10 ויראו את אלהי ישׂראל ותחת רגליו כמעשׂה לבנת הספיר וכעצם השׁמים לטהר׃
Exodus 24:10 Cross References - HOT
Genesis 32:30
30 (32:31) ויקרא יעקב שׁם המקום פניאל כי ראיתי אלהים פנים אל פנים ותנצל נפשׁי׃
Exodus 3:6
6 ויאמר אנכי אלהי אביך אלהי אברהם אלהי יצחק ואלהי יעקב ויסתר משׁה פניו כי ירא מהביט אל האלהים׃
Exodus 33:20
20 ויאמר לא תוכל לראת את פני כי לא יראני האדם וחי׃
Exodus 33:23
23 והסרתי את כפי וראית את אחרי ופני לא יראו׃
Judges 13:21-22
1 Kings 22:19
19 ויאמר לכן שׁמע דבר יהוה ראיתי את יהוה ישׁב על כסאו וכל צבא השׁמים עמד עליו מימינו ומשׂמאלו׃
Song of Songs 6:10
10 מי זאת הנשׁקפה כמו שׁחר יפה כלבנה ברה כחמה אימה כנדגלות׃
Isaiah 6:1-5
1 בשׁנת מות המלך עזיהו ואראה את אדני ישׁב על כסא רם ונשׂא ושׁוליו מלאים את ההיכל׃2 שׂרפים עמדים ממעל לו שׁשׁ כנפים שׁשׁ כנפים לאחד בשׁתים יכסה פניו ובשׁתים יכסה רגליו ובשׁתים יעופף׃3 וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃4 וינעו אמות הספים מקול הקורא והבית ימלא עשׁן׃5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃
Ezekiel 1:26-28
26 וממעל לרקיע אשׁר על ראשׁם כמראה אבן ספיר דמות כסא ועל דמות הכסא דמות כמראה אדם עליו מלמעלה׃27 וארא כעין חשׁמל כמראה אשׁ בית לה סביב ממראה מתניו ולמעלה וממראה מתניו ולמטה ראיתי כמראה אשׁ ונגה לו סביב׃28 כמראה הקשׁת אשׁר יהיה בענן ביום הגשׁם כן מראה הנגה סביב הוא מראה דמות כבוד יהוה ואראה ואפל על פני ואשׁמע קול מדבר׃
Ezekiel 10:1
1 ואראה והנה אל הרקיע אשׁר על ראשׁ הכרבים כאבן ספיר כמראה דמות כסא נראה עליהם׃