Mark 10:4-12

Stephanus^{(i) 4} οι δε ειπον μωσης επετρεψεν βιβλιον αποστασιου γραψαι και απολυσαι ⁵ και αποκριθεις ο ιησους ειπεν αυτοις προς την σκληροκαρδιαν υμων εγραψεν υμιν την εντολην ταυτην ⁶ απο δε αρχης κτισεως αρσεν και θηλυ εποιησεν αυτους ο θεος ⁷ ενεκεν τουτου καταλειψει ανθρωπος τον πατερα αυτου και την μητερα και προσκολληθησεται προς την γυναικα αυτου ⁸ και εσονται οι δυο εις σαρκα μιαν ωστε ουκετι εισιν δυο αλλα μια σαρξ ⁹ ο ουν ο θεος συνεζευξεν ανθρωπος μη χωριζετω ¹⁰ και εν τη οικια παλιν οι μαθηται αυτου περι του αυτου επηρωτησαν αυτον ¹¹ και λεγει αυτοις ος εαν απολυση την γυναικα αυτου και γαμηση αλλην μοιχαται επ αυτην ¹² και εαν γυνη απολυση τον ανδρα αυτης και γαμηθη αλλω μοιχαται