Genesis 29:35 Cross References - HOT

³⁵ ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃

Genesis 35:26

²⁶ ובני זלפה שׁפחת לאה גד ואשׁר אלה בני יעקב אשׁר ילד לו בפדן ארם׃

¹ ויהי בעת ההוא וירד יהודה מאת אחיו ויט עד אישׁ עדלמי ושׁמו חירה׃² וירא שׁם יהודה בת אישׁ כנעני ושׁמו שׁוע ויקחה ויבא אליה׃³ ותהר ותלד בן ויקרא את שׁמו ער׃⁴ ותהר עוד ותלד בן ותקרא את שׁמו אונן׃⁵ ותסף עוד ותלד בן ותקרא את שׁמו שׁלה והיה בכזיב בלדתה אתו׃⁶ ויקח יהודה אשׁה לער בכורו ושׁמה תמר׃⁷ ויהי ער בכור יהודה רע בעיני יהוה וימתהו יהוה׃⁸ ויאמר יהודה לאונן בא אל אשׁת אחיך ויבם אתה והקם זרע לאחיך׃⁹ וידע אונן כי לא לו יהיה הזרע והיה אם בא אל אשׁת אחיו ושׁחת ארצה לבלתי נתן זרע לאחיו׃¹⁰ וירע בעיני יהוה אשׁר עשׂה וימת גם אתו׃¹¹ ויאמר יהודה לתמר כלתו שׁבי אלמנה בית אביך עד יגדל שׁלה בני כי אמר פן ימות גם הוא כאחיו ותלך תמר ותשׁב בית אביה׃¹² וירבו הימים ותמת בת שׁוע אשׁת יהודה וינחם יהודה ויעל על גזזי צאנו הוא וחירה רעהו העדלמי תמנתה׃¹³ ויגד לתמר לאמר הנה חמיך עלה תמנתה לגז צאנו׃¹⁴ ותסר בגדי אלמנותה מעליה ותכס בצעיף ותתעלף ותשׁב בפתח עינים אשׁר על דרך תמנתה כי ראתה כי גדל שׁלה והוא לא נתנה לו לאשׁה׃¹⁵ ויראה יהודה ויחשׁבה לזונה כי כסתה פניה׃¹⁶ ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי׃¹⁷ ויאמר אנכי אשׁלח גדי עזים מן הצאן ותאמר אם תתן ערבון עד שׁלחך׃¹⁸ ויאמר מה הערבון אשׁר אתן לך ותאמר חתמך ופתילך ומטך אשׁר בידך ויתן לה ויבא אליה ותהר׃¹⁹ ותקם ותלך ותסר צעיפה מעליה ותלבשׁ בגדי אלמנותה׃²⁰ וישׁלח יהודה את גדי העזים ביד רעהו העדלמי לקחת הערבון מיד האשׁה ולא מצאה׃²¹ וישׁאל את אנשׁי מקמה לאמר איה הקדשׁה הוא בעינים על הדרך ויאמרו לא היתה בזה קדשׁה׃²² וישׁב אל יהודה ויאמר לא מצאתיה וגם אנשׁי המקום אמרו לא היתה בזה קדשׁה׃²³ ויאמר יהודה תקח לה פן נהיה לבוז הנה שׁלחתי הגדי הזה ואתה לא מצאתה׃²⁴ ויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף׃²⁵ הוא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתמת והפתילים והמטה האלה׃²⁶ ויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה׃²⁷ ויהי בעת לדתה והנה תאומים בבטנה׃²⁸ ויהי בלדתה ויתן יד ותקח המילדת ותקשׁר על ידו שׁני לאמר זה יצא ראשׁנה׃²⁹ ויהי כמשׁיב ידו והנה יצא אחיו ותאמר מה פרצת עליך פרץ ויקרא שׁמו פרץ׃³⁰ ואחר יצא אחיו אשׁר על ידו השׁני ויקרא שׁמו זרח׃

Genesis 43:8-9

⁸ ויאמר יהודה אל ישׂראל אביו שׁלחה הנער אתי ונקומה ונלכה ונחיה ולא נמות גם אנחנו גם אתה גם טפנו׃⁹ אנכי אערבנו מידי תבקשׁנו אם לא הביאתיו אליך והצגתיו לפניך וחטאתי לך כל הימים׃

Genesis 44:18-34

¹⁸ ויגשׁ אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה׃¹⁹ אדני שׁאל את עבדיו לאמר הישׁ לכם אב או אח׃²⁰ ונאמר אל אדני ישׁ לנו אב זקן וילד זקנים קטן ואחיו מת ויותר הוא לבדו לאמו ואביו אהבו׃²¹ ותאמר אל עבדיך הורדהו אלי ואשׂימה עיני עליו׃²² ונאמר אל אדני לא יוכל הנער לעזב את אביו ועזב את אביו ומת׃²³ ותאמר אל עבדיך אם לא ירד אחיכם הקטן אתכם לא תספון לראות פני׃²⁴ ויהי כי עלינו אל עבדך אבי ונגד לו את דברי אדני׃²⁵ ויאמר אבינו שׁבו שׁברו לנו מעט אכל׃²⁶ ונאמר לא נוכל לרדת אם ישׁ אחינו הקטן אתנו וירדנו כי לא נוכל לראות פני האישׁ ואחינו הקטן איננו אתנו׃²⁷ ויאמר עבדך אבי אלינו אתם ידעתם כי שׁנים ילדה לי אשׁתי׃²⁸ ויצא האחד מאתי ואמר אך טרף טרף ולא ראיתיו עד הנה׃²⁹ ולקחתם גם את זה מעם פני וקרהו אסון והורדתם את שׂיבתי ברעה שׁאלה׃³⁰ ועתה כבאי אל עבדך אבי והנער איננו אתנו ונפשׁו קשׁורה בנפשׁו׃³¹ והיה כראותו כי אין הנער ומת והורידו עבדיך את שׂיבת עבדך אבינו ביגון שׁאלה׃³² כי עבדך ערב את הנער מעם אבי לאמר אם לא אביאנו אליך וחטאתי לאבי כל הימים׃³³ ועתה ישׁב נא עבדך תחת הנער עבד לאדני והנער יעל עם אחיו׃³⁴ כי איך אעלה אל אבי והנער איננו אתי פן אראה ברע אשׁר ימצא את אבי׃

Genesis 46:12

¹² ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃

Genesis 49:8-12

⁸ יהודה אתה יודוך אחיך ידך בערף איביך ישׁתחוו לך בני אביך׃⁹ גור אריה יהודה מטרף בני עלית כרע רבץ כאריה וכלביא מי יקימנו׃¹⁰ לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃¹¹ אסרי לגפן עירה ולשׂרקה בני אתנו כבס ביין לבשׁו ובדם ענבים סותה׃¹² חכלילי עינים מיין ולבן שׁנים מחלב׃

Deuteronomy 33:7

⁷ וזאת ליהודה ויאמר שׁמע יהוה קול יהודה ואל עמו תביאנו ידיו רב לו ועזר מצריו תהיה׃

1 Chronicles 5:2

² כי יהודה גבר באחיו ולנגיד ממנו והבכרה ליוסף׃