביום אפך טבחת לא חמלת׃22 תקרא כיום מועד מגורי מסביב ולא היה ביום אף יהוה פליט ושׂריד אשׁר טפחתי ורביתי איבי כלם׃
Lamentations 2:22
22 תקרא כיום מועד מגורי מסביב ולא היה ביום אף יהוה פליט ושׂריד אשׁר טפחתי ורביתי איבי כלם׃
Lamentations 3:18-21
Lamentations 3:24
24 חלקי יהוה אמרה נפשׁי על כן אוחיל׃
Lamentations 3:39-40
Lamentations 3:48
48 פלגי מים תרד עיני על שׁבר בת עמי׃
Lamentations 3:66
66 תרדף באף ותשׁמידם מתחת שׁמי יהוה׃
Ezekiel 6:10
10 וידעו כי אני יהוה לא אל חנם דברתי לעשׂות להם הרעה הזאת׃
Ezekiel 12:3-12
3 ואתה בן אדם עשׂה לך כלי גולה וגלה יומם לעיניהם וגלית ממקומך אל מקום אחר לעיניהם אולי יראו כי בית מרי המה׃4 והוצאת כליך ככלי גולה יומם לעיניהם ואתה תצא בערב לעיניהם כמוצאי גולה׃5 לעיניהם חתר לך בקיר והוצאת׃6 לעיניהם על כתף תשׂא בעלטה תוציא פניך תכסה ולא תראה את הארץ כי מופת נתתיך לבית ישׂראל׃7 ואעשׂ כן כאשׁר צויתי כלי הוצאתי ככלי גולה יומם ובערב חתרתי לי בקיר ביד בעלטה הוצאתי על כתף נשׂאתי לעיניהם׃8 ויהי דבר יהוה אלי בבקר לאמר׃9 בן אדם הלא אמרו אליך בית ישׂראל בית המרי מה אתה עשׂה׃10 אמר אליהם כה אמר אדני יהוה הנשׂיא המשׂא הזה בירושׁלם וכל בית ישׂראל אשׁר המה בתוכם׃11 אמר אני מופתכם כאשׁר עשׂיתי כן יעשׂה להם בגולה בשׁבי ילכו׃12 והנשׂיא אשׁר בתוכם אל כתף ישׂא בעלטה ויצא בקיר יחתרו להוציא בו פניו יכסה יען אשׁר לא יראה לעין הוא את הארץ׃
Ezekiel 20:32
32 והעלה על רוחכם היו לא תהיה אשׁר אתם אמרים נהיה כגוים כמשׁפחות הארצות לשׁרת עץ ואבן׃
Ezekiel 22:25-30
25 קשׁר נביאיה בתוכה כארי שׁואג טרף טרף נפשׁ אכלו חסן ויקר יקחו אלמנותיה הרבו בתוכה׃26 כהניה חמסו תורתי ויחללו קדשׁי בין קדשׁ לחל לא הבדילו ובין הטמא לטהור לא הודיעו ומשׁבתותי העלימו עיניהם ואחל בתוכם׃27 שׂריה בקרבה כזאבים טרפי טרף לשׁפך דם לאבד נפשׁות למען בצע בצע׃28 ונביאיה טחו להם תפל חזים שׁוא וקסמים להם כזב אמרים כה אמר אדני יהוה ויהוה לא דבר׃29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃30 ואבקשׁ מהם אישׁ גדר גדר ועמד בפרץ לפני בעד הארץ לבלתי שׁחתה ולא מצאתי׃
Ezekiel 25:6-8
Ezekiel 27:12
12 תרשׁישׁ סחרתך מרב כל הון בכסף ברזל בדיל ועופרת נתנו עזבוניך׃
Ezekiel 34:2-10
