2 Samuel 4:7 Cross References - HOT

7 ויבאו הבית והוא שׁכב על מטתו בחדר משׁכבו ויכהו וימתהו ויסירו את ראשׁו ויקחו את ראשׁו וילכו דרך הערבה כל הלילה׃

1 Samuel 17:54

54 ויקח דוד את ראשׁ הפלשׁתי ויבאהו ירושׁלם ואת כליו שׂם באהלו׃

1 Samuel 31:9

9 ויכרתו את ראשׁו ויפשׁיטו את כליו וישׁלחו בארץ פלשׁתים סביב לבשׂר בית עצביהם ואת העם׃

2 Samuel 2:29

29 ואבנר ואנשׁיו הלכו בערבה כל הלילה ההוא ויעברו את הירדן וילכו כל הבתרון ויבאו מחנים׃

2 Kings 10:6-7

6 ויכתב אליהם ספר שׁנית לאמר אם לי אתם ולקלי אתם שׁמעים קחו את ראשׁי אנשׁי בני אדניכם ובאו אלי כעת מחר יזרעאלה ובני המלך שׁבעים אישׁ את גדלי העיר מגדלים אותם׃7 ויהי כבא הספר אליהם ויקחו את בני המלך וישׁחטו שׁבעים אישׁ וישׂימו את ראשׁיהם בדודים וישׁלחו אליו יזרעאלה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.