Isaiah 11:10 Cross References - HOT

10 והיה ביום ההוא שׁרשׁ ישׁי אשׁר עמד לנס עמים אליו גוים ידרשׁו והיתה מנחתו כבוד׃

Genesis 49:10

10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃

Psalms 91:1

1 ישׁב בסתר עליון בצל שׁדי יתלונן׃

Psalms 91:4

4 באברתו יסך לך ותחת כנפיו תחסה צנה וסחרה אמתו׃

Psalms 116:7

7 שׁובי נפשׁי למנוחיכי כי יהוה גמל עליכי׃

Psalms 149:5

5 יעלזו חסידים בכבוד ירננו על משׁכבותם׃

Isaiah 2:11

11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃

Isaiah 11:1

1 ויצא חטר מגזע ישׁי ונצר משׁרשׁיו יפרה׃

Isaiah 14:3

3 והיה ביום הניח יהוה לך מעצבך ומרגזך ומן העבדה הקשׁה אשׁר עבד׃

Isaiah 28:12

12 אשׁר אמר אליהם זאת המנוחה הניחו לעיף וזאת המרגעה ולא אבוא שׁמוע׃

Isaiah 32:17-18

17 והיה מעשׂה הצדקה שׁלום ועבדת הצדקה השׁקט ובטח עד עולם׃18 וישׁב עמי בנוה שׁלום ובמשׁכנות מבטחים ובמנוחת שׁאננות׃

Isaiah 49:22

22 כה אמר אדני יהוה הנה אשׂא אל גוים ידי ואל עמים ארים נסי והביאו בניך בחצן ובנתיך על כתף תנשׂאנה׃

Isaiah 59:19

19 וייראו ממערב את שׁם יהוה וממזרח שׁמשׁ את כבודו כי יבוא כנהר צר רוח יהוה נססה׃

Isaiah 60:3

3 והלכו גוים לאורך ומלכים לנגה זרחך׃

Isaiah 60:5

5 אז תראי ונהרת ופחד ורחב לבבך כי יהפך עליך המון ים חיל גוים יבאו׃

Isaiah 66:10-12

10 שׂמחו את ירושׁלם וגילו בה כל אהביה שׂישׂו אתה משׂושׂ כל המתאבלים עליה׃11 למען תינקו ושׂבעתם משׁד תנחמיה למען תמצו והתענגתם מזיז כבודה׃12 כי כה אמר יהוה הנני נטה אליה כנהר שׁלום וכנחל שׁוטף כבוד גוים וינקתם על צד תנשׂאו ועל ברכים תשׁעשׁעו׃

Isaiah 66:19

19 ושׂמתי בהם אות ושׁלחתי מהם פליטים אל הגוים תרשׁישׁ פול ולוד משׁכי קשׁת תבל ויון האיים הרחקים אשׁר לא שׁמעו את שׁמעי ולא ראו את כבודי והגידו את כבודי בגוים׃

Jeremiah 6:16

16 כה אמר יהוה עמדו על דרכים וראו ושׁאלו לנתבות עולם אי זה דרך הטוב ולכו בה ומצאו מרגוע לנפשׁכם ויאמרו לא נלך׃

Haggai 2:9

9 גדול יהיה כבוד הבית הזה האחרון מן הראשׁון אמר יהוה צבאות ובמקום הזה אתן שׁלום נאם יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.