Wycliffe(i)
1 Therfor we, iustified of feith, haue we pees at God bi oure Lord Jhesu Crist.
2 Bi whom we han niy goyng to, bi feith in to this grace, in which we stonden, and han glorie in the hope of the glorie of Goddis children.
3 And not this oneli, but also we glorien in tribulaciouns, witynge that tribulacioun worchith pacience,
4 and pacience preuyng, and preuyng hope.
5 And hope confoundith not, for the charite of God is spred abrood in oure hertis bi the Hooli Goost, that is youun to vs.