1 ויהי אחר הדברים האלה והאלהים נסה את אברהם ויאמר אליו אברהם ויאמר הנני׃2 ויאמר קח נא את בנך את יחידך אשׁר אהבת את יצחק ולך לך אל ארץ המריה והעלהו שׁם לעלה על אחד ההרים אשׁר אמר אליך׃3 וישׁכם אברהם בבקר ויחבשׁ את חמרו ויקח את שׁני נעריו אתו ואת יצחק בנו ויבקע עצי עלה ויקם וילך אל המקום אשׁר אמר לו האלהים׃4 ביום השׁלישׁי וישׂא אברהם את עיניו וירא את המקום מרחק׃5 ויאמר אברהם אל נעריו שׁבו לכם פה עם החמור ואני והנער נלכה עד כה ונשׁתחוה ונשׁובה אליכם׃6 ויקח אברהם את עצי העלה וישׂם על יצחק בנו ויקח בידו את האשׁ ואת המאכלת וילכו שׁניהם יחדו׃7 ויאמר יצחק אל אברהם אביו ויאמר אבי ויאמר הנני בני ויאמר הנה האשׁ והעצים ואיה השׂה לעלה׃8 ויאמר אברהם אלהים יראה לו השׂה לעלה בני וילכו שׁניהם יחדו׃9 ויבאו אל המקום אשׁר אמר לו האלהים ויבן שׁם אברהם את המזבח ויערך את העצים ויעקד את יצחק בנו וישׂם אתו על המזבח ממעל לעצים׃10 וישׁלח אברהם את ידו ויקח את המאכלת לשׁחט את בנו׃11 ויקרא אליו מלאך יהוה מן השׁמים ויאמר אברהם אברהם ויאמר הנני׃12 ויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני׃13 וישׂא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו׃14 ויקרא אברהם שׁם המקום ההוא יהוה יראה אשׁר יאמר היום בהר יהוה יראה׃15 ויקרא מלאך יהוה אל אברהם שׁנית מן השׁמים׃16 ויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך׃17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃18 והתברכו בזרעך כל גויי הארץ עקב אשׁר שׁמעת בקלי׃19 וישׁב אברהם אל נעריו ויקמו וילכו יחדו אל באר שׁבע וישׁב אברהם בבאר שׁבע׃20 ויהי אחרי הדברים האלה ויגד לאברהם לאמר הנה ילדה מלכה גם הוא בנים לנחור אחיך׃21 את עוץ בכרו ואת בוז אחיו ואת קמואל אבי ארם׃22 ואת כשׂד ואת חזו ואת פלדשׁ ואת ידלף ואת בתואל׃23 ובתואל ילד את רבקה שׁמנה אלה ילדה מלכה לנחור אחי אברהם׃24 ופילגשׁו ושׁמה ראומה ותלד גם הוא את טבח ואת גחם ואת תחשׁ ואת מעכה׃
Genesis 22 Cross References - HOT
Genesis 22:7
7 ויאמר יצחק אל אברהם אביו ויאמר אבי ויאמר הנני בני ויאמר הנה האשׁ והעצים ואיה השׂה לעלה׃
Genesis 22:11
11 ויקרא אליו מלאך יהוה מן השׁמים ויאמר אברהם אברהם ויאמר הנני׃
Exodus 3:4
4 וירא יהוה כי סר לראות ויקרא אליו אלהים מתוך הסנה ויאמר משׁה משׁה ויאמר הנני׃
Exodus 15:25-26
Exodus 16:4
4 ויאמר יהוה אל משׁה הנני ממטיר לכם לחם מן השׁמים ויצא העם ולקטו דבר יום ביומו למען אנסנו הילך בתורתי אם לא׃
Deuteronomy 8:2
2 וזכרת את כל הדרך אשׁר הוליכך יהוה אלהיך זה ארבעים שׁנה במדבר למען ענתך לנסתך לדעת את אשׁר בלבבך התשׁמר מצותו אם לא׃
Deuteronomy 8:16
16 המאכלך מן במדבר אשׁר לא ידעון אבתיך למען ענתך ולמען נסתך להיטבך באחריתך׃
Deuteronomy 13:3
3 (13:4) לא תשׁמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישׁכם אהבים את יהוה אלהיכם בכל לבבכם ובכל נפשׁכם׃
Judges 2:22
22 למען נסות בם את ישׂראל השׁמרים הם את דרך יהוה ללכת בם כאשׁר שׁמרו אבותם אם לא׃
