Ecclesiastes 5:1 Cross References - HOT

¹ (4:17) שׁמר רגליך כאשׁר תלך אל בית האלהים וקרוב לשׁמע מתת הכסילים זבח כי אינם יודעים לעשׂות רע׃

Genesis 4:3-5

³ ויהי מקץ ימים ויבא קין מפרי האדמה מנחה ליהוה׃⁴ והבל הביא גם הוא מבכרות צאנו ומחלבהן וישׁע יהוה אל הבל ואל מנחתו׃⁵ ואל קין ואל מנחתו לא שׁעה ויחר לקין מאד ויפלו פניו׃

Genesis 28:16-17

¹⁶ וייקץ יעקב משׁנתו ויאמר אכן ישׁ יהוה במקום הזה ואנכי לא ידעתי׃¹⁷ ויירא ויאמר מה נורא המקום הזה אין זה כי אם בית אלהים וזה שׁער השׁמים׃

Exodus 3:5

⁵ ויאמר אל תקרב הלם שׁל נעליך מעל רגליך כי המקום אשׁר אתה עומד עליו אדמת קדשׁ הוא׃

Leviticus 10:3

³ ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃

Joshua 5:15

¹⁵ ויאמר שׂר צבא יהוה אל יהושׁע שׁל נעלך מעל רגלך כי המקום אשׁר אתה עמד עליו קדשׁ הוא ויעשׂ יהושׁע כן׃

1 Samuel 13:12-13

¹² ואמר עתה ירדו פלשׁתים אלי הגלגל ופני יהוה לא חליתי ואתאפק ואעלה העלה׃¹³ ויאמר שׁמואל אל שׁאול נסכלת לא שׁמרת את מצות יהוה אלהיך אשׁר צוך כי עתה הכין יהוה את ממלכתך אל ישׂראל עד עולם׃

1 Samuel 15:21-22

²¹ ויקח העם מהשׁלל צאן ובקר ראשׁית החרם לזבח ליהוה אלהיך בגלגל׃²² ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃

2 Chronicles 26:16

¹⁶ וכחזקתו גבה לבו עד להשׁחית וימעל ביהוה אלהיו ויבא אל היכל יהוה להקטיר על מזבח הקטרת׃

⁸ לא על זבחיך אוכיחך ועולתיך לנגדי תמיד׃⁹ לא אקח מביתך פר ממכלאתיך עתודים׃¹⁰ כי לי כל חיתו יער בהמות בהררי אלף׃¹¹ ידעתי כל עוף הרים וזיז שׂדי עמדי׃¹² אם ארעב לא אמר לך כי לי תבל ומלאה׃¹³ האוכל בשׂר אבירים ודם עתודים אשׁתה׃¹⁴ זבח לאלהים תודה ושׁלם לעליון נדריך׃¹⁵ וקראני ביום צרה אחלצך ותכבדני׃¹⁶ ולרשׁע אמר אלהים מה לך לספר חקי ותשׂא בריתי עלי פיך׃¹⁷ ואתה שׂנאת מוסר ותשׁלך דברי אחריך׃¹⁸ אם ראית גנב ותרץ עמו ועם מנאפים חלקך׃

Psalms 89:7

⁷ (89:8) אל נערץ בסוד קדשׁים רבה ונורא על כל סביביו׃

Proverbs 15:8

⁸ זבח רשׁעים תועבת יהוה ותפלת ישׁרים רצונו׃

Proverbs 21:27

²⁷ זבח רשׁעים תועבה אף כי בזמה יביאנו׃

Isaiah 1:12-20

¹² כי תבאו לראות פני מי בקשׁ זאת מידכם רמס חצרי׃¹³ לא תוסיפו הביא מנחת שׁוא קטרת תועבה היא לי חדשׁ ושׁבת קרא מקרא לא אוכל און ועצרה׃¹⁴ חדשׁיכם ומועדיכם שׂנאה נפשׁי היו עלי לטרח נלאיתי נשׂא׃¹⁵ ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃¹⁶ רחצו הזכו הסירו רע מעלליכם מנגד עיני חדלו הרע׃¹⁷ למדו היטב דרשׁו משׁפט אשׁרו חמוץ שׁפטו יתום ריבו אלמנה׃¹⁸ לכו נא ונוכחה יאמר יהוה אם יהיו חטאיכם כשׁנים כשׁלג ילבינו אם יאדימו כתולע כצמר יהיו׃¹⁹ אם תאבו ושׁמעתם טוב הארץ תאכלו׃²⁰ ואם תמאנו ומריתם חרב תאכלו כי פי יהוה דבר׃

Isaiah 66:3

³ שׁוחט השׁור מכה אישׁ זובח השׂה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשׁקוציהם נפשׁם חפצה׃

Jeremiah 7:21-23

²¹ כה אמר יהוה צבאות אלהי ישׂראל עלותיכם ספו על זבחיכם ואכלו בשׂר׃²² כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃²³ כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃

Hosea 6:6-7

⁶ כי חסד חפצתי ולא זבח ודעת אלהים מעלות׃⁷ והמה כאדם עברו ברית שׁם בגדו׃

Malachi 1:10-11

¹⁰ מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם׃¹¹ כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