Isaiah 51:13 Cross References - HOT

13 ותשׁכח יהוה עשׂך נוטה שׁמים ויסד ארץ ותפחד תמיד כל היום מפני חמת המציק כאשׁר כונן להשׁחית ואיה חמת המציק׃

Exodus 14:10-13

10 ופרעה הקריב וישׂאו בני ישׂראל את עיניהם והנה מצרים נסע אחריהם וייראו מאד ויצעקו בני ישׂראל אל יהוה׃11 ויאמרו אל משׁה המבלי אין קברים במצרים לקחתנו למות במדבר מה זאת עשׂית לנו להוציאנו ממצרים׃12 הלא זה הדבר אשׁר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר׃13 ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃

Exodus 15:9-10

9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃10 נשׁפת ברוחך כסמו ים צללו כעופרת במים אדירים׃

Deuteronomy 32:18

18 צור ילדך תשׁי ותשׁכח אל מחללך׃

Esther 5:14

14 ותאמר לו זרשׁ אשׁתו וכל אהביו יעשׂו עץ גבה חמשׁים אמה ובבקר אמר למלך ויתלו את מרדכי עליו ובא עם המלך אל המשׁתה שׂמח וייטב הדבר לפני המן ויעשׂ העץ׃

Esther 7:10

10 ויתלו את המן על העץ אשׁר הכין למרדכי וחמת המלך שׁככה׃

Job 9:8

8 נטה שׁמים לבדו ודורך על במתי ים׃

Job 20:5-9

5 כי רננת רשׁעים מקרוב ושׂמחת חנף עדי רגע׃6 אם יעלה לשׁמים שׂיאו וראשׁו לעב יגיע׃7 כגללו לנצח יאבד ראיו יאמרו איו׃8 כחלום יעוף ולא ימצאוהו וידד כחזיון לילה׃9 עין שׁזפתו ולא תוסיף ולא עוד תשׁורנו מקומו׃

Job 37:18

18 תרקיע עמו לשׁחקים חזקים כראי מוצק׃

Psalms 9:6-7

6 (9:7) האויב תמו חרבות לנצח וערים נתשׁת אבד זכרם המה׃7 (9:8) ויהוה לעולם ישׁב כונן למשׁפט כסאו׃

Psalms 37:35-36

35 ראיתי רשׁע עריץ ומתערה כאזרח רענן׃36 ויעבר והנה איננו ואבקשׁהו ולא נמצא׃

Psalms 76:10

10 (76:11) כי חמת אדם תודך שׁארית חמת תחגר׃

Psalms 102:25-26

25 (102:26) לפנים הארץ יסדת ומעשׂה ידיך שׁמים׃26 (102:27) המה יאבדו ואתה תעמד וכלם כבגד יבלו כלבושׁ תחליפם ויחלפו׃

Psalms 104:2

2 עטה אור כשׂלמה נוטה שׁמים כיריעה׃

Isaiah 7:4

4 ואמרת אליו השׁמר והשׁקט אל תירא ולבבך אל ירך משׁני זנבות האודים העשׁנים האלה בחרי אף רצין וארם ובן רמליהו׃

Isaiah 8:12-13

12 לא תאמרון קשׁר לכל אשׁר יאמר העם הזה קשׁר ואת מוראו לא תיראו ולא תעריצו׃13 את יהוה צבאות אתו תקדישׁו והוא מוראכם והוא מערצכם׃

Isaiah 10:29-34

29 עברו מעברה גבע מלון לנו חרדה הרמה גבעת שׁאול נסה׃30 צהלי קולך בת גלים הקשׁיבי לישׁה עניה ענתות׃31 נדדה מדמנה ישׁבי הגבים העיזו׃32 עוד היום בנב לעמד ינפף ידו הר בית ציון גבעת ירושׁלם׃33 הנה האדון יהוה צבאות מסעף פארה במערצה ורמי הקומה גדועים והגבהים ישׁפלו׃34 ונקף סבכי היער בברזל והלבנון באדיר יפול׃

Isaiah 14:16-17

16 ראיך אליך ישׁגיחו אליך יתבוננו הזה האישׁ מרגיז הארץ מרעישׁ ממלכות׃17 שׂם תבל כמדבר ועריו הרס אסיריו לא פתח ביתה׃

Isaiah 16:4

4 יגורו בך נדחי מואב הוי סתר למו מפני שׁודד כי אפס המץ כלה שׁד תמו רמס מן הארץ׃

Isaiah 17:10

10 כי שׁכחת אלהי ישׁעך וצור מעזך לא זכרת על כן תטעי נטעי נעמנים וזמרת זר תזרענו׃

Isaiah 33:18-19

18 לבך יהגה אימה איה ספר איה שׁקל איה ספר את המגדלים׃19 את עם נועז לא תראה עם עמקי שׂפה משׁמוע נלעג לשׁון אין בינה׃

Isaiah 37:36-38

36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃37 ויסע וילך וישׁב סנחריב מלך אשׁור וישׁב בנינוה׃38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃

Isaiah 40:22

22 הישׁב על חוג הארץ וישׁביה כחגבים הנוטה כדק שׁמים וימתחם כאהל לשׁבת׃

Isaiah 42:5

5 כה אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים׃

Isaiah 44:24

24 כה אמר יהוה גאלך ויצרך מבטן אנכי יהוה עשׂה כל נטה שׁמים לבדי רקע הארץ מי אתי׃

Isaiah 45:12

12 אנכי עשׂיתי ארץ ואדם עליה בראתי אני ידי נטו שׁמים וכל צבאם צויתי׃

Isaiah 48:13

13 אף ידי יסדה ארץ וימיני טפחה שׁמים קרא אני אליהם יעמדו יחדו׃

Isaiah 57:11

11 ואת מי דאגת ותיראי כי תכזבי ואותי לא זכרת לא שׂמת על לבך הלא אני מחשׁה ומעלם ואותי לא תיראי׃

Jeremiah 2:32

32 התשׁכח בתולה עדיה כלה קשׁריה ועמי שׁכחוני ימים אין מספר׃

Jeremiah 10:11-12

11 כדנה תאמרון להום אלהיא די שׁמיא וארקא לא עבדו יאבדו מארעא ומן תחות שׁמיא אלה׃12 עשׂה ארץ בכחו מכין תבל בחכמתו ובתבונתו נטה שׁמים׃

Jeremiah 51:15

15 עשׂה ארץ בכחו מכין תבל בחכמתו ובתבונתו נטה שׁמים׃

Daniel 3:15

15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃

Daniel 3:19

19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃

Daniel 4:32-33

32 (4:29) ומן אנשׁא לך טרדין ועם חיות ברא מדרך עשׂבא כתורין לך יטעמון ושׁבעה עדנין יחלפון עליך עד די תנדע די שׁליט עליא במלכות אנשׁא ולמן די יצבא יתננה׃33 (4:30) בה שׁעתא מלתא ספת על נבוכדנצר ומן אנשׁא טריד ועשׂבא כתורין יאכל ומטל שׁמיא גשׁמה יצטבע עד די שׂערה כנשׁרין רבה וטפרוהי כצפרין׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.