2 Samuel 24:1
1 ויסף אף יהוה לחרות בישׂראל ויסת את דוד בהם לאמר לך מנה את ישׂראל ואת יהודה׃
2 Chronicles 32:31
31 וכן במליצי שׂרי בבל המשׁלחים עליו לדרשׁ המופת אשׁר היה בארץ עזבו האלהים לנסותו לדעת כל בלבבו׃
Proverbs 17:3
3 מצרף לכסף וכור לזהב ובחן לבות יהוה׃
Isaiah 6:8
8 ואשׁמע את קול אדני אמר את מי אשׁלח ומי ילך לנו ואמר הנני שׁלחני׃
Genesis 17:19
19 ויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו׃
Genesis 21:12
12 ויאמר אלהים אל אברהם אל ירע בעיניך על הנער ועל אמתך כל אשׁר תאמר אליך שׂרה שׁמע בקלה כי ביצחק יקרא לך זרע׃
Genesis 22:12
12 ויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני׃
Genesis 22:16
16 ויאמר בי נשׁבעתי נאם יהוה כי יען אשׁר עשׂית את הדבר הזה ולא חשׂכת את בנך את יחידך׃
Judges 11:31
31 והיה היוצא אשׁר יצא מדלתי ביתי לקראתי בשׁובי בשׁלום מבני עמון והיה ליהוה והעליתהו עולה׃
Judges 11:39
39 ויהי מקץ שׁנים חדשׁים ותשׁב אל אביה ויעשׂ לה את נדרו אשׁר נדר והיא לא ידעה אישׁ ותהי חק בישׂראל׃
2 Kings 3:27
27 ויקח את בנו הבכור אשׁר ימלך תחתיו ויעלהו עלה על החמה ויהי קצף גדול על ישׂראל ויסעו מעליו וישׁבו לארץ׃
2 Chronicles 3:1
1 ויחל שׁלמה לבנות את בית יהוה בירושׁלם בהר המוריה אשׁר נראה לדויד אביהו אשׁר הכין במקום דויד בגרן ארנן היבוסי׃
Micah 6:7
7 הירצה יהוה באלפי אילים ברבבות נחלי שׁמן האתן בכורי פשׁעי פרי בטני חטאת נפשׁי׃
Genesis 17:23
23 ויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים׃
Genesis 21:14
14 וישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע׃
Psalms 119:60
60 חשׁתי ולא התמהמהתי לשׁמר מצותיך׃
Ecclesiastes 9:10
10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃
Isaiah 26:3-4
Exodus 5:3
3 ויאמרו אלהי העברים נקרא עלינו נלכה נא דרך שׁלשׁת ימים במדבר ונזבחה ליהוה אלהינו פן יפגענו בדבר או בחרב׃
Exodus 15:22
22 ויסע משׁה את ישׂראל מים סוף ויצאו אל מדבר שׁור וילכו שׁלשׁת ימים במדבר ולא מצאו מים׃
Exodus 19:11
11 והיו נכנים ליום השׁלישׁי כי ביום השׁלשׁי ירד יהוה לעיני כל העם על הר סיני׃
Exodus 19:15
15 ויאמר אל העם היו נכנים לשׁלשׁת ימים אל תגשׁו אל אשׁה׃
Leviticus 7:17
17 והנותר מבשׂר הזבח ביום השׁלישׁי באשׁ ישׂרף׃
Numbers 10:33
33 ויסעו מהר יהוה דרך שׁלשׁת ימים וארון ברית יהוה נסע לפניהם דרך שׁלשׁת ימים לתור להם מנוחה׃
Numbers 19:12
12 הוא יתחטא בו ביום השׁלישׁי וביום השׁביעי יטהר ואם לא יתחטא ביום השׁלישׁי וביום השׁביעי לא יטהר׃
Numbers 19:19
19 והזה הטהר על הטמא ביום השׁלישׁי וביום השׁביעי וחטאו ביום השׁביעי וכבס בגדיו ורחץ במים וטהר בערב׃
Numbers 31:19
19 ואתם חנו מחוץ למחנה שׁבעת ימים כל הרג נפשׁ וכל נגע בחלל תתחטאו ביום השׁלישׁי וביום השׁביעי אתם ושׁביכם׃
Joshua 1:11
