Deuteronomy 24:16 Cross References - HOT

16 לא יומתו אבות על בנים ובנים לא יומתו על אבות אישׁ בחטאו יומתו׃

2 Kings 14:5-6

5 ויהי כאשׁר חזקה הממלכה בידו ויך את עבדיו המכים את המלך אביו׃6 ואת בני המכים לא המית ככתוב בספר תורת משׁה אשׁר צוה יהוה לאמר לא יומתו אבות על בנים ובנים לא יומתו על אבות כי אם אישׁ בחטאו ימות׃

2 Chronicles 25:4

4 ואת בניהם לא המית כי ככתוב בתורה בספר משׁה אשׁר צוה יהוה לאמר לא ימותו אבות על בנים ובנים לא ימותו על אבות כי אישׁ בחטאו ימותו׃

Jeremiah 31:29-30

29 בימים ההם לא יאמרו עוד אבות אכלו בסר ושׁני בנים תקהינה׃30 כי אם אישׁ בעונו ימות כל האדם האכל הבסר תקהינה שׁניו׃

Ezekiel 18:20

20 הנפשׁ החטאת היא תמות בן לא ישׂא בעון האב ואב לא ישׂא בעון הבן צדקת הצדיק עליו תהיה ורשׁעת רשׁע עליו תהיה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.