2 בן אדם הנבא על רועי ישׂראל הנבא ואמרת אליהם לרעים כה אמר אדני יהוה הוי רעי ישׂראל אשׁר היו רעים אותם הלוא הצאן ירעו הרעים׃3 את החלב תאכלו ואת הצמר תלבשׁו הבריאה תזבחו הצאן לא תרעו׃4 את הנחלות לא חזקתם ואת החולה לא רפאתם ולנשׁברת לא חבשׁתם ואת הנדחת לא השׁבתם ואת האבדת לא בקשׁתם ובחזקה רדיתם אתם ובפרך׃5 ותפוצינה מבלי רעה ותהיינה לאכלה לכל חית השׂדה ותפוצינה׃6 ישׁגו צאני בכל ההרים ועל כל גבעה רמה ועל כל פני הארץ נפצו צאני ואין דורשׁ ואין מבקשׁ׃7 לכן רעים שׁמעו את דבר יהוה׃8 חי אני נאם אדני יהוה אם לא יען היות צאני לבז ותהיינה צאני לאכלה לכל חית השׂדה מאין רעה ולא דרשׁו רעי את צאני וירעו הרעים אותם ואת צאני לא רעו׃9 לכן הרעים שׁמעו דבר יהוה׃10 כה אמר אדני יהוה הנני אל הרעים ודרשׁתי את צאני מידם והשׁבתים מרעות צאן ולא ירעו עוד הרעים אותם והצלתי צאני מפיהם ולא תהיין להם לאכלה׃
Ezekiel 34:12
12 כבקרת רעה עדרו ביום היותו בתוך צאנו נפרשׁות כן אבקר את צאני והצלתי אתהם מכל המקומת אשׁר נפצו שׁם ביום ענן וערפל׃
Ezekiel 35:5-10
5 יען היות לך איבת עולם ותגר את בני ישׂראל על ידי חרב בעת אידם בעת עון קץ׃6 לכן חי אני נאם אדני יהוה כי לדם אעשׂך ודם ירדפך אם לא דם שׂנאת ודם ירדפך׃7 ונתתי את הר שׂעיר לשׁממה ושׁממה והכרתי ממנו עבר ושׁב׃8 ומלאתי את הריו חלליו גבעותיך וגאותיך וכל אפיקיך חללי חרב יפלו׃9 שׁממות עולם אתנך ועריך לא תישׁבנה וידעתם כי אני יהוה׃10 יען אמרך את שׁני הגוים ואת שׁתי הארצות לי תהיינה וירשׁנוה ויהוה שׁם היה׃
Daniel 4:3
3 (3:33) אתוהי כמה רברבין ותמהוהי כמה תקיפין מלכותה מלכות עלם ושׁלטנה עם דר ודר׃
Daniel 4:34
34 (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃
Daniel 6:26
26 (6:27) מן קדמי שׂים טעם די בכל שׁלטן מלכותי להון זאעין ודחלין מן קדם אלהה די דניאל די הוא אלהא חיא וקים לעלמין ומלכותה די לא תתחבל ושׁלטנה עד סופא׃
Daniel 7:14
14 ולה יהיב שׁלטן ויקר ומלכו וכל עממיא אמיא ולשׁניא לה יפלחון שׁלטנה שׁלטן עלם די לא יעדה ומלכותה די לא תתחבל׃
Daniel 10:5
5 ואשׂא את עיני וארא והנה אישׁ אחד לבושׁ בדים ומתניו חגרים בכתם אופז׃
Hosea 4:1
1 שׁמעו דבר יהוה בני ישׂראל כי ריב ליהוה עם יושׁבי הארץ כי אין אמת ואין חסד ואין דעת אלהים בארץ׃
Hosea 4:12
12 עמי בעצו ישׁאל ומקלו יגיד לו כי רוח זנונים התעה ויזנו מתחת אלהיהם׃
Hosea 8:4-6
Joel 2:11
11 ויהוה נתן קולו לפני חילו כי רב מאד מחנהו כי עצום עשׂה דברו כי גדול יום יהוה ונורא מאד ומי יכילנו׃
Amos 7:16
16 ועתה שׁמע דבר יהוה אתה אמר לא תנבא על ישׂראל ולא תטיף על בית ישׂחק׃
Obadiah 1:10-16