11 עברו בקרב המחנה וצוו את העם לאמר הכינו לכם צידה כי בעוד שׁלשׁת ימים אתם עברים את הירדן הזה לבוא לרשׁת את הארץ אשׁר יהוה אלהיכם נתן לכם לרשׁתה׃
1 Samuel 26:13
13 ויעבר דוד העבר ויעמד על ראשׁ ההר מרחק רב המקום ביניהם׃
2 Kings 20:5
5 שׁוב ואמרת אל חזקיהו נגיד עמי כה אמר יהוה אלהי דוד אביך שׁמעתי את תפלתך ראיתי את דמעתך הנני רפא לך ביום השׁלישׁי תעלה בית יהוה׃
Esther 5:1
1 ויהי ביום השׁלישׁי ותלבשׁ אסתר מלכות ותעמד בחצר בית המלך הפנימית נכח בית המלך והמלך יושׁב על כסא מלכותו בבית המלכות נכח פתח הבית׃
Hosea 6:2
2 יחינו מימים ביום השׁלישׁי יקמנו ונחיה לפניו׃
Isaiah 53:6
6 כלנו כצאן תעינו אישׁ לדרכו פנינו ויהוה הפגיע בו את עון כלנו׃
Genesis 4:2-4
Genesis 8:20
20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃
Exodus 12:3
3 דברו אל כל עדת ישׂראל לאמר בעשׂר לחדשׁ הזה ויקחו להם אישׁ שׂה לבית אבת שׂה לבית׃
Genesis 18:14
14 היפלא מיהוה דבר למועד אשׁוב אליך כעת חיה ולשׂרה בן׃
2 Chronicles 25:9
9 ויאמר אמציהו לאישׁ האלהים ומה לעשׂות למאת הככר אשׁר נתתי לגדוד ישׂראל ויאמר אישׁ האלהים ישׁ ליהוה לתת לך הרבה מזה׃
Genesis 12:7
7 וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃
Genesis 22:2-4
Psalms 118:27
27 אל יהוה ויאר לנו אסרו חג בעבתים עד קרנות המזבח׃
Isaiah 53:4-10
4 אכן חלינו הוא נשׂא ומכאבינו סבלם ואנחנו חשׁבנהו נגוע מכה אלהים ומענה׃5 והוא מחלל מפשׁענו מדכא מעונתינו מוסר שׁלומנו עליו ובחברתו נרפא׃6 כלנו כצאן תעינו אישׁ לדרכו פנינו ויהוה הפגיע בו את עון כלנו׃7 נגשׂ והוא נענה ולא יפתח פיו כשׂה לטבח יובל וכרחל לפני גזזיה נאלמה ולא יפתח פיו׃8 מעצר וממשׁפט לקח ואת דורו מי ישׂוחח כי נגזר מארץ חיים מפשׁע עמי נגע׃9 ויתן את רשׁעים קברו ואת עשׁיר במתיו על לא חמס עשׂה ולא מרמה בפיו׃10 ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃
Isaiah 53:6-12
6 כלנו כצאן תעינו אישׁ לדרכו פנינו ויהוה הפגיע בו את עון כלנו׃7 נגשׂ והוא נענה ולא יפתח פיו כשׂה לטבח יובל וכרחל לפני גזזיה נאלמה ולא יפתח פיו׃8 מעצר וממשׁפט לקח ואת דורו מי ישׂוחח כי נגזר מארץ חיים מפשׁע עמי נגע׃9 ויתן את רשׁעים קברו ואת עשׁיר במתיו על לא חמס עשׂה ולא מרמה בפיו׃10 ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃11 מעמל נפשׁו יראה ישׂבע בדעתו יצדיק צדיק עבדי לרבים ועונתם הוא יסבל׃12 לכן אחלק לו ברבים ואת עצומים יחלק שׁלל תחת אשׁר הערה למות נפשׁו ואת פשׁעים נמנה והוא חטא רבים נשׂא ולפשׁעים יפגיע׃
Genesis 16:7
7 וימצאה מלאך יהוה על עין המים במדבר על העין בדרך שׁור׃
Genesis 16:9-10
Genesis 21:17
17 וישׁמע אלהים את קול הנער ויקרא מלאך אלהים אל הגר מן השׁמים ויאמר לה מה לך הגר אל תיראי כי שׁמע אלהים אל קול הנער באשׁר הוא שׁם׃
Genesis 22:1
1 ויהי אחר הדברים האלה והאלהים נסה את אברהם ויאמר אליו אברהם ויאמר הנני׃
1 Samuel 3:10
10 ויבא יהוה ויתיצב ויקרא כפעם בפעם שׁמואל שׁמואל ויאמר שׁמואל דבר כי שׁמע עבדך׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Genesis 22:2
