2 Chronicles 24:2 Cross References - HOT

2 ויעשׂ יואשׁ הישׁר בעיני יהוה כל ימי יהוידע הכהן׃

2 Kings 12:2

2 (12:3) ויעשׂ יהואשׁ הישׁר בעיני יהוה כל ימיו אשׁר הורהו יהוידע הכהן׃

2 Chronicles 24:17-22

17 ואחרי מות יהוידע באו שׂרי יהודה וישׁתחוו למלך אז שׁמע המלך אליהם׃18 ויעזבו את בית יהוה אלהי אבותיהם ויעבדו את האשׁרים ואת העצבים ויהי קצף על יהודה וירושׁלם באשׁמתם זאת׃19 וישׁלח בהם נבאים להשׁיבם אל יהוה ויעידו בם ולא האזינו׃20 ורוח אלהים לבשׁה את זכריה בן יהוידע הכהן ויעמד מעל לעם ויאמר להם כה אמר האלהים למה אתם עברים את מצות יהוה ולא תצליחו כי עזבתם את יהוה ויעזב אתכם׃21 ויקשׁרו עליו וירגמהו אבן במצות המלך בחצר בית יהוה׃22 ולא זכר יואשׁ המלך החסד אשׁר עשׂה יהוידע אביו עמו ויהרג את בנו וכמותו אמר ירא יהוה וידרשׁ׃

2 Chronicles 25:2

2 ויעשׂ הישׁר בעיני יהוה רק לא בלבב שׁלם׃

2 Chronicles 26:4-5

4 ויעשׂ הישׁר בעיני יהוה ככל אשׁר עשׂה אמציהו אביו׃5 ויהי לדרשׁ אלהים בימי זכריהו המבין בראת האלהים ובימי דרשׁו את יהוה הצליחו האלהים׃

Psalms 78:36-37

36 ויפתוהו בפיהם ובלשׁונם יכזבו׃37 ולבם לא נכון עמו ולא נאמנו בבריתו׃

Psalms 106:12-13

12 ויאמינו בדבריו ישׁירו תהלתו׃13 מהרו שׁכחו מעשׂיו לא חכו לעצתו׃

Isaiah 29:13

13 ויאמר אדני יען כי נגשׁ העם הזה בפיו ובשׂפתיו כבדוני ולבו רחק ממני ותהי יראתם אתי מצות אנשׁים מלמדה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.