Psalms 67:3-6 As smoke failith, faile thei; as wax fletith fro the face of fier, so perische synneris fro the face of God.

Wycliffe⁽ⁱ⁾ ³ As smoke failith, faile thei; as wax fletith fro the face of fier, so perische synneris fro the face of God. ⁴ And iust men eete, and make fulli ioye in the siyt of God; and delite thei in gladnesse. ⁵ Synge ye to God, seie ye salm to his name; make ye weie to hym, that stieth on the goyng doun, the Lord is name to hym. Make ye fulli ioye in his siyt, enemyes schulen be disturblid fro the face of hym, ⁶ which is the fadir of fadirles and modirles children; and the iuge of widewis.