1 ויצו משׁה וזקני ישׂראל את העם לאמר שׁמר את כל המצוה אשׁר אנכי מצוה אתכם היום׃
Deuteronomy 27:1 Cross References - HOT
Deuteronomy 4:1-3
1 ועתה ישׂראל שׁמע אל החקים ואל המשׁפטים אשׁר אנכי מלמד אתכם לעשׂות למען תחיו ובאתם וירשׁתם את הארץ אשׁר יהוה אלהי אבתיכם נתן׃2 לא תספו על הדבר אשׁר אנכי מצוה אתכם ולא תגרעו ממנו לשׁמר את מצות יהוה אלהיכם אשׁר אנכי מצוה אתכם׃3 עיניכם הראות את אשׁר עשׂה יהוה בבעל פעור כי כל האישׁ אשׁר הלך אחרי בעל פעור השׁמידו יהוה אלהיך מקרבך׃
Deuteronomy 11:32
32 ושׁמרתם לעשׂות את כל החקים ואת המשׁפטים אשׁר אנכי נתן לפניכם היום׃
Deuteronomy 26:16
16 היום הזה יהוה אלהיך מצוך לעשׂות את החקים האלה ואת המשׁפטים ושׁמרת ועשׂית אותם בכל לבבך ובכל נפשׁך׃