1 Thessalonians 2:17-20

Wycliffe(i) 17 And, britheren, we desolat fro you for a tyme, bi mouth and in biholding, but not in herte, han hiyed more plenteuousli to se youre face with greet desir. 18 For we wolden come to you, yhe, Y Poul, onys and eftsoone, but Sathanas lettide vs. 19 For whi what is oure hope, or ioye, or coroun of glorie? Whether ye ben not bifore oure Lord Jhesu Crist in his comyng? 20 For ye ben oure glorie and ioye.