2 ויאמר קח נא את בנך את יחידך אשׁר אהבת את יצחק ולך לך אל ארץ המריה והעלהו שׁם לעלה על אחד ההרים אשׁר אמר אליך׃
Genesis 26:5
5 עקב אשׁר שׁמע אברהם בקלי וישׁמר משׁמרתי מצותי חקותי ותורתי׃
Genesis 42:18
18 ויאמר אלהם יוסף ביום השׁלישׁי זאת עשׂו וחיו את האלהים אני ירא׃
Exodus 20:20
20 ויאמר משׁה אל העם אל תיראו כי לבעבור נסות אתכם בא האלהים ובעבור תהיה יראתו על פניכם לבלתי תחטאו׃
1 Samuel 12:24-25
1 Samuel 15:22
22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Job 5:19
19 בשׁשׁ צרות יצילך ובשׁבע לא יגע בך רע׃
Job 28:28
28 ויאמר לאדם הן יראת אדני היא חכמה וסור מרע בינה׃
Psalms 1:6
6 כי יודע יהוה דרך צדיקים ודרך רשׁעים תאבד׃
Psalms 2:11
11 עבדו את יהוה ביראה וגילו ברעדה׃
Psalms 25:12
12 מי זה האישׁ ירא יהוה יורנו בדרך יבחר׃
Psalms 25:14
14 סוד יהוה ליראיו ובריתו להודיעם׃
Psalms 111:10-112:1
10 ראשׁית חכמה יראת יהוה שׂכל טוב לכל עשׂיהם תהלתו עמדת לעד׃
Psalms 147:11
11 רוצה יהוה את יראיו את המיחלים לחסדו׃
Proverbs 1:7
7 יראת יהוה ראשׁית דעת חכמה ומוסר אוילים בזו׃
Ecclesiastes 8:12-13
Ecclesiastes 12:13
13 סוף דבר הכל נשׁמע את האלהים ירא ואת מצותיו שׁמור כי זה כל האדם׃
Jeremiah 19:5
5 ובנו את במות הבעל לשׂרף את בניהם באשׁ עלות לבעל אשׁר לא צויתי ולא דברתי ולא עלתה על לבי׃
Jeremiah 32:40
40 וכרתי להם ברית עולם אשׁר לא אשׁוב מאחריהם להיטיבי אותם ואת יראתי אתן בלבבם לבלתי סור מעלי׃
Micah 6:6-8
Malachi 4:2
2 (3:20) וזרחה לכם יראי שׁמי שׁמשׁ צדקה ומרפא בכנפיה ויצאתם ופשׁתם כעגלי מרבק׃
Genesis 22:8
8 ויאמר אברהם אלהים יראה לו השׂה לעלה בני וילכו שׁניהם יחדו׃
Psalms 40:6-8
Psalms 89:19-20
Isaiah 30:21
21 ואזניך תשׁמענה דבר מאחריך לאמר זה הדרך לכו בו כי תאמינו וכי תשׂמאילו׃
Genesis 16:13-14
Genesis 22:13
13 וישׂא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו׃
Genesis 28:19
19 ויקרא את שׁם המקום ההוא בית אל ואולם לוז שׁם העיר לראשׁנה׃
Genesis 32:30
30 (32:31) ויקרא יעקב שׁם המקום פניאל כי ראיתי אלהים פנים אל פנים ותנצל נפשׁי׃
Exodus 17:15
15 ויבן משׁה מזבח ויקרא שׁמו יהוה נסי׃
Deuteronomy 32:36
36 כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב׃
Judges 6:24
24 ויבן שׁם גדעון מזבח ליהוה ויקרא לו יהוה שׁלום עד היום הזה עודנו בעפרת אבי העזרי׃
1 Samuel 7:12
12 ויקח שׁמואל אבן אחת וישׂם בין המצפה ובין השׁן ויקרא את שׁמה אבן העזר ויאמר עד הנה עזרנו יהוה׃
Psalms 22:4-5
Ezekiel 48:35
35 סביב שׁמנה עשׂר אלף ושׁם העיר מיום יהוה שׁמה׃
Daniel 3:17-25
