Exodus 20:15 Cross References - HOT

15 לא תגנב׃

Exodus 21:16

16 וגנב אישׁ ומכרו ונמצא בידו מות יומת׃

Leviticus 6:1-7

1 (5:20) וידבר יהוה אל משׁה לאמר׃2 (5:21) נפשׁ כי תחטא ומעלה מעל ביהוה וכחשׁ בעמיתו בפקדון או בתשׂומת יד או בגזל או עשׁק את עמיתו׃3 (5:22) או מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה׃4 (5:23) והיה כי יחטא ואשׁם והשׁיב את הגזלה אשׁר גזל או את העשׁק אשׁר עשׁק או את הפקדון אשׁר הפקד אתו או את האבדה אשׁר מצא׃5 (5:24) או מכל אשׁר ישׁבע עליו לשׁקר ושׁלם אתו בראשׁו וחמשׁתיו יסף עליו לאשׁר הוא לו יתננו ביום אשׁמתו׃6 (5:25) ואת אשׁמו יביא ליהוה איל תמים מן הצאן בערכך לאשׁם אל הכהן׃7 (5:26) וכפר עליו הכהן לפני יהוה ונסלח לו על אחת מכל אשׁר יעשׂה לאשׁמה׃

Leviticus 19:11

11 לא תגנבו ולא תכחשׁו ולא תשׁקרו אישׁ בעמיתו׃

Leviticus 19:13

13 לא תעשׁק את רעך ולא תגזל לא תלין פעלת שׂכיר אתך עד בקר׃

Leviticus 19:35-37

35 לא תעשׂו עול במשׁפט במדה במשׁקל ובמשׂורה׃36 מאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים׃37 ושׁמרתם את כל חקתי ואת כל משׁפטי ועשׂיתם אתם אני יהוה׃

Deuteronomy 24:7

7 כי ימצא אישׁ גנב נפשׁ מאחיו מבני ישׂראל והתעמר בו ומכרו ומת הגנב ההוא ובערת הרע מקרבך׃

Deuteronomy 25:13-16

13 לא יהיה לך בכיסך אבן ואבן גדולה וקטנה׃14 לא יהיה לך בביתך איפה ואיפה גדולה וקטנה׃15 אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃16 כי תועבת יהוה אלהיך כל עשׂה אלה כל עשׂה עול׃

Job 20:19-22

19 כי רצץ עזב דלים בית גזל ולא יבנהו׃20 כי לא ידע שׁלו בבטנו בחמודו לא ימלט׃21 אין שׂריד לאכלו על כן לא יחיל טובו׃22 במלאות שׂפקו יצר לו כל יד עמל תבואנו׃

Proverbs 1:13-15

13 כל הון יקר נמצא נמלא בתינו שׁלל׃14 גורלך תפיל בתוכנו כיס אחד יהיה לכלנו׃15 בני אל תלך בדרך אתם מנע רגלך מנתיבתם׃

Proverbs 11:1

1 מאזני מרמה תועבת יהוה ואבן שׁלמה רצונו׃

Amos 3:10

10 ולא ידעו עשׂות נכחה נאם יהוה האוצרים חמס ושׁד בארמנותיהם׃

Amos 8:4-6

4 שׁמעו זאת השׁאפים אביון ולשׁבית ענוי ארץ׃5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃6 לקנות בכסף דלים ואביון בעבור נעלים ומפל בר נשׁביר׃

Micah 6:10-11

10 עוד האשׁ בית רשׁע אצרות רשׁע ואיפת רזון זעומה׃11 האזכה במאזני רשׁע ובכיס אבני מרמה׃

Micah 7:3

3 על הרע כפים להיטיב השׂר שׁאל והשׁפט בשׁלום והגדול דבר הות נפשׁו הוא ויעבתוה׃

Zechariah 5:3-4

3 ויאמר אלי זאת האלה היוצאת על פני כל הארץ כי כל הגנב מזה כמוה נקה וכל הנשׁבע מזה כמוה נקה׃4 הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.