10 מחמס אחיך יעקב תכסך בושׁה ונכרת לעולם׃11 ביום עמדך מנגד ביום שׁבות זרים חילו ונכרים באו שׁערו ועל ירושׁלם ידו גורל גם אתה כאחד מהם׃12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃13 אל תבוא בשׁער עמי ביום אידם אל תרא גם אתה ברעתו ביום אידו ואל תשׁלחנה בחילו ביום אידו׃14 ואל תעמד על הפרק להכרית את פליטיו ואל תסגר שׂרידיו ביום צרה׃15 כי קרוב יום יהוה על כל הגוים כאשׁר עשׂית יעשׂה לך גמלך ישׁוב בראשׁך׃16 כי כאשׁר שׁתיתם על הר קדשׁי ישׁתו כל הגוים תמיד ושׁתו ולעו והיו כלוא היו׃
Jonah 2:8
8 (2:9) משׁמרים הבלי שׁוא חסדם יעזבו׃
Micah 1:4
4 ונמסו ההרים תחתיו והעמקים יתבקעו כדונג מפני האשׁ כמים מגרים במורד׃
Micah 2:10
10 קומו ולכו כי לא זאת המנוחה בעבור טמאה תחבל וחבל נמרץ׃
Micah 7:9
9 זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃
Nahum 1:6
6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃
Habakkuk 1:6-9
Habakkuk 2:18-19
18 מה הועיל פסל כי פסלו יצרו מסכה ומורה שׁקר כי בטח יצר יצרו עליו לעשׂות אלילים אלמים׃
Habakkuk 2:18
Habakkuk 2:19
19 הוי אמר לעץ הקיצה עורי לאבן דומם הוא יורה הנה הוא תפושׂ זהב וכסף וכל רוח אין בקרבו׃
Habakkuk 3:2
2 יהוה שׁמעתי שׁמעך יראתי יהוה פעלך בקרב שׁנים חייהו בקרב שׁנים תודיע ברגז רחם תזכור׃
Habakkuk 3:6
6 עמד וימדד ארץ ראה ויתר גוים ויתפצצו הררי עד שׁחו גבעות עולם הליכות עולם׃
Habakkuk 3:10
10 ראוך יחילו הרים זרם מים עבר נתן תהום קולו רום ידיהו נשׂא׃
Zephaniah 1:3-4
Zephaniah 1:6
6 ואת הנסוגים מאחרי יהוה ואשׁר לא בקשׁו את יהוה ולא דרשׁהו׃
Zephaniah 2:11
11 נורא יהוה עליהם כי רזה את כל אלהי הארץ וישׁתחוו לו אישׁ ממקומו כל איי הגוים׃
Zephaniah 3:8
8 לכן חכו לי נאם יהוה ליום קומי לעד כי משׁפטי לאסף גוים לקבצי ממלכות לשׁפך עליהם זעמי כל חרון אפי כי באשׁ קנאתי תאכל כל הארץ׃
Zechariah 1:6
6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
Zechariah 1:15
15 וקצף גדול אני קצף על הגוים השׁאננים אשׁר אני קצפתי מעט והמה עזרו לרעה׃
Zechariah 2:11
11 (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃
Zechariah 10:1
Zechariah 12:1
1 משׂא דבר יהוה על ישׂראל נאם יהוה נטה שׁמים ויסד ארץ ויצר רוח אדם בקרבו׃
Zechariah 13:2
2 והיה ביום ההוא נאם יהוה צבאות אכרית את שׁמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃
Zechariah 13:7
7 חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשׁבתי ידי על הצערים׃
Malachi 1:3
3 ואת עשׂו שׂנאתי ואשׂים את הריו שׁממה ואת נחלתו לתנות מדבר׃
Malachi 1:11
11 כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃
Malachi 3:2
2 ומי מכלכל את יום בואו ומי העמד בהראותו כי הוא כאשׁ מצרף וכברית מכבסים׃