17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃18 והן לא ידיע להוא לך מלכא די לאלהיך לא איתינא פלחין ולצלם דהבא די הקימת לא נסגד׃19 באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃20 ולגברין גברי חיל די בחילה אמר לכפתה לשׁדרך מישׁך ועבד נגו למרמא לאתון נורא יקדתא׃21 באדין גבריא אלך כפתו בסרבליהון פטישׁיהון וכרבלתהון ולבשׁיהון ורמיו לגוא אתון נורא יקדתא׃22 כל קבל דנה מן די מלת מלכא מחצפה ואתונא אזה יתירא גבריא אלך די הסקו לשׁדרך מישׁך ועבד נגו קטל המון שׁביבא די נורא׃23 וגבריא אלך תלתהון שׁדרך מישׁך ועבד נגו נפלו לגוא אתון נורא יקדתא מכפתין׃24 אדין נבוכדנצר מלכא תוה וקם בהתבהלה ענה ואמר להדברוהי הלא גברין תלתא רמינא לגוא נורא מכפתין ענין ואמרין למלכא יציבא מלכא׃25 ענה ואמר הא אנה חזה גברין ארבעה שׁרין מהלכין בגוא נורא וחבל לא איתי בהון ורוה די רביעיא דמה לבר אלהין׃
Micah 4:10
10 חולי וגחי בת ציון כיולדה כי עתה תצאי מקריה ושׁכנת בשׂדה ובאת עד בבל שׁם תנצלי שׁם יגאלך יהוה מכף איביך׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Psalms 105:9
9 אשׁר כרת את אברהם ושׁבועתו לישׂחק׃
Isaiah 45:23
23 בי נשׁבעתי יצא מפי צדקה דבר ולא ישׁוב כי לי תכרע כל ברך תשׁבע כל לשׁון׃
Jeremiah 49:13
13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃
Jeremiah 51:14
14 נשׁבע יהוה צבאות בנפשׁו כי אם מלאתיך אדם כילק וענו עליך הידד׃
Amos 6:8
8 נשׁבע אדני יהוה בנפשׁו נאם יהוה אלהי צבאות מתאב אנכי את גאון יעקב וארמנתיו שׂנאתי והסגרתי עיר ומלאה׃
Genesis 13:16
16 ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃
Genesis 15:5
5 ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃
Genesis 17:6
6 והפרתי אתך במאד מאד ונתתיך לגוים ומלכים ממך יצאו׃
Genesis 24:60
60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃
Genesis 26:4
4 והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃
Genesis 27:28-29
Genesis 28:3
3 ואל שׁדי יברך אתך ויפרך וירבך והיית לקהל עמים׃
Genesis 28:14-22
14 והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃15 והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃16 וייקץ יעקב משׁנתו ויאמר אכן ישׁ יהוה במקום הזה ואנכי לא ידעתי׃17 ויירא ויאמר מה נורא המקום הזה אין זה כי אם בית אלהים וזה שׁער השׁמים׃18 וישׁכם יעקב בבקר ויקח את האבן אשׁר שׂם מראשׁתיו וישׂם אתה מצבה ויצק שׁמן על ראשׁה׃19 ויקרא את שׁם המקום ההוא בית אל ואולם לוז שׁם העיר לראשׁנה׃20 וידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ׃21 ושׁבתי בשׁלום אל בית אבי והיה יהוה לי לאלהים׃22 והאבן הזאת אשׁר שׂמתי מצבה יהיה בית אלהים וכל אשׁר תתן לי עשׂר אעשׂרנו׃
Genesis 32:12
12 (32:13) ואתה אמרת היטב איטיב עמך ושׂמתי את זרעך כחול הים אשׁר לא יספר מרב׃
Genesis 49:25-26
Numbers 24:17-19
Deuteronomy 1:10
10 יהוה אלהיכם הרבה אתכם והנכם היום ככוכבי השׁמים לרב׃
Deuteronomy 21:19
19 ותפשׂו בו אביו ואמו והוציאו אתו אל זקני עירו ואל שׁער מקמו׃
Deuteronomy 28:2-13
