Romans 7:7-12 What therfor schulen we seie? The lawe is synne? God forbede. But Y knew not synne, but bi lawe; for Y wiste not that coueitynge was synne, but for the lawe seide, Thou schalt not coueyte.

Wycliffe⁽ⁱ⁾ ⁷ What therfor schulen we seie? The lawe is synne? God forbede. But Y knew not synne, but bi lawe; for Y wiste not that coueitynge was synne, but for the lawe seide, Thou schalt not coueyte. ⁸ And thoruy occasioun takun, synne bi the maundement hath wrouyt in me al coueytise; for withouten the lawe, synne was deed. ⁹ And Y lyuede withouten the lawe sumtyme; but whanne the comaundement was comun, synne lyuede ayen. ¹⁰ But Y was deed, and this comaundement that was to lijf, was foundun to me, to be to deth. ¹¹ For synne, thorouy occasioun takun bi the comaundement, disceyuede me, and bi that it slow me. ¹² Therfor the lawe is hooli, and the comaundement is hooli, and iust, and good.