Genesis 34:25-30 et ecce die tertio quando gravissimus vulnerum dolor est arreptis duo Iacob filii Symeon et Levi fratres Dinae gladiis ingressi sunt urbem confidenter interfectisque omnibus masculis

Vulgate⁽ⁱ⁾ ²⁵ et ecce die tertio quando gravissimus vulnerum dolor est arreptis duo Iacob filii Symeon et Levi fratres Dinae gladiis ingressi sunt urbem confidenter interfectisque omnibus masculis ²⁶ Emor et Sychem pariter necaverunt tollentes Dinam de domo Sychem sororem suam ²⁷ quibus egressis inruerunt super occisos ceteri filii Iacob et depopulati sunt urbem in ultionem stupri ²⁸ oves eorum et armenta et asinos cunctaque vastantes quae in domibus et in agris erant ²⁹ parvulos quoque et uxores eorum duxere captivas ³⁰ quibus patratis audacter Iacob dixit ad Symeon et Levi turbastis me et odiosum fecistis Chananeis et Ferezeis habitatoribus terrae huius nos pauci sumus illi congregati percutient me et delebor ego et domus mea