Wycliffe(i)
1 And he seide to hem also a parable, that it bihoueth to preye euer more, and not faile;
2 and seide, There was a iuge in a citee, that dredde not God, nether schamede of men.
3 And a widowe was in that citee, and sche cam to hym, and seide, Venge me of myn aduersarie;
4 and he wolde not longe tyme. But aftir these thingis he seide with ynne hym silf, Thouy Y drede not God, and schame not of man,
5 netheles for this widewe is heuy to me, Y schal venge hir; lest at the laste sche comynge condempne me.
6 And the Lord seide, Here ye, what the domesman of wickidnesse seith;
7 and whether God schal not do veniaunce of hise chosun, criynge to hym dai and nyyt, and schal haue pacience in hem?