Isaiah 6:13 Cross References - HOT

13 ועוד בה עשׂריה ושׁבה והיתה לבער כאלה וכאלון אשׁר בשׁלכת מצבת בם זרע קדשׁ מצבתה׃

Genesis 22:18

18 והתברכו בזרעך כל גויי הארץ עקב אשׁר שׁמעת בקלי׃

Ezra 9:2

2 כי נשׂאו מבנתיהם להם ולבניהם והתערבו זרע הקדשׁ בעמי הארצות ויד השׂרים והסגנים היתה במעל הזה ראשׁונה׃

Job 14:7-9

7 כי ישׁ לעץ תקוה אם יכרת ועוד יחליף וינקתו לא תחדל׃8 אם יזקין בארץ שׁרשׁו ובעפר ימות גזעו׃9 מריח מים יפרח ועשׂה קציר כמו נטע׃

Isaiah 1:9

9 לולי יהוה צבאות הותיר לנו שׂריד כמעט כסדם היינו לעמרה דמינו׃

Isaiah 4:3

3 והיה הנשׁאר בציון והנותר בירושׁלם קדושׁ יאמר לו כל הכתוב לחיים בירושׁלם׃

Isaiah 10:20-22

20 והיה ביום ההוא לא יוסיף עוד שׁאר ישׂראל ופליטת בית יעקב להשׁען על מכהו ונשׁען על יהוה קדושׁ ישׂראל באמת׃21 שׁאר ישׁוב שׁאר יעקב אל אל גבור׃22 כי אם יהיה עמך ישׂראל כחול הים שׁאר ישׁוב בו כליון חרוץ שׁוטף צדקה׃

Isaiah 65:8-9

8 כה אמר יהוה כאשׁר ימצא התירושׁ באשׁכול ואמר אל תשׁחיתהו כי ברכה בו כן אעשׂה למען עבדי לבלתי השׁחית הכל׃9 והוצאתי מיעקב זרע ומיהודה יורשׁ הרי וירשׁוה בחירי ועבדי ישׁכנו שׁמה׃

Malachi 2:15

15 ולא אחד עשׂה ושׁאר רוח לו ומה האחד מבקשׁ זרע אלהים ונשׁמרתם ברוחכם ובאשׁת נעוריך אל יבגד׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.