Wycliffe(i)
50 And lo! a man, Joseph bi name, of Aramathie, a cite of Judee, that was a decurien, a good man and a iust,
51 this man concentide not to the counseil and to the dedis of hem; and he abood the kyngdom of God.
52 This Joseph cam to Pilat, and axide the bodi of Jhesu,
53 and took it doun, and wlappide it in a cleene lynen cloth, and leide hym in a graue hewun, in which not yit ony man hadde be leid.