2 ובאו עליך כל הברכות האלה והשׂיגך כי תשׁמע בקול יהוה אלהיך׃3 ברוך אתה בעיר וברוך אתה בשׂדה׃4 ברוך פרי בטנך ופרי אדמתך ופרי בהמתך שׁגר אלפיך ועשׁתרות צאנך׃5 ברוך טנאך ומשׁארתך׃6 ברוך אתה בבאך וברוך אתה בצאתך׃7 יתן יהוה את איביך הקמים עליך נגפים לפניך בדרך אחד יצאו אליך ובשׁבעה דרכים ינוסו לפניך׃8 יצו יהוה אתך את הברכה באסמיך ובכל משׁלח ידך וברכך בארץ אשׁר יהוה אלהיך נתן׃9 יקימך יהוה לו לעם קדושׁ כאשׁר נשׁבע לך כי תשׁמר את מצות יהוה אלהיך והלכת בדרכיו׃10 וראו כל עמי הארץ כי שׁם יהוה נקרא עליך ויראו ממך׃11 והותרך יהוה לטובה בפרי בטנך ובפרי בהמתך ובפרי אדמתך על האדמה אשׁר נשׁבע יהוה לאבתיך לתת׃12 יפתח יהוה לך את אוצרו הטוב את השׁמים לתת מטר ארצך בעתו ולברך את כל מעשׂה ידך והלוית גוים רבים ואתה לא תלוה׃13 ונתנך יהוה לראשׁ ולא לזנב והיית רק למעלה ולא תהיה למטה כי תשׁמע אל מצות יהוה אלהיך אשׁר אנכי מצוך היום לשׁמר ולעשׂות׃
Joshua 1:1-10
1 ויהי אחרי מות משׁה עבד יהוה ויאמר יהוה אל יהושׁע בן נון משׁרת משׁה לאמר׃2 משׁה עבדי מת ועתה קום עבר את הירדן הזה אתה וכל העם הזה אל הארץ אשׁר אנכי נתן להם לבני ישׂראל׃3 כל מקום אשׁר תדרך כף רגלכם בו לכם נתתיו כאשׁר דברתי אל משׁה׃4 מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השׁמשׁ יהיה גבולכם׃5 לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃6 חזק ואמץ כי אתה תנחיל את העם הזה את הארץ אשׁר נשׁבעתי לאבותם לתת׃7 רק חזק ואמץ מאד לשׁמר לעשׂות ככל התורה אשׁר צוך משׁה עבדי אל תסור ממנו ימין ושׂמאול למען תשׂכיל בכל אשׁר תלך׃8 לא ימושׁ ספר התורה הזה מפיך והגית בו יומם ולילה למען תשׁמר לעשׂות ככל הכתוב בו כי אז תצליח את דרכך ואז תשׂכיל׃9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃10 ויצו יהושׁע את שׁטרי העם לאמר׃
2 Samuel 8:1-18
1 ויהי אחרי כן ויך דוד את פלשׁתים ויכניעם ויקח דוד את מתג האמה מיד פלשׁתים׃2 ויך את מואב וימדדם בחבל השׁכב אותם ארצה וימדד שׁני חבלים להמית ומלא החבל להחיות ותהי מואב לדוד לעבדים נשׂאי מנחה׃3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃7 ויקח דוד את שׁלטי הזהב אשׁר היו אל עבדי הדדעזר ויביאם ירושׁלם׃8 ומבטח ומברתי ערי הדדעזר לקח המלך דוד נחשׁת הרבה מאד׃9 וישׁמע תעי מלך חמת כי הכה דוד את כל חיל הדדעזר׃10 וישׁלח תעי את יורם בנו אל המלך דוד לשׁאל לו לשׁלום ולברכו על אשׁר נלחם בהדדעזר ויכהו כי אישׁ מלחמות תעי היה הדדעזר ובידו היו כלי כסף וכלי זהב וכלי נחשׁת׃11 גם אתם הקדישׁ המלך דוד ליהוה עם הכסף והזהב אשׁר הקדישׁ מכל הגוים אשׁר כבשׁ׃12 מארם וממואב ומבני עמון ומפלשׁתים ומעמלק ומשׁלל הדדעזר בן רחב מלך צובה׃13 ויעשׂ דוד שׁם בשׁבו מהכותו את ארם בגיא מלח שׁמונה עשׂר אלף׃14 וישׂם באדום נצבים בכל אדום שׂם נצבים ויהי כל אדום עבדים לדוד ויושׁע יהוה את דוד בכל אשׁר הלך׃15 וימלך דוד על כל ישׂראל ויהי דוד עשׂה משׁפט וצדקה לכל עמו׃16 ויואב בן צרויה על הצבא ויהושׁפט בן אחילוד מזכיר׃17 וצדוק בן אחיטוב ואחימלך בן אביתר כהנים ושׂריה סופר׃18 ובניהו בן יהוידע והכרתי והפלתי ובני דוד כהנים היו׃
