Isaiah 49:13 Cross References - HOT

13 רנו שׁמים וגילי ארץ יפצחו הרים רנה כי נחם יהוה עמו ועניו ירחם׃

Psalms 96:11-13

11 ישׂמחו השׁמים ותגל הארץ ירעם הים ומלאו׃12 יעלז שׂדי וכל אשׁר בו אז ירננו כל עצי יער׃13 לפני יהוה כי בא כי בא לשׁפט הארץ ישׁפט תבל בצדק ועמים באמונתו׃

Psalms 98:4-9

4 הריעו ליהוה כל הארץ פצחו ורננו וזמרו׃5 זמרו ליהוה בכנור בכנור וקול זמרה׃6 בחצצרות וקול שׁופר הריעו לפני המלך יהוה׃7 ירעם הים ומלאו תבל וישׁבי׃8 נהרות ימחאו כף יחד הרים ירננו׃9 לפני יהוה כי בא לשׁפט הארץ ישׁפט תבל בצדק ועמים במישׁרים׃

Isaiah 12:1

1 ואמרת ביום ההוא אודך יהוה כי אנפת בי ישׁב אפך ותנחמני׃

Isaiah 40:1-2

1 נחמו נחמו עמי יאמר אלהיכם׃2 דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

Isaiah 42:10-11

10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃11 ישׂאו מדבר ועריו חצרים תשׁב קדר ירנו ישׁבי סלע מראשׁ הרים יצוחו׃

Isaiah 44:23

23 רנו שׁמים כי עשׂה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישׂראל יתפאר׃

Isaiah 51:3

3 כי נחם יהוה ציון נחם כל חרבתיה וישׂם מדברה כעדן וערבתה כגן יהוה שׂשׂון ושׂמחה ימצא בה תודה וקול זמרה׃

Isaiah 52:9

9 פצחו רננו יחדו חרבות ירושׁלם כי נחם יהוה עמו גאל ירושׁלם׃

Isaiah 55:12

12 כי בשׂמחה תצאו ובשׁלום תובלון ההרים והגבעות יפצחו לפניכם רנה וכל עצי השׂדה ימחאו כף׃

Isaiah 61:2-3

2 לקרא שׁנת רצון ליהוה ויום נקם לאלהינו לנחם כל אבלים׃3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Isaiah 66:13-14

13 כאישׁ אשׁר אמו תנחמנו כן אנכי אנחמכם ובירושׁלם תנחמו׃14 וראיתם ושׂשׂ לבכם ועצמותיכם כדשׁא תפרחנה ונודעה יד יהוה את עבדיו וזעם את איביו׃

Jeremiah 31:13

13 אז תשׂמח בתולה במחול ובחרים וזקנים יחדו והפכתי אבלם לשׂשׂון ונחמתים ושׂמחתים מיגונם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.