2 Chronicles 32:29 Cross References - HOT

29 וערים עשׂה לו ומקנה צאן ובקר לרב כי נתן לו אלהים רכושׁ רב מאד׃

Genesis 13:2-6

2 ואברם כבד מאד במקנה בכסף ובזהב׃3 וילך למסעיו מנגב ועד בית אל עד המקום אשׁר היה שׁם אהלה בתחלה בין בית אל ובין העי׃4 אל מקום המזבח אשׁר עשׂה שׁם בראשׁנה ויקרא שׁם אברם בשׁם יהוה׃5 וגם ללוט ההלך את אברם היה צאן ובקר ואהלים׃6 ולא נשׂא אתם הארץ לשׁבת יחדו כי היה רכושׁם רב ולא יכלו לשׁבת יחדו׃

Deuteronomy 8:18

18 וזכרת את יהוה אלהיך כי הוא הנתן לך כח לעשׂות חיל למען הקים את בריתו אשׁר נשׁבע לאבתיך כיום הזה׃

1 Samuel 2:7

7 יהוה מורישׁ ומעשׁיר משׁפיל אף מרומם׃

1 Chronicles 27:29-31

29 ועל הבקר הרעים בשׁרון שׁטרי השׁרוני ועל הבקר בעמקים שׁפט בן עדלי׃30 ועל הגמלים אוביל הישׁמעלי ועל האתנות יחדיהו המרנתי׃31 ועל הצאן יזיז ההגרי כל אלה שׂרי הרכושׁ אשׁר למלך דויד׃

1 Chronicles 29:12

12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃

2 Chronicles 25:9

9 ויאמר אמציהו לאישׁ האלהים ומה לעשׂות למאת הככר אשׁר נתתי לגדוד ישׂראל ויאמר אישׁ האלהים ישׁ ליהוה לתת לך הרבה מזה׃

2 Chronicles 26:10

10 ויבן מגדלים במדבר ויחצב ברות רבים כי מקנה רב היה לו ובשׁפלה ובמישׁור אכרים וכרמים בהרים ובכרמל כי אהב אדמה היה׃

Job 1:3

3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃

Job 1:9

9 ויען השׂטן את יהוה ויאמר החנם ירא איוב אלהים׃

Job 42:12

12 ויהוה ברך את אחרית איוב מראשׁתו ויהי לו ארבעה עשׂר אלף צאן ושׁשׁת אלפים גמלים ואלף צמד בקר ואלף אתונות׃

Proverbs 10:22

22 ברכת יהוה היא תעשׁיר ולא יוסף עצב עמה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.