Job 13:15 Cross References - Clementine_Vulgate

¹⁵ Etiam si occiderit me, in ipso sperabo: verumtamen vias meas in conspectu ejus arguam.

⁶ Dies mei velocius transierunt quam a texente tela succiditur, et consumpti sunt absque ulla spe.

⁷ et scias quia nihil impium fecerim, cum sit nemo qui de manu tua possit eruere?

¹⁸ Si fuero judicatus, scio quod justus inveniar.

¹⁷ (16:18) Hæc passus sum absque iniquitate manus meæ, cum haberem mundas ad Deum preces.

²¹ (16:22) atque utinam sic judicaretur vir cum Deo, quomodo judicatur filius hominis cum collega suo.

²⁵ Scio enim quod redemptor meus vivit, et in novissimo die de terra surrecturus sum: ²⁶ et rursum circumdabor pelle mea, et in carne mea videbo Deum meum: ²⁷ quem visurus sum ego ipse, et oculi mei conspecturi sunt, et non alius: reposita est hæc spes mea in sinu meo. ²⁸ Quare ergo nunc dicitis: Persequamur eum, et radicem verbi inveniamus contra eum?

⁴ Ponam coram eo judicium, et os meum replebo increpationibus: ⁵ ut sciam verba quæ mihi respondeat, et intelligam quid loquatur mihi. ⁶ Nolo multa fortitudine contendat mecum, nec magnitudinis suæ mole me premat. ⁷ Proponat æquitatem contra me, et perveniat ad victoriam judicium meum.

¹⁰ Ipse vero scit viam meam, et probavit me quasi aurum quod per ignem transit.

⁵ Absit a me ut justos vos esse judicem: donec deficiam, non recedam ab innocentia mea.

³¹ Si non dixerunt viri tabernaculi mei: Quis det de carnibus ejus, ut saturemur? ³² foris non mansit peregrinus: ostium meum viatori patuit. ³³ Si abscondi quasi homo peccatum meum, et celavi in sinu meo iniquitatem meam; ³⁴ si expavi ad multitudinem nimiam, et despectio propinquorum terruit me: et non magis tacui, nec egressus sum ostium. ³⁵ Quis mihi tribuat auditorem, ut desiderium meum audiat Omnipotens, et librum scribat ipse qui judicat, ³⁶ ut in humero meo portem illum, et circumdem illum quasi coronam mihi? ³⁷ Per singulos gradus meos pronuntiabo illum, et quasi principi offeram eum.

² (40:21) Numquid pones circulum in naribus ejus, aut armilla perforabis maxillam ejus?

⁴ (39:34) [Qui leviter locutus sum, respondere quid possum? manum meam ponam super os meum. ⁵ (39:35) Unum locutus sum, quod utinam non dixissem: et alterum, quibus ultra non addam.]

⁸ (40:3) Numquid irritum facies judicium meum, et condemnabis me, ut tu justificeris?

⁴ Innocens manibus et mundo corde, qui non accepit in vano animam suam, nec juravit in dolo proximo suo:

³² In malitia sua expelletur impius: sperat autem justus in morte sua.

³⁸ Certus sum enim quia neque mors, neque vita, neque angeli, neque principatus, neque virtutes, neque instantia, neque futura, neque fortitudo, ³⁹ neque altitudo, neque profundum, neque creatura alia poterit nos separare a caritate Dei, quæ est in Christo Jesu Domino nostro.

²⁰ Quoniam si reprehenderit nos cor nostrum: major est Deus corde nostro, et novit omnia.