16 ויעזבו את כל מצות יהוה אלהיהם ויעשׂו להם מסכה שׁנים עגלים ויעשׂו אשׁירה וישׁתחוו לכל צבא השׁמים ויעבדו את הבעל׃
2 Kings 17:16 Cross References - HOT
Exodus 32:4
4 ויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים׃
Exodus 32:8
8 סרו מהר מן הדרך אשׁר צויתם עשׂו להם עגל מסכה וישׁתחוו לו ויזבחו לו ויאמרו אלה אלהיך ישׂראל אשׁר העלוך מארץ מצרים׃
Deuteronomy 4:19
19 ופן תשׂא עיניך השׁמימה וראית את השׁמשׁ ואת הירח ואת הכוכבים כל צבא השׁמים ונדחת והשׁתחוית להם ועבדתם אשׁר חלק יהוה אלהיך אתם לכל העמים תחת כל השׁמים׃
1 Kings 12:28
28 ויועץ המלך ויעשׂ שׁני עגלי זהב ויאמר אלהם רב לכם מעלות ירושׁלם הנה אלהיך ישׂראל אשׁר העלוך מארץ מצרים׃
1 Kings 14:15
15 והכה יהוה את ישׂראל כאשׁר ינוד הקנה במים ונתשׁ את ישׂראל מעל האדמה הטובה הזאת אשׁר נתן לאבותיהם וזרם מעבר לנהר יען אשׁר עשׂו את אשׁריהם מכעיסים את יהוה׃
1 Kings 14:23
23 ויבנו גם המה להם במות ומצבות ואשׁרים על כל גבעה גבהה ותחת כל עץ רענן׃
1 Kings 15:13
13 וגם את מעכה אמו ויסרה מגבירה אשׁר עשׂתה מפלצת לאשׁרה ויכרת אסא את מפלצתה וישׂרף בנחל קדרון׃
1 Kings 16:31
31 ויהי הנקל לכתו בחטאות ירבעם בן נבט ויקח אשׁה את איזבל בת אתבעל מלך צידנים וילך ויעבד את הבעל וישׁתחו׃
1 Kings 16:33
33 ויעשׂ אחאב את האשׁרה ויוסף אחאב לעשׂות להכעיס את יהוה אלהי ישׂראל מכל מלכי ישׂראל אשׁר היו לפניו׃
1 Kings 22:53
53 (22:54) ויעבד את הבעל וישׁתחוה לו ויכעס את יהוה אלהי ישׂראל ככל אשׁר עשׂה אביו׃
2 Kings 10:18-28
18 ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃19 ועתה כל נביאי הבעל כל עבדיו וכל כהניו קראו אלי אישׁ אל יפקד כי זבח גדול לי לבעל כל אשׁר יפקד לא יחיה ויהוא עשׂה בעקבה למען האביד את עבדי הבעל׃20 ויאמר יהוא קדשׁו עצרה לבעל ויקראו׃21 וישׁלח יהוא בכל ישׂראל ויבאו כל עבדי הבעל ולא נשׁאר אישׁ אשׁר לא בא ויבאו בית הבעל וימלא בית הבעל פה לפה׃22 ויאמר לאשׁר על המלתחה הוצא לבושׁ לכל עבדי הבעל ויצא להם המלבושׁ׃23 ויבא יהוא ויהונדב בן רכב בית הבעל ויאמר לעבדי הבעל חפשׂו וראו פן ישׁ פה עמכם מעבדי יהוה כי אם עבדי הבעל לבדם׃24 ויבאו לעשׂות זבחים ועלות ויהוא שׂם לו בחוץ שׁמנים אישׁ ויאמר האישׁ אשׁר ימלט מן האנשׁים אשׁר אני מביא על ידיכם נפשׁו תחת נפשׁו׃25 ויהי ככלתו לעשׂות העלה ויאמר יהוא לרצים ולשׁלשׁים באו הכום אישׁ אל יצא ויכום לפי חרב וישׁלכו הרצים והשׁלשׁים וילכו עד עיר בית הבעל׃26 ויצאו את מצבות בית הבעל וישׂרפוה׃27 ויתצו את מצבת הבעל ויתצו את בית הבעל וישׂמהו למחראות עד היום׃28 וישׁמד יהוא את הבעל מישׂראל׃
2 Kings 11:18
18 ויבאו כל עם הארץ בית הבעל ויתצהו את מזבחתו ואת צלמיו שׁברו היטב ואת מתן כהן הבעל הרגו לפני המזבחות וישׂם הכהן פקדות על בית יהוה׃
2 Kings 17:10
10 ויצבו להם מצבות ואשׁרים על כל גבעה גבהה ותחת כל עץ רענן׃
2 Kings 21:3
3 וישׁב ויבן את הבמות אשׁר אבד חזקיהו אביו ויקם מזבחת לבעל ויעשׂ אשׁרה כאשׁר עשׂה אחאב מלך ישׂראל וישׁתחו לכל צבא השׁמים ויעבד אתם׃
Psalms 106:18-20
Isaiah 44:9-10
Jeremiah 8:2
2 ושׁטחום לשׁמשׁ ולירח ולכל צבא השׁמים אשׁר אהבום ואשׁר עבדום ואשׁר הלכו אחריהם ואשׁר דרשׁום ואשׁר השׁתחוו להם לא יאספו ולא יקברו לדמן על פני האדמה יהיו׃