Isaiah 6:3 Cross References - HOT

3 וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃

Exodus 15:11

11 מי כמכה באלם יהוה מי כמכה נאדר בקדשׁ נורא תהלת עשׂה פלא׃

Exodus 15:20-21

20 ותקח מרים הנביאה אחות אהרן את התף בידה ותצאן כל הנשׁים אחריה בתפים ובמחלת׃21 ותען להם מרים שׁירו ליהוה כי גאה גאה סוס ורכבו רמה בים׃

Numbers 14:21

21 ואולם חי אני וימלא כבוד יהוה את כל הארץ׃

Ezra 3:11

11 ויענו בהלל ובהודת ליהוה כי טוב כי לעולם חסדו על ישׂראל וכל העם הריעו תרועה גדולה בהלל ליהוה על הוסד בית יהוה׃

Psalms 19:1-3

1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃2 (19:3) יום ליום יביע אמר ולילה ללילה יחוה דעת׃3 (19:4) אין אמר ואין דברים בלי נשׁמע קולם׃

Psalms 24:7-10

7 שׂאו שׁערים ראשׁיכם והנשׂאו פתחי עולם ויבוא מלך הכבוד׃8 מי זה מלך הכבוד יהוה עזוז וגבור יהוה גבור מלחמה׃9 שׂאו שׁערים ראשׁיכם ושׂאו פתחי עולם ויבא מלך הכבוד׃10 מי הוא זה מלך הכבוד יהוה צבאות הוא מלך הכבוד סלה׃

Psalms 57:11

11 (57:12) רומה על שׁמים אלהים על כל הארץ כבודך׃

Psalms 72:19

19 וברוך שׁם כבודו לעולם וימלא כבודו את כל הארץ אמן ואמן׃

Isaiah 11:9-10

9 לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃10 והיה ביום ההוא שׁרשׁ ישׁי אשׁר עמד לנס עמים אליו גוים ידרשׁו והיתה מנחתו כבוד׃

Isaiah 24:16

16 מכנף הארץ זמרת שׁמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

Isaiah 40:5

5 ונגלה כבוד יהוה וראו כל בשׂר יחדו כי פי יהוה דבר׃

Habakkuk 2:14

14 כי תמלא הארץ לדעת את כבוד יהוה כמים יכסו על ים׃

Zechariah 14:9

9 והיה יהוה למלך על כל הארץ ביום ההוא יהיה יהוה אחד ושׁמו אחד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.