Vulgate(i)
26 et in his omnibus inter nos et vos chasma magnum firmatum est ut hii qui volunt hinc transire ad vos non possint neque inde huc transmeare
27 et ait rogo ergo te pater ut mittas eum in domum patris mei
28 habeo enim quinque fratres ut testetur illis ne et ipsi veniant in locum hunc tormentorum
29 et ait illi Abraham habent Mosen et prophetas audiant illos
30 at ille dixit non pater Abraham sed si quis ex mortuis ierit ad eos paenitentiam agent
31 ait autem illi si Mosen et prophetas non audiunt neque si quis ex mortuis resurrexerit credent