2 Samuel 10:1-19
1 ויהי אחרי כן וימת מלך בני עמון וימלך חנון בנו תחתיו׃2 ויאמר דוד אעשׂה חסד עם חנון בן נחשׁ כאשׁר עשׂה אביו עמדי חסד וישׁלח דוד לנחמו ביד עבדיו אל אביו ויבאו עבדי דוד ארץ בני עמון׃3 ויאמרו שׂרי בני עמון אל חנון אדניהם המכבד דוד את אביך בעיניך כי שׁלח לך מנחמים הלוא בעבור חקור את העיר ולרגלה ולהפכה שׁלח דוד את עבדיו אליך׃4 ויקח חנון את עבדי דוד ויגלח את חצי זקנם ויכרת את מדויהם בחצי עד שׁתותיהם וישׁלחם׃5 ויגדו לדוד וישׁלח לקראתם כי היו האנשׁים נכלמים מאד ויאמר המלך שׁבו בירחו עד יצמח זקנכם ושׁבתם׃6 ויראו בני עמון כי נבאשׁו בדוד וישׁלחו בני עמון וישׂכרו את ארם בית רחוב ואת ארם צובא עשׂרים אלף רגלי ואת מלך מעכה אלף אישׁ ואישׁ טוב שׁנים עשׂר אלף אישׁ׃7 וישׁמע דוד וישׁלח את יואב ואת כל הצבא הגברים׃8 ויצאו בני עמון ויערכו מלחמה פתח השׁער וארם צובא ורחוב ואישׁ טוב ומעכה לבדם בשׂדה׃9 וירא יואב כי היתה אליו פני המלחמה מפנים ומאחור ויבחר מכל בחורי בישׂראל ויערך לקראת ארם׃10 ואת יתר העם נתן ביד אבשׁי אחיו ויערך לקראת בני עמון׃11 ויאמר אם תחזק ארם ממני והיתה לי לישׁועה ואם בני עמון יחזקו ממך והלכתי להושׁיע׃12 חזק ונתחזק בעד עמנו ובעד ערי אלהינו ויהוה יעשׂה הטוב בעיניו׃13 ויגשׁ יואב והעם אשׁר עמו למלחמה בארם וינסו מפניו׃14 ובני עמון ראו כי נס ארם וינסו מפני אבישׁי ויבאו העיר וישׁב יואב מעל בני עמון ויבא ירושׁלם׃15 וירא ארם כי נגף לפני ישׂראל ויאספו יחד׃16 וישׁלח הדדעזר ויצא את ארם אשׁר מעבר הנהר ויבאו חילם ושׁובך שׂר צבא הדדעזר לפניהם׃17 ויגד לדוד ויאסף את כל ישׂראל ויעבר את הירדן ויבא חלאמה ויערכו ארם לקראת דוד וילחמו עמו׃18 וינס ארם מפני ישׂראל ויהרג דוד מארם שׁבע מאות רכב וארבעים אלף פרשׁים ואת שׁובך שׂר צבאו הכה וימת שׁם׃19 ויראו כל המלכים עבדי הדדעזר כי נגפו לפני ישׂראל וישׁלמו את ישׂראל ויעבדום ויראו ארם להושׁיע עוד את בני עמון׃
1 Kings 9:26
26 ואני עשׂה המלך שׁלמה בעציון גבר אשׁר את אלות על שׂפת ים סוף בארץ אדום׃
Psalms 2:8-9
Psalms 72:8-9
Jeremiah 32:22
22 ותתן להם את הארץ הזאת אשׁר נשׁבעת לאבותם לתת להם ארץ זבת חלב ודבשׁ׃
Jeremiah 33:22
22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃
Daniel 2:44-45
Micah 1:9
9 כי אנושׁה מכותיה כי באה עד יהודה נגע עד שׁער עמי עד ירושׁלם׃
Genesis 12:3
3 ואברכה מברכיך ומקללך אאר ונברכו בך כל משׁפחת האדמה׃
Genesis 18:18
18 ואברהם היו יהיה לגוי גדול ועצום ונברכו בו כל גויי הארץ׃
Genesis 22:3
3 וישׁכם אברהם בבקר ויחבשׁ את חמרו ויקח את שׁני נעריו אתו ואת יצחק בנו ויבקע עצי עלה ויקם וילך אל המקום אשׁר אמר לו האלהים׃
Genesis 22:10
10 וישׁלח אברהם את ידו ויקח את המאכלת לשׁחט את בנו׃
Genesis 26:4-5
1 Samuel 2:30
30 לכן נאם יהוה אלהי ישׂראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו׃
Psalms 72:17
17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃
Jeremiah 7:23
