36 ועשׂית ציץ זהב טהור ופתחת עליו פתוחי חתם קדשׁ ליהוה׃
Exodus 28:36 Cross References - HOT
Exodus 28:9
9 ולקחת את שׁתי אבני שׁהם ופתחת עליהם שׁמות בני ישׂראל׃
Exodus 28:11
11 מעשׂה חרשׁ אבן פתוחי חתם תפתח את שׁתי האבנים על שׁמת בני ישׂראל מסבת משׁבצות זהב תעשׂה אתם׃
Exodus 39:30
30 ויעשׂו את ציץ נזר הקדשׁ זהב טהור ויכתבו עליו מכתב פתוחי חותם קדשׁ ליהוה׃
Leviticus 8:9
9 וישׂם את המצנפת על ראשׁו וישׂם על המצנפת אל מול פניו את ציץ הזהב נזר הקדשׁ כאשׁר צוה יהוה את משׁה׃
Leviticus 10:3
3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃
Leviticus 19:2
2 דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃
Psalms 93:5
5 עדתיך נאמנו מאד לביתך נאוה קדשׁ יהוה לארך ימים׃
Ezekiel 43:12
12 זאת תורת הבית על ראשׁ ההר כל גבלו סביב סביב קדשׁ קדשׁים הנה זאת תורת הבית׃
Zechariah 14:20
20 ביום ההוא יהיה על מצלות הסוס קדשׁ ליהוה והיה הסירות בבית יהוה כמזרקים לפני המזבח׃