23 כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃
Genesis 21:31
31 על כן קרא למקום ההוא באר שׁבע כי שׁם נשׁבעו שׁניהם׃
Joshua 15:28
28 וחצר שׁועל ובאר שׁבע ובזיותיה׃
Judges 20:1
1 ויצאו כל בני ישׂראל ותקהל העדה כאישׁ אחד למדן ועד באר שׁבע וארץ הגלעד אל יהוה המצפה׃
Genesis 11:26
26 ויחי תרח שׁבעים שׁנה ויולד את אברם את נחור ואת הרן׃
Genesis 11:29
29 ויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה׃
Genesis 24:10
10 ויקח העבד עשׂרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃
Genesis 24:15
15 ויהי הוא טרם כלה לדבר והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה׃
Genesis 24:24
24 ותאמר אליו בת בתואל אנכי בן מלכה אשׁר ילדה לנחור׃
Genesis 31:53
53 אלהי אברהם ואלהי נחור ישׁפטו בינינו אלהי אביהם וישׁבע יעקב בפחד אביו יצחק׃
Proverbs 25:25
25 מים קרים על נפשׁ עיפה ושׁמועה טובה מארץ מרחק׃
Numbers 23:7
7 וישׂא משׁלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישׂראל׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Job 32:2
2 ויחר אף אליהוא בן ברכאל הבוזי ממשׁפחת רם באיוב חרה אפו על צדקו נפשׁו מאלהים׃
Psalms 60:1-12
1 למנצח על שׁושׁן עדות מכתם לדוד ללמד׃ (60:2) בהצותו את ארם נהרים ואת ארם צובה וישׁב יואב ויך את אדום בגיא מלח שׁנים עשׂר אלף׃ (60:3) אלהים זנחתנו פרצתנו אנפת תשׁובב2 (60:4) הרעשׁתה ארץ פצמתה רפה שׁבריה כי מטה׃3 (60:5) הראיתה עמך קשׁה השׁקיתנו יין תרעלה׃4 (60:6) נתתה ליראיך נס להתנוסס מפני קשׁט סלה׃5 (60:7) למען יחלצון ידידיך הושׁיעה ימינך ועננו׃6 (60:8) אלהים דבר בקדשׁו אעלזה אחלקה שׁכם ועמק סכות אמדד׃7 (60:9) לי גלעד ולי מנשׁה ואפרים מעוז ראשׁי יהודה מחקקי׃8 (60:10) מואב סיר רחצי על אדום אשׁליך נעלי עלי פלשׁת התרעעי׃9 (60:11) מי יבלני עיר מצור מי נחני עד אדום׃10 (60:12) הלא אתה אלהים זנחתנו ולא תצא אלהים בצבאותינו׃11 (60:13) הבה לנו עזרת מצר ושׁוא תשׁועת אדם׃12 (60:14) באלהים נעשׂה חיל והוא יבוס צרינו׃
Genesis 24:47
47 ואשׁאל אתה ואמר בת מי את ותאמר בת בתואל בן נחור אשׁר ילדה לו מלכה ואשׂם הנזם על אפה והצמידים על ידיה׃
Genesis 24:51
51 הנה רבקה לפניך קח ולך ותהי אשׁה לבן אדניך כאשׁר דבר יהוה׃
Genesis 24:67
67 ויבאה יצחק האהלה שׂרה אמו ויקח את רבקה ותהי לו לאשׁה ויאהבה וינחם יצחק אחרי אמו׃
Genesis 25:20
20 ויהי יצחק בן ארבעים שׁנה בקחתו את רבקה בת בתואל הארמי מפדן ארם אחות לבן הארמי לו לאשׁה׃
Genesis 28:2
2 קום לך פדנה ארם ביתה בתואל אבי אמך וקח לך משׁם אשׁה מבנות לבן אחי אמך׃
Genesis 28:5
5 וישׁלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשׂו׃
Genesis 16:3
3 ותקח שׂרי אשׁת אברם את הגר המצרית שׁפחתה מקץ עשׂר שׁנים לשׁבת אברם בארץ כנען ותתן אתה לאברם אישׁה לו לאשׁה׃
Genesis 25:6
6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃
Proverbs 15:25
25 בית גאים יסח יהוה ויצב גבול